Эрдўғаннинг Россияга ташрифи – мусулмонларга қарши жиноятдир
بسم الله الرحمن الرحيم
Эрдўғаннинг Россияга ташрифи – мусулмонларга қарши жиноятдир
Хабар:
Туркия президенти Ражаб Тойип Эрдўған 2015 йилнинг ноябрида уриб туширилган Россия самолёти билан боғлиқ бўлган муносабатлардаги инқироз масаласини ҳал қилиш учун 3 май куни Россия президенти Владимир Путин билан учрашди. Президентлар ўртасидаги бешинчи учрашув Сочидаги президент қароргоҳида бўлиб ўтди. (“Анадолу” агентлиги, 03.05.2017)
Изоҳ: Ражаб Тойип Эрдўған Ҳиндистонда Кашмир мусулмонлари қотили билан учрашганидан сўнг Россия ҳукмдори билан учрашиш учун жўнаб кетди. Эрдўған Ҳалабни Сурия режимига топширилишидан қониқмади, шунинг учун ҳам ташрифининг бошланишидан олдиноқ журналистларга “Сурия масаласини муҳокама қилиш” учун жўнаб кетаётгани ҳақида баёнот берди. Эрдўған мусулмонларни ўлдирилишида қанчалик ўз ҳиссасини қўшиши ёки минтақада Америка лойиҳасига қандай ёрдам кўрсатиши мумкинлиги тўғрисидаги масала муҳокама қилиниши шундоқ ҳам тушунарли.
Туркия президенти идораси матбуот котиби Иброҳим Қалин шундай баёнот берди: ”Икки президент учрашуви Остона ва Женевада бошланган ҳаракатларнинг давомини ўз ичига олади, у декабр ойида йўлга қўйилган Сурияда жанговар ҳаракатларни тўхтатиш бўйича ишлар билан боғлиқдир. Бу ишлар сулҳ бузилишига нуқта қўйиш, қон тўкилишини тўхтатиш, фуқароларга гуманитар ёрдам конвойларини ўтказиб юбориш ва сиёсий ўтиш жараёни хавфсизлигини таъминлаш учун барча зарурий чора-тадбирларни кўриш вазифасини бажаради”.
Кўриниб турибдики, Эрдўған Америка буйруғи билан ёки минтақада унинг сиёсатига ва манфаатига мувофиқ равишда учрашувларга бормоқда. Россиядан кейин Эрдўған Хитойга учиши керак, кейин эса Америкага. Бу шуни кўрсатадики, Эрдўған Ислом ва мусулмонлар душманлари бўлмиш жиноятчи мустамлакачиларнинг биронтасини қолдирмай учрашмоқда ва улар билан ҳамкорлик қилмоқда.
Бу учрашувларга кўп томонлама қараганда қуйидагиларни айтиш мумкин:
1. Шариат нуқтаи назаридан қараганда, Исломга қарши курашаётган давлатлар билан сиёсий, иқтисодий, ҳарбий, дипломатик ва бошқа алоқалар шубҳасиз ҳаромдир, чунки улар Ислом ва мусулмонларнинг очиқ душманларидир. Бу улар билан ҳамкорлик қилиш ёки ҳар қандай ҳолатда улар томонга ташриф буюриш – ҳаром ҳамда сиёсий хатар эканини англатади. Улар билан алоқалар фақат уруш ва қаттиққўл ҳолатда бўлади, акс ҳолда динимиз талаб қилган нарсаларга зид ишга киришган бўламиз!
Қудратли Аллоҳ айтадики:
وَتَعَاوَنُواْعَلَىالْبرِّوَالتَّقْوَىوَلاَتَعَاوَنُواْعَلَىالإِثْمِوَالْعُدْوَانِ
“Яхшилик ва тақво йўлида ҳамкорлик қилинг. Гуноҳ ва душманлик йўлида ҳамкорлик қилманг. Аллоҳга тақво қилинг. Албатта, Аллоҳ иқоби шиддатли зотдир”. (5:2)
Шундай қилиб, кофир давлатлар билан илиқ ва дўстона муносабатлар ўрнатиш, уларнинг Исломга қарши жиноятларига ва мусулмонларни ўз ерларида ўлдиришда уларга шерик бўлишни билдиради. Афсуски, Эрдўған ўзини ташқаридан Ислом арбоби қилиб кўрсатмоқда ва мусулмонлар уни Уммат ҳақларини жасур ҳимоячиси бўлган эркак-мусулмон деб ҳисобламоқдалар, ҳолбуки у Уммат душманларининг барча жиноятларида иштирок этмоқда, хусусан Сурияда бу очиқ кўринди, шунингдек у Фаластин, Ироқ, қочқинлар ва бошқа мусулмонлар ҳақ-ҳуқуқларига нисбатан жиноятларда ҳам иштирок этмоқда.
2. Сиёсий нуқтаи назардан қараганда, Туркияда референдум ўтказилишидан аввал Эрдўған Европа билан оддий бўлмаган алоқаларда бўлгани маълум, у бу зиддият ҳисобига ўз ҳалқи қўлловига эга бўлишни мақсад қилган эди. Трампни президент бўлиши билан ўзгарган Американинг янги сиёсатига мувофиқ равишда Эрдўған Хитойни ушлаб туриш сиёсати доирасида Ҳиндистон билан алоқалар ўрнатди, сўнгра Россияга алоқаларни кучайтириш учун борди, ҳатто бу минглаган мусулмонлар ҳаёти эвазига бўлса ҳам. Буларнинг барчаси Эрдўғаннинг ҳар қандай давлатга Ислом Уммати манфаатлари ва келажагига зарба берадиган ифлос сиёсий мақсадлар сабаб боришини кўрсатади. Бошқа томондан, Эрдўғаннинг Россияга ташрифи Американинг кўплаб вакиллари иштирокида ўша куни ўтказилган Остонадаги музокараларга тўғри келди.
3. Иқтисодий нуқтаи назардан қаралса, сўнгги йилларда Туркия капиталистик система сабабли молиявий ва иқтисодий кризисда қолмоқда. Ҳукумат иқтисодий ва молиявий қийинчиликларни ҳал этишда муваффақиятга эришмади. Шу билан бирга, ҳукумат аҳолини алдашда бир қатор амалиётларни амалга оширишни уддалади, масалан, молиявий ва иқтисодий соҳаларда тузатишлар киритиш, шунингдек давлат ва жамоат мулкини сотиш ва хусусийлаштиришни таклиф қилиш. Ҳукумат давлатнинг иқтисодий тузилмаларига зарба берган хорижий инвестицияларни жалб қилди. Бундай қадамлар муаммоларни ҳал этиш учун етарли эмас албатта, чунки бунга яна ҳал қилинмаган ўғирлик, коррупция, бошқа ички муаммолар ва жинояткор сиёсатчиларнинг оддий очкўзликлари сабабли охири йўқ молиявий йўқотишлар ҳам қўшилади. Шу сабабларга кўра, Эрдўған молиявий қўллов, иқтисодга оқиб келувчи манбалар ва айниқса референдумдан сўнг мамлакатда тўхтамаётган кризисни енгиллатадиган ҳар қандай имкониятни қидиришга тушди. Иқтисодий мавзу Россия ва Хитойга ташриф буюришдаги энг муҳим мавзулардан биридир. Баъзи янгиликларда ёзилишича, Россия ва Туркия президентлари ўртасида помидорлар масаласидан бўлак ҳеч нарсада зиддият қолмади.
Сўнгги сўз ўрнида айтмоқчиманки, мусулмонларни аввалгидек Ислом билан бошқармаяптилар, шунинг учун улар футбол коптогидек у томондан бу томонга тепилмоқдалар. Гоҳ Америка бағрига интилсалар, гоҳида Европага интилмоқдалар… Улар ниҳоят Пайғамбарлик минҳожи асосидаги Рошид Халифаликни тикламас эканлар, аҳволлари яхшиланмайди. Умид қиламизки, у яқин кунларда тикланажак.
Эржан Текинбош
9 Шаъбон 1438 ҳ.й
06.05.2017й
