بِسْمِ اللهِ الرَّحْمٰنِ الرَّحِيم

Ёнилғилар ва электр энергия нархларини ошириш танг ҳаётни олиб келадиган аҳмоқлик ва қарамлик қоришмасидир

Иқтисодий ислоҳот деган сиёсат доирасида ва 2017 йилги бюджетни шоша-пиша тайёрлаш учун молия вазири 2016 йил 3 ноябр пайшанба оқшомида ўтказилган матбуот конференциясида истеъмол қилиш 400 киловаттдан ошган электр энергия нархи оширилишини эълон қилди. «Жарида» газетаси ўзининг «1924» сонида бу ошириш 300 киловаттдан бошланишини маълум қилган эди. У билан бир қаторда ёнилғилар нархлари ҳам оширилади. Натижада бир литр бензин нархи 6,17 жунайҳ, бир литр солярка нархи 4,11 жунайҳ, бир галлон керосин нархи эса 18,8 жунайҳ бўлади. Бу ёнилғи нархларини 30 % ортиқ нисбатда ошириш билан шундай бўлади. (Шуруқ фазовий телеканали). Жумҳурият вице президенти 2016 йил 5 ноябр шанба куни Дамерда омма билан учрашув чоғида давлатнинг охирги иқтисодий қарорларнинг камбағалларга, даромади чекланганларга ва ишчиларга таъсир қилмаслиги борасида қаттиқ ҳаракат қилишини таъкидлаган эди. Ана шу куннинг ўзида Хартум вилояти транспорт воситалари тарифини оширишни татбиқ этишга киришди. Ваҳоланки бу транспорт воситаларидан кунига 5 миллион 600 минг камбағал ва даромади чекланган фуқаролар фойдаланади. Инфраструктура вазирлиги ҳисоботига кўра транспорт воситалари тарифидаги бу ошириш 60 % билан 100 % ўртасида бўлди. (Сиёсий микроскоп газетаси, 2016 йил 7 ноябр).

Юртларимиздаги мавжуд капиталистик давлат шароитида «иқтисодий ислоҳот» деган ибора Халқаро Валюта Фонди рецептига қулларча бўйсуниш маъносини англатади. 2016 йил 6 ноябрда полиция йиғинида сўзлаган нутқида молия вазири: «Халқаро Валюта Фонди билан биргаликда 13дан кўп қисқа муддатли программаларни амалга оширдик» деди. (Жарида газетаси, 2016 йил 7 ноябр). Бу рецепт товарлардан қўллаб-қувватловни олиб ташлаш, доллар муқобилида валюта нархини эркинлаштириш ва ҳукумат сарф-харажатларини камайтириш мазмунидадир. Бу эса давлатнинг ўз фуқароларининг таълим, соғлиқни сақлаш ва бошқалар борасидаги ишларини бошқаришга сарф-харажат қилмаслигини англатади.

Кофир Ғарбни рози қилиш учун елиб-югураётган бу ҳукумат ва унинг молиявий муассасалари аҳмоқона сиёсатларни юритди ва ҳамон юритмоқда. Чунки бу ҳукумат Судан жанубини ажратиб ташлади. Бунинг оқибатида Судан улкан бойликлардан маҳрум бўлди. Нефт вазири Муҳаммад Зойид «сиёсий микроскоп» газетасининг «1585» сонига берган интервьюсида қуйидагиларни айтди: «Жануб ажралиб чиқишидан олдин Судан кунига 455 минг баррел нефт қазиб олар эди, ажралишдан кейин эса 355 минг баррел жанубга ўтиб кетди. Яъни биз чет эл валютаси киримларидан 90 %ини йўқотдик». Бу ҳукумат қишлоқ хўжалиги лойиҳаларини тўхтатиб қўйди, корхоналарни солиқлар ва тўловларга дучор қилди, оқибатда бу корхоналар ёпилди. Бу ҳукумат мафия одамларидек иш тутиб одамлар тижоратларини, тирикчиликларини танг ҳолга келтирди, уларнинг ортидан айғоқчилик қилди, уларга ўзи кўрсатадиган барча расво хизматларда ғаламислик қиладиган бўлди! Бунинг оқибатида маҳсулот ишлаб чиқариш тўхтади, ишсизлар сони ортди, лаёқатли кишилар кўчиб кетишга мажбур бўлди ва ёшлар ўз ўлкасини тарк этиб сарсон-саргардон бўлди!!

Ҳукумат бу билангина кифояланмади. Балки омонат ва масъулият бўлган ҳокимиятни бир ўлжа манбаи қилиб олди. Ҳукумат ўзи билан ҳокимият талашадиган ҳар бир ҳавои хоҳишли кимсани шу ҳокимият билан рози қилмоқда ва унга камбағаллар ҳамда оддий одамлар йиғиб оладиган ҳаром пулдан тўламоқда. Балки бу ҳукумат федерал низомни ҳам татбиқ қилди. Бу низом ҳокимлар ва конституциячиларнинг улкан тўдаси орқали, ҳаддан ошиқ имтиёзларга эга кимсалар орқали юрт бойликларини талон-тарож қилди. Ҳукумат машъум диалог орқали парламентдаги депутатлар ва текинхўр конституциячилар сонини икки баравар оширишга ҳаракат қиляпти. Бу текинхўрлар оддий одамлар ва камбағаллар пуллари ҳисобига озиқланишади. Қўллаб-қувватловни олиб ташлаш, солиқ йиғимлари ва иқтисодий ислоҳот деган шиорлар остида зулм ва зўравонлик билан олинган ана шу пуллар ноўрин нарсаларга сарфланмоқда. Масалан молия вазирлиги ҳукумат сарф-харажатларини 10 % камайтириш тўғрисидаги фармонларни чиқарган куннинг ўзида молия вазирлиги парламент учун 850 миллион жунайҳ миқдоридаги ҳашаматли канцелярия жиҳозларини сотиб олди. Айни пайтда мажлис бош котиби эски жиҳозлардан бир қисми очиқ ким ошди савдосида сотилганини эълон қилди! Бу аҳмоқлар қаердаю, ҳайбатидан Ғарб ҳам, Шарқ ҳақ қўрқиб ҳайиққан бир буюк давлатда бир дарахт соясида ўтириб олиб фуқаролар эҳтиёжларини таъминлаб берган саййидимиз Умар ибн Хаттоб РА қаерда?!! Бу буюк давлат залолатга кетган жумҳурият эмас, Пайғамбарлик минҳожи асосидаги рошид Халифалик эди!

Ташқи ва ички бойликларга эга, экин экишга ва яйловга яроқли ўнлаб миллион фаддон (бир фаддон = 0,42 га.) ерларга эга, ўнлаб миллион ҳайвонот бойлигига, ўнлаб ширин сув ирмоқларига, Нил дарёсига, юзлаб миллион куб метр ёмғир сувларига, нефт, олтин, хром, темир, мисдан иборат улкан маъдан бойликларига ва бошқа кўп бойликларга эга Судандек кенг қулоч ёйган юрт аҳли қандай қилиб камбағал ҳаёт кечириши мумкин ахир?!!

Ҳеч шубҳасиз бу ҳукумат юрт ва бандалар ишларини идора қилишдан ожиз, барбод бўлган ҳукуматдир. Унинг энг катта ғами кофир Ғарб ва унинг молиявий муассасалари буйруқларини бажариш, юрт бойликларини ва бандалар манфаатларини Америкага ва Халқаро Валюта Фондига қурбонлар ва тўлов сифатида етказиб беришдир!! Ҳукумат бу хиёнатни қийшиқ ҳокимият курсисида ўтираверишнинг воситаси қилиб олмоқда!! Бу ҳукуматнинг барбод бўлиши сабаби тўғри йўлни йўқотгани, солиқхўрлик низоми бўлмиш капитализм низомини татбиқ этгани, танг ҳаётни ва бахтсизликни олиб келган муолажаларнинг ўзини такрорлагани ва ғамхўрлик низоми бўлмиш Ислом низомидан воз кечганидир. Ҳолбуки Аллоҳ Субҳанаҳу ва Таоло бундай қилмишни қилган кимсага бундай деб ваид қилди:

وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكاً وَنَحْشُرُهُ يَوْمَ الْقِيَامَةِ أَعْمَى

«Ким Менинг эслатмамдан юз ўгирса, бас, албатта унинг учун танг-бахтсиз ҳаёт бўлур ва Биз уни қиёмат кунида кўр ҳолда тирилтирурмиз»     [Тоҳа 124]

Эй Судан аҳли: сизлар мусулмонсиз. Сизлар Роббингиз билан кучли ва динингиз билан азизсиз. Зеро Ислом қувватингиз ва азизлигингиз манбаидир. Шундай экан Исломни тасарруфларингиз ва ишларингизга асос қилиб олинг, тўғри йўлни йўқотган ана шу ҳокимларни Ислом асосида муҳосаба қилинг ва ўзингиз истаётган ўзгаришга Исломни асос қилиб олинг. Амалимиз исломий ҳаёт учун, ғамхўрлик, азизлик ва мукаррамлик ҳаёти учун бўлсин.

يَا أَيُّهَا الَّذِينَ آمَنُواْ اسْتَجِيبُواْ لِلّهِ وَلِلرَّسُولِ إِذَا دَعَاكُم لِمَا يُحْيِيكُمْ

«Эй мўминлар, Аллоҳ ва Унинг пайғамбари сизларни абадий ҳаёт берадиган нарсага (яъни, динга) даъват қилар экан, уни қабул қилинглар»       [Анфол 24]

Ҳизб ут-Таҳрир                                                                        10 сафар 1438ҳ

Судан вилояти                                                                        10 ноябр 2016м