بسم الله الرحمن الرحيم

Роя газетаси:

Саудлар оиласи режими Сурия аҳли жароҳати ва азоб-уқубатларини мутлақо писанд қилмайди

Ҳижрий 1439 йил 10 жумодул-аввал, милодий 2018 йил 27 январ шанба куни «Мисрийюл Явм» веб-сайти қуйидаги хабарни берди:

«Саудиянинг БМТдаги доимий вакили Абдуллоҳ Маъламий Суриянинг БМТдаги вакили Башар Жаъфарий баёнотига раддия билдириб, Сурия режимини музокараларга жиддий қарамаётганликда айблади.

Маъламий «Арабийя» ахборот каналига берган интервьюсида жумладан бундай деди: «Сурия томонидан бўлган бундай пайсалга солиш, биз учун янгилик эмас. Улар асосий масалалар тўғрисида гапиришдан ўзларини олиб қочишмоқчи… Бу масалалар конституция, ҳокимиятни ўтказиб бериш, янги ҳукумат шакли ҳамда ҳозирги вайроналар остидан олиб чиқиш зарур бўлган янги Сурия давлати шакли каби масалалардир».

У – Сурия режими музокара олиб бориш зарур бўлган асосий долзарб масалалардан эътиборни олиб қочиш ва пайсалга солиш орқали тинчлик музокараларига жиддий қарамаяпти, дея қўшимча қилди. Унга кўра, режим ҳукумати, Сурия мухолафати делегацияси билан музокара олиб бориш масаласида доимо эътиборсиз позицияни эгаллаб келган.

Саудиялик дипломат шундай деди: «Биз эслатиб қўймоқчимизки, Сурия ичкариси ва ташқарисидаги шаҳару қишлоқлардан ҳижрат қилганлар сони 11 миллионга етди, қуршовда қолган 3 миллион кишига дори-дармон етиб бормаяпти, қийинчиликлар ҳануз давом этяпти, хўш, у ерда ёрдамларни қабул қилувчи қолдими?», деди.

Сўнг «БМТ ва баъзи давлатлар ёрдам кўрсатяпти, Саудия эса суриялик халққа ёрдам бераётган давлатларнинг биринчи сафида, бироқ, афсуски, бу ёрдамлар жуда чекланган ҳолда қабул қилиняпти», дея қўшимча қилди.

Сурия мухолафати тўғрисида Маъламий бундай деди: «Ўйлайманки, ҳозир мухолафат якдил овоз билан гапиряпти, унинг делегацияси Нью-Йорк, Вашингтон ва Женевага борди… уларнинг чиқишлари диққатга сазовор бўлди, чунки, таклиф киритишда ва музокарада улар оқилона, очиқ услубда гапиряптилар».

Роя газетаси шарҳи:

Бу жинояткор Саудлар оиласи режими Туркия, Қатар сингари бошқа регионал давлатлар билан биргалашиб, тоғут режимни қулашдан сақлаб қолишга ва пойтахтни ўз қўлида ушлаб туришига катта ҳисса қўшди. Буни жангчи гуруҳларни сиёсий мақсадда берилган ифлос пуллар билан ўзига боғлаб олиш орқали, бинобарин, уларнинг ўз истак ва қарорларини тортиб олиб, худди бугун бўлаётганидек, салибчи Америка режаси бўйича ҳаракатлантириш билан амалга оширди. Энди эса у, Сурия режими дастурни ўзгартиришга ва ҳокимиятни ўтказиб беришга рози бўлмагани учун уни тан олмаслигини даъво қиляпти… Қизиқ, у қайси дастур ва ҳукумат ҳақида гапиряпти?! Башар режими бирор мустақил қарорга эгамики, Вашингтондаги хўжайинлари буйруғисиз музокарани қабул қилиш, пайсалга солиш ёки рад этишга қодир бўлса?! Аслида, қабул қилиш ёки рад этишга қодир инсонлар – улар жуда кўпчиликни ташкил қиладилар – Сурия аҳли ва уларнинг орасидаги холис кишилардир. Улар қўзғолон аланга олган кундан бошлаб, «халқ режимни ағдаришни истайди», дея ўз сўзларини айтиб чиқдилар. Бу сўз, режимни илдизи билан қўпориб ташлашни, АҚШ бошчилигидаги мустамлакачи давлатларга бўлган қулликдан қутулишни ва Пайғамбарлик минҳожи асосидаги рошид Халифалик соясида Исломни бошқарувга чиқишини исташларини англатади.

Роя газетасининг 2018 йил 31 январ чоршанба кунги 167-сонидан