Ироқ ҳукуматининг ваъдалари — қуруқ сароб! 

Америка Али аз-Зайдийни Ироқ бош вазири лавозимига тайинлашни қатъий талаб қилиб, уни қўллаб-қувватлаганидан, «Иттифоқ» номзоди Нурий ал-Моликийни рад этганидан ва иқтисодий санкциялар билан таҳдид қилганидан сўнг, ишлар унинг хоҳишига мувофиқ ҳал бўлди. Шундан кейин Америка унинг обрўсини кўтариш ва Ироқ жамоатчилигини уни «давр кишиси», Ироқни қутқариш ва уни хавфсизлик соҳилига олиб ўтишга қодир шахс эканига ишонтириш мақсадида бир қатор ишларга қўл урди.

Шу мақсадда уни Вашингтонга таклиф қилди. У ерда у Ироқ иқтисодиётига тааллуқли янги босқич бошланганини эълон қилди ва бу босқични коррупцияга аралашганларни ҳисоб-китоб қилиш кампаниясидан бошлади.

«Ал-Жазира» телеканали унинг матбуот хизмати баёнотига таяниб хабар беришича:

«Ироқ ва АҚШдаги давлат ва хусусий сектор субъектлари ўртасида жами 48 та англашув меморандуми, ҳамкорлик келишуви ва шериклик тўғрисидаги декларация имзоланди».

Баёнотда, шунингдек, ушбу келишувлар «Нефть ва Электр вазирликларининг ExxonMobil, KBR, GE Vernova, Shell ва Halliburton компаниялари билан ҳамкорлиги ва шериклигини, шунингдек, Ироқ ва Сурия ўртасида хом нефть қувури барпо этишга оид бир қатор битимларни» қамраб олиши айтилди.

Бу ишлар Эронни қўллаб-қувватловчи Ироқ қуролли гуруҳларини қуролсизлантириш шарти билан боғланди. Бу жараён 2026 йил 30 сентябрдан кечиктирилмаслиги, шу билан бир вақтда Америка қўшинларининг Ироқдан чиқиб кетиши эълон қилиниши керак эди.

Ўз навбатида, Ироқ вилоятидаги Ҳизб ут-Таҳрирнинг матбуот хизмати ўз баёнотида шундай деди:

«Аммо кўз ўнгимизда намоён бўлаётган воқелик Ироқни барпо этиш ва уни барқарор, суверен давлатга айлантириш ҳақидаги ваъдалар ёлғон ва алдашдан бошқа нарса эмаслигини кўрсатмоқда. Америка фақат ўз манфаатини билади, бошқа давлатларнинг қайси водийда ҳалокатга учраши эса уни умуман қизиқтирмайди. Мана, Форс кўрфази давлатлари Американинг Эронга қарши урушида унга тобе бўлишининг нархини тўламоқда, аммо Америка уларни ҳимоя қилиш ёки улар учун мудофаа чораларини кўриш борасида ҳеч нарса қилмаяпти. Ваҳоланки, улар бошидан кечираётган барча машаққатлар айнан унинг сиёсати ва ҳаракатлари сабаблидир!»

Баёнотда мусулмонларга мурожаат қилиб яна шундай дейилди:

«Шунча шов-шув ва ёлғон ваъдалардан кейин ҳам Ироқнинг аҳволи аввалгидан-да ёмонлашганини кўриб турибмиз. Муҳтожлик, камбағаллик, ишсизлик ва нархларнинг қимматлашуви тоқат қилиб бўлмайдиган даражага етди. Ҳар ой давлат ходимларнинг маошлари билан боғлиқ инқирозга ва уларни қандай таъминлаш масаласига дуч келмоқда. Бир сафар ошхона гази муаммоси, бошқа сафар автомобиллар ёқилғиси муаммоси… Хўш, улар сизларга ваъда қилаётган бу қандай фаровон ҳаёт ўзи?!»

У яна шундай савол қўйди:

«Сизларни ғафлатда ушлаш ва хаёллар ҳамда сароб ортидан югуришнинг ўзи етарли эмасми?! Расулуллоҳ ﷺнинг: “Мўмин бир индан икки марта чақилмайди”, деган огоҳлантиришини ёдда сақлаб турган ҳолингизда бир индан қайта-қайта чақилаверасизми?!»

«Ҳалигача нажотингиз ва аҳволингизнинг ислоҳ бўлиши душманларингиз қўли билан эмас, балки ўз қўлингиз билан амалга ошишини англаб етмадингизми?!»

Зеро, сизлар инсонлар Роббиси фарз қилган ва уни ҳаёт воқелигида татбиқ этишга буюрган энг буюк ҳаёт низомига эга Умматсиз. Бу низом сизлар учун азизлик ва шарафдир.

Аллоҳ таоло деди:

﴿لَقَدْ أَنزَلْنَا إِلَيْكُمْ كِتَاباً فِيهِ ذِكْرُكُمْ أَفَلَا تَعْقِلُونَ﴾

«Дарҳақиқат, Биз сизларга ўзингиз учун зикр (шараф ва эслатма) бўлган Китобни нозил қилдик. Ахир ақл юритмайсизларми?» (Анбиё: 10)

У сизларни Ундан юз ўгиришдан огоҳлантириб, бундай ҳолат тор ва машаққатли ҳаётга олиб келишини билдирди. Аллоҳ таоло деди:

﴿وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكاً وَنَحْشُرُهُ يَوْمَ الْقِيَامَةِ أَعْمَى﴾

«Ким Менинг зикримдан юз ўгирса, бас, албатта, унинг учун танг ҳаёт бўлур ва Биз уни Қиёмат куни кўр ҳолда тирилтирурмиз». (Тоҳа: 124)

Ҳизб ут-Таҳрирнинг Ироқ вилоятидаги матбуот хизмати ўз баёнотини мусулмонларни пайғамбарлик минҳожи асосидаги иккинчи Рошид Халифаликни барпо этиш ва Аллоҳ субҳанаҳу ва таолонинг Шариатини ҳакам қилиш учун жиддий ва холисона ҳаракат қилишга чақириш билан якунлади.

Зеро, Ҳизб ут-Таҳрир ҳануз сизларни ана шу ишга даъват қилиб келмоқда. Хўш, бунга жавоб берувчи борми?!

Аллоҳ таоло деди:

﴿يَا أَيُّهَا الَّذِينَ آمَنُوا اسْتَجِيبُوا للهِ وَلِلرَّسُولِ إِذَا دَعَاكُمْ لِمَا يُحْيِيكُمْ وَاعْلَمُوا أَنَّ اللهَ يَحُولُ بَيْنَ الْمَرْءِ وَقَلْبِهِ وَأَنَّهُ إِلَيْهِ تُحْشَرُونَ﴾

«Эй иймон келтирганлар! Аллоҳ ва Расули сизларни сизларга ҳаёт берадиган нарсага даъват қилганида, унга ижобат қилинглар. Билингларки, албатта, Аллоҳ киши билан унинг қалби ўртасини эгаллаб турур ва сизлар Унинг ҳузурига тўпланурсизлар». (Анфол: 24)

Роя газетасининг 2026 йил 30 сентябр чоршанба кунги 619-сонидан