بِسْمِ اللهِ الرَّحْمنِ الرَّحِيمِ

Исломга қалбингиздан жой беринг

Фараз қилинг, ўнта одам бир уйда ўтирибди, ташқари совуқ. Уйда ўтирганлардан иккитаси сигарет чекувчи, қолганлари эса чекмайдиганлардан. Улар сигаретни кўп чекишганидан уй тутунга тўлиб, қолганларни кўнглига тега бошлади ва хатто нафас олишга ҳам қийналиб қолишди. Шунда улардан бири “уйни бироз шамоллатайлик, тутатиб юбордиларингку”, деб чекувчиларга эътироз билдирди. Лекин улар “ташқари совуқ бўлса, биз совуққа йўқмиз, тутундан одам ўлмаган”, дея рад қилишди. Сигаретнинг бадбўй тутуни энди уйдагиларнинг кийимидан ўтиб, уларнинг баданларига ҳам ўрнашаётган эди. Бу ҳолатдан ҳамма ичида ғижинаётган бўлсада, чекувчиларнинг ҳайбатидан ва ҳеч кимни гапига риоя қилмасликларини билишгани учун ноилож индамай ўтиришарди. Лекин биринчи бўлиб норозилик билдирганни тоқати тугаб борар экан, “бу уйда сизлардан ташқари бошқалар ҳам ўтирибди, сизлар ўзингизни дунёга устун деб биляпсизларми, нимага ўзингиздан бошқа ҳеч кимни ўйламайсизлар?”, дея яна норозиланди. Улар эса буни эшитмагандай чекишда давом этдилар. Ниҳоят, норози бўлган ўрнидан шахд турдида, тўғри бориб уй эшигини очиб юборди. Уйга тоза, ёқимли ва этни жунжуктирадиган ҳаво ёпирилиб кириб келдию, чекувчиларнинг афтини бужмайтиришларига, қолганларнинг сархуш ва хурсанд бўлишларига сабабчи бўлди…

Биз бу мисол билан сигаретнинг зарари ҳақида гапирмоқчи эмасмиз албатта. Бундай воқелик балки кимлардадир бўлгандир, балки ўзи яшаб турган жамиятни шу воқеликка ўхшаш эканлигини идрок қилишгандир. Шахсан менда эса шунга ўхшаш воқелик қачонлардир юз берган эди. Ўша пайтда, бу ўзимиз яшаб турган жамиятнинг соддароқ бир кўринишига ўхшаб кетишини тушунмаган эканман. Аллоҳга шукрки, мана бугунга келиб тушунгандекман. Сизчи азиз биродар, сиз ҳам тушундингизми?

Уй бу – жамият, уй ичидаги одамлар – шу жамиятда яшаётганлар, иккита чекувчи – жамиятни бошқараётган одамлар, сигарет тутуни – демократия, норози бўлган одам – ҳақни гапираётганлардир. Тоза ҳаво эса – Исломдир. Энди шу атамаларни ўрнини алмаштириб бошқатдан ўқиб чиқсангиз, сиз ҳам тушунасиз деган умиддамиз ва буни ортиқча шарҳлаб ўтиришни ҳожати йўқ деб ўйлаймиз.

Биргина қўшимча қиладиган жойи борки, бугун ҳар қандай жамиятга назар солсангиз, юқоридаги ҳолатни кўришингиз мумкин. Бадбўй ва нафасни бўғадиган демократия ҳамма жойни эгаллаб олган, бутун жамият демократиядан нафас олиб захарланмоқда. Биз яшаётган жамиятга тоза ҳаво, яъни Ислом нақадар зарур эканлигини бугунги кун яққол кўрсатиб турибди ва бу захардан бизни фақат Ислом тозалаши мумкин холос.

Шундай экан, эй биродар, сиз ҳам қалбингиз эшигини Исломга кенг очиб беринг, чунки Ислом қалбингизнинг ич-ичига ўрнаб қолган энг ифлос ва сассиқ иллатларни ҳам чиқариб ташлашга қодир бўлган ягона кучдир. Агар жамиятдаги одамларнинг қалбларида Исломдан бошқа нарсага ўрин қолмаса, қалблар ўз-ўзидан яқинлашади ва бирлашади, бунинг натижасида жамиятимиз тинч ва фаровон жамият даражасига чиқади ин ша Аллоҳ.

Ҳизб ут-Таҳрирнинг Ўзбекистондаги медиа офиси Фаррух

14.04.2015й.