بسم الله الرحمن الرحيم

Роя газетаси:

﴿إِنَّ الَّذِينَ كَفَرُواْ يُنفِقُونَ أَمْوَالَهُمْ لِيَصُدُّواْ عَن سَبِيلِ اللَّهِ﴾

«Албатта, кофирлар мол-дунёларини Аллоҳнинг йўлидан тўсиш учун ишлатурлар»

Ҳижрий 1439 йил 15 жумодул-аввал, милодий 2018 йил 1 феврал пайшанба куни «Маан» ахборот агентлиги веб-сайти нашр қилган ва қисқача ўзгаришлар билан қуйида келтирилган хабарда бундай дейилади: (Бу хабар қисқа ўзгаришлар билан келтирилди).

«Норвегия ташқи ишлар вазираси Ине Эриксен Сёрейденинг маълум қилишича, Фаластинга ёрдам берувчи халқаро донор давлатлар гуруҳи аъзолари, яҳудийлар вужуди билан Фаластин режими ўртасида тинчлик амалиётини қайта бошлашни қўллаб-қувватлашларини таъкидлаганлар.

Сёрейде бу баёнотни, Фаластинга ёрдам берувчи халқаро донор давлатлар гуруҳининг ёки Норвегия раислигидаги «махсус алоқа қўмитаси»нинг фавқулодда йиғилиши ортидан берган.

Унинг қўшимча қилишича, донор давлатлар «UNRWA» (БМТга қарашли Яқин Шарқдаги Фаластин қочқинларига ёрдам бериш ва иш билан таъминлаш) агентлигининг молиявий вазиятидан, шунингдек, Ғазо секторидаги инсоний ва иқтисодий кризис оқибатидан хавотир билдиришмоқда.

Йиғилишга Европа Иттифоқининг ташқи ишлар ва хавфсизлик сиёсати бўйича Олий вакили ва Еврокомиссия раиси ўринбосари Федерика Могерини мезбонлик қилди. Могерини – Фаластин масаласининг ягона ечими фақат икки давлат барпо этиш ечими эканини таъкидлади ҳамда уни айни масалани мувофиқлаштириш учун «ягона реал ечим», дея баҳолади.

Роя газетаси шарҳи:

Бу донор давлатлар, мустамлакачиликдан ўзга нарсани билмайдиган, Фаластин аҳлига зиён етказиш пайида юрган давлатлардир. Улар Фаластинга моддий ёрдам бериш орқали, минтақада ўз нуфузларини сақлаб қолишга ва келажакдаги ечимларда иштирок этишини таъминлашга ҳаракат қилишади. Улар берган маблағлар Фаластин аҳлига фақат фаҳш ва бузуқлик олиб келиб, душманга хизмат қилди. Яъни пулларнинг асосий катта қисми яҳудийлар вужуди хавфсизлигини сақлаш ва ҳимоя қилиш йўлида кечаю кундуз бедор хизмат қилаётган хавфсизлик хизматига кетади. Қолган-қутгани фарзандларимиз ақлларини айнитиш ва илмонийлаштиришга сарфланади. Бу нарса таълим дастурини бузиш, рақслар, уятсиз қўшиқлар, аралаш йиғинлардан иборат разил тадбирларга тарғиб қилиш ва нохолис жамиятларни қўллаб-қувватлаш орқали амалга оширилади. Зеро, бу каби ғаразгўй жамиятларнинг номлари, ихтисослари ва соҳалари турли-туман бўлса-да, бироқ ҳаммаси Фаластин аҳлида чуқур жой олган Исломни, исломий сақофат ва тушунчаларни суғуриб олишдек битта мақсадга қаратилган. Аллоҳ Таборака ва Таоло бундай деди:

﴿إِنَّ الَّذِينَ كَفَرُواْ يُنفِقُونَ أَمْوَالَهُمْ لِيَصُدُّواْ عَن سَبِيلِ اللَّهِ فَسَيُنفِقُونَهَا ثُمَّ تَكُونُ عَلَيْهِمْ حَسْرَةً ثُمَّ يُغْلَبُونَ وَالَّذِينَ كَفَرُواْ إِلَى جَهَنَّمَ يُحْشَرُونَ﴾

«Албатта, кофирлар мол-дунёларини Аллоҳнинг йўлидан тўсиш учун ишлатурлар. Уни сарфлайдилар-у, сўнгра ўша (сарфлаган моллари) ўзларига ҳасрат бўлур. Сўнгра мағлуб бўлурлар. Бу кофирлар жаҳаннамга (дохил бўлиш учун) тўпланурлар»   [Анфол 36]

Роя газетасининг 2018 йил 7 феврал чоршанба кунги 168-сонидан