بسم الله الرحمن الرحيم

Эрдўғаннинг Ақсо масжидига нисбатан янги позицияси ЮНЕСКО позицияси доирасидан чиқмайди

Хабар:

Туркия президенти Ражаб Тоййиб Эрдўған: ”Қуббат ус-Сахро ва ал-Ақсо масжидлари жойлашган Ҳаром аш-Шариф фақат мусулмонларга тегишлидир”, – дея баёнот берди. Эрдўғаннинг қайд этишича, Қуддус ва ал-Ақсо масжидини ҳимоя қилиш ҳамманинг бурчидир, “фақат тошлар билан қуролланган ёш болалар тарафига ўтиб, Қуддусни ҳимоя қилиш барчанинг бурчидир”, – дея қўшимча қилди у.

Изоҳ: Эрдўғаннинг бу баёноти бир неча кун аввал “Turk Press” нашрида чоп этилган “Ақсо масжиди уччала дин учун ибодатхона бўлиб ҳисобланади” деган баёнотидан бирмунча фарқ қилади.

Эрдўғаннинг янги позицияси ЮНЕСКО ташкилоти билдирган фикрнинг доирасидан четга чиққани йўқ. Ўз навбатида, бу ташкилот Ақсо масжидини мусулмонларга тегишли деб ҳисоблайди. “Бирлашган Миллатлар Ташкилотининг таълим, фан ва маданият масалалари бўйича ташкилоти” (ЮНЕСКО) Ғарбий Девор ва Ақсо масжидини яҳудийлар билан диний боғлиқлик мавжудлигини қондириш бўйича рад этувчи қарор қабул қилди ҳамда бу жойларни фақат исломий мерос деб ҳисоблайди («Al-Jazeera.Net», 18.10.2016). Шундан сўнг, Эрдўғаннинг “Ақсо масжиди учала дин учун ибодат қилиш жойидир“ деган фикри ҳалқаро позицияга мувофиқ келадиган тарзда бошқача тус олди.

Мусулмонлар суверенитетининг фақат Ақсога чекланиши Шариат қонунларига зиддир, чунки нафақат Ақсо масжиди, балки барча Фаластин ерлари хирожий ерлар ҳисобланади ва шунинг учун у ерда мусулмонлар суверенитетидан бошқа суверенитетнинг бўлиши мумкин эмас. Қуръонда айтилганидек, Аллоҳ раҳматини фақатгина Ақсо масжидига чекламаган:

سُبْحَانَ الَّذِي أَسْرَىٰ بِعَبْدِهِ لَيْلًا مِّنَ الْمَسْجِدِ الْحَرَامِ إِلَى الْمَسْجِدِ الْأَقْصَى الَّذِي بَارَكْنَا حَوْلَهُ

“Ўз бандасини кечаси Масжидул Ҳаромдан атрофини баракали қилганимиз Масжидул Ақсога оят-мўъжизаларимизни кўрсатиш учун сайр қилдирган зот пок бўлди. Албатта, У эшитгувчи ва кўргувчи зотдир” (17.1)

Шунинг учун муборак Фаластиннинг бир қарич ерини ҳам бир тўда кимсалар ёки қандайдир вужудлар томонидан талон-тарож қилинишига йўл қўйиб бўлмайди. Умар ибн ал-Ҳаттобнинг фармони ҳам яҳудийларнинг нафақат Ақсо масжидига киришларини, балки Қуддусда яшашлари тақиқланганлигини билдиради. Қудратли Аллоҳ кофир мустамлакачиларга мусулмонлар ерларини, шу жумладан Пайғамбаримиз с.а.в. тунда сайр қилган ва меърожга чиққан ерларини ҳам босиб олишларини тақиқлайди.

Шундай қилиб, Ислом Уммати нафақат битта масжид ҳимоясига, балки Ақсо масжиди ва унинг теварак атрофларини мустамлакачилардан тўла озод қилиш учун ҳаракат қилиши шарт. Бу иш мусулмон давлатларининг, шу жумладан Туркиянинг ҳарбий авиация кучларини тўлиқ сафарбар қилиш билан амалга ошади, шундагина “Исроил” кўринишидаги яҳуд вужудининг жиноятларидан бутунлай қутилиш мумкин бўлади.

Азон айтилишидан уйқуси қочаётган яҳуд вужуди мусулмон жангчиларнинг такбир садолари остида самолётлар ва артиллериянинг гумбурлаган овозидан даҳшатга тушган ҳолда улар билан тўқнашадилар.

وَلَتَعْلَمُنَّ نَبَأَهُ بَعْدَ حِينٍ

 “Албатта, унинг хабарини бир муддатдан сўнг билурсиз», деб айт”. (38.88)

Мохир ал-Жабари

Фаластин