بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Трампнинг душманлик сиёсати сабабли Америка муҳожирларга қарши курашини кучайтирмоқда

Юзлаб ҳужжатсиз муҳожирлар ҳибсга олинди

Америка Федерал иммиграция расмийлари ўтган ҳафта тўртта штатнинг ўзида юзлаб ҳужжатсиз муҳожирни ҳибсга олган. Жума куни расмийлар буни қонун ижросини жорий қилиш учун олиб борилаётган мунтазам амалиётлар эканини билдирди.

Ўтган ҳафта муҳожирликка қарши кампания бошлангани ҳақидаги ҳисоботлар муҳожирлик ва муҳожирлар оилаларини ҳимоя қилиш ташкилотларида хавотир уйғотди. Маълумки, бу кампания президент Дональд Трампнинг етти давлатдан муҳожир ва қочқинларни Америкага киритмаслик тўғрисидаги қарори ижроси сифатида бошланган эди. Айни масала ҳозирда муаллақ қолмоқда.

«Муҳожирлар хонадонларида ҳам, муҳожирларни дўст сифатида яхши кўраётган Америкада туғилган америкаликлар хонадонларида ҳам хавотир кучли», дейди Муҳожирлар Ватандошлиги клуби бошқарувчиси Али Нуриддин.

Американинг Лос-Анжелес иммиграция идораси ва божхонаси бўлимидаги қонун татбиқи чора-тадбирлари бўйича бошқарувчи Дэвид Мариннинг изоҳлашича, айни қонунни жорий қилиш амалиётлари Атланта, Нью-Йорк, Лос-Анжелес ва уларнинг атрофидаги минтақаларда бошланган.

Бўлим расмийлари ҳибсга олинганларнинг ялпи сони ҳақида маълумот бермадилар. Уч штатни бошқарувчи Атланта бўлими матбуот воизи Брайан Коксга кўра, улар Атлантанинг ўзида 200 нафар муҳожирни ҳибсга олишган.

Марин яна беш кун давом этган амалиётни қонун ижросини жорий қилиш, дея баҳолади.

У журналистлар билан телефон орқали ўтказган конференциясида бу каби ҳаракатлар мунтазам бўлишини, масалан, собиқ президент Барак Обама маъмурияти ҳам ўтган йили Лос-Анжелесда худди шундай кампания ўтказганини таъкидлади. (Ҳурра 2017 йил 11 феврал).

Роя газетаси шарҳи:

Ўзини эркинликлар юрти, мазлум ва эзилганлар ҳомийси, дея оғиз кўпиртириб мақтанувчи Америка бугун ўз қадриятларини оёқлари билан депсамоқда, принципларига хиёнат қилиб, ўлимдан ва золим ҳукмдорлар репрессиясидан қочиб келган бечораларни Америкага киритмаяпти… Шубҳасиз, бу нарса мусулмонларга Пайғамбарлик минҳожи асосидаги рошид Халифаликни барпо этишга ҳаракат қилишни янада шарт қилмоқда. Зотан, ушбу Халифалик ўз адолати билан мусулмонларни бағрига олиб, куч-қудрати билан уларни мудофаа қилади. Ушбу бузуқ ва фожир Америкадек давлат дарвозалари олдида хор бўлишларига йўл қўймайди… Ҳатто эртага капиталистик бошқарув зулмидан Ислом адолати сари қочиб келадиган америкаликларга ҳам бошпана беради.

Роя газетасининг 2016 йил 15 феврал чоршанба кунги 117-сонидан