بسم الله الرحمن الرحيم

Роя газетаси:

АҚШнинг «Тайёр турган шер» машқларида иштирок этиши юрт хавфсизлигига таҳдиддир

Пайшанба куни Иордания-АҚШ кучлари ҳамкорликда ўтказган «Тайёр турган шер» номли йиллик ҳарбий машқларнинг саккизинчи тури ниҳоясига етди. 2011 йилдан бери ҳар йили давом этиб келаётган бу машқлар 14 апрелда бошланган эди. Унда 7 мингдан зиёд аскар қатнашган бўлса, улардан 4 мингини АҚШнинг турли ҳарбий кучлари ташкил қилди.

Буни Ҳизб ут-Таҳрир – Иордания вилояти матбуот бўлими ўз баёнотида бундай изоҳлайди: Иордания режимининг Американи ўзига дўст ва иттифоқчи тутиб, у билан шу асосда қилаётган муомаласидан Уммат ҳам, юрт аҳли ҳам бутунлай покдир. Чунки улар Американи дунё бўйлаб мусулмонларни ўлдираётган такаббур ва мустамлакачи душман давлат, деб биладилар. Уммат интилишларига мутлақо парво қилмайдиган Иордания режими эса, Америкага вафодор дўст ва иттифоқчи бўлишни ўзининг олий стратегик вазифаси, деб билмоқда. У АҚШ ва Ғарб давлатларининг Исломга қарши урушида юртдан базалар сифатида фойдаланишларига рухсат беряпти. Иордания режими Уммат бойликларига кўз олайтириб, бир-бирлари билан рақобатлашаётган ва Умматнинг уйғониш лойиҳасига қарши курашаётган мустамлакачи кучлар учун юрт хавфсизлигини нишон қилиб қўймоқда. Мустамлакачи кофир Ғарбнинг, асосан АҚШнинг бутун дунё бўйлаб Ислом ва мусулмонларга қарши курашаётганини англаш учун ортиқча куч ё меҳнат керак эмас. Мана, бугун у Шомдаги ўз тоғутини сақлаб қолиш учун бутун дунё кучларини ишга солмоқда. Бу ишни исломий юртлардаги ўзининг ювиндихўр малайлари ёрдамида амалга оширяпти, Умматнинг улкан бойликларини талон-тарож қилишга ҳамда Пайғамбарлик минҳожи асосидаги рошид Халифалик давлатини барпо этишдек буюк лойиҳасини йўқ қилишга ҳаракат қиляпти.

Баёнот ниҳоясида мусулмонларга бундай мурожаат қилинган: Бугун мустабид Иордания режими, бошқа исломий юртлардаги мустабид режимлар каби, ўзининг барча ҳарбий ва хавфсизлик кучлари ёрдамида Ҳизб ут-Таҳрирнинг даъватчи ёшларига қарши уруш очган. Шубҳасиз, бу урушга сабаб, Ҳизбнинг шариат буюрган фарзлар ва вазифалар билан, яъни исломий ҳаётни қайта бошлаш ва ҳукмдорлар хоинликларини фош этиш билан шуғулланаётганидир. Зеро, бу хиёнат сизнинг ақидангизга, динингизга, бойликларингизга ва ўзингизнинг, фарзандларингизнинг, мусулмон биродарларингизнинг жонига зиён етказишдан иборат.

Роя газетасининг 2018 йил 2 май чоршанба кунги 180-сонидан