بسم الله الرحمن الرحيم

Ҳолинг қандай, эй менинг мусулмон қибладошим?!

Муслим Абу Ҳурайра (р.а.) дан ривоят қилган ҳадисларида Пайғамбар (с.а.в.) айтадилар:

«أَنَّ رَجُلاً زَارَ أَخًا لَهُ فِي قَرْيَةٍ أُخْرَى, فَأَرْصَدَ اللَّهُ تَعَالَى لَهُ مَلَكًا, فَلَمَّا أَتَى عَلَيْهِ قَالَ: أَيْنَ تُرِيدُ؟ قَالَ أُرِيدُ أَخًا لِي فِي هَذِهِ الْقَرْيَةِ, قَالَ هَلْ لَكَ عَلَيْهِ مِنْ نِعْمَةٍ تَرُبُّهَا عَلَيهِ؟ قَالَ: لاَ, غَيْرَ أَنِّي أَحْبَبْتُهُ فِي اللَّهِ تَعَالَى, قَالَ: فَإِنِّي رَسُولُ اللَّهِ إِلَيْكَ, بِأَنَّ اللَّهَ قَدْ أَحَبَّكَ كَمَا أَحْبَبْتَهُ فِيهِ»

«Бир киши бошқа бир қишлоқдаги биродарининг зиёратига борса, Аллоҳ унинг учун бир фариштани пойлоқчи қилиб қўяди. Ҳалиги киши пойлаб турган фариштанинг ёнига келгач, фаришта ундан: «Қаерга бормоқчисан?», деб сўрайди. У «Шу қишлоқдаги бир биродаримникига», деб жавоб берган чоғда, фаришта: «Сенинг унда кўпайтирадиган маблағинг борми?», деб сўрайди. Ҳалиги одам: «Йўқ, лекин мен уни Худо учун яхши кўраман», дейди. Шунда фаришта: «Мен Аллоҳнинг сенга юборган элчисиман, сен уни Худо учун яхши кўрганингдек, Худо ҳам сени яхши кўради», дейди.

Пайғамбар (с.а.в.) нинг ушбу сўзларидан ер юзидаги барча Ислом уммати бир вужуд бўлиб, бир-бирларимизни ҳолимиздан хабардор бўлиб ҳаёт кечирмоғимиз мусулмонлик бурчларимиздан бири эканлиги аён бўлмоқда. Шу кунларда ОАВлар орқали тарқатилаётган хабарларни кузатаётган ҳар бир иймон даъвосидаги киши беихтиёр тишлаган нонини ютишга қийналади. Сабаби, ҳар бир мусулмон дунёнинг қайси бурчагида бўлишидан қатъий назар, иккинчи бир мусулмонга туғишган ака-ука биродардирлар. Биродарининг хурсандчилигини кўрганда хурсанд бўлади, оч бўлса тўйдиради, юпун бўлса кийинтиради, бошпанаси йўқ бўлса бошпана беради.

Пайғамбар (с.а.в.) мусулмонлар ўзаро  бир-бирларига мехр-оқибатли бўлишга тарғиб этган хадисларида шундай деганлар:

«لاَ يَزَالُ اللَّهُ فِي حَاجَةِ الْعَبْدِ مَا دَامَ فِي حَاجَةِ أَخِيهِ»

«Модомики банда биродарининг ҳожатини чиқариш пайида бўлар экан, Аллоҳ унинг ҳожатини чиқариш пайида бўлаверади»  Табароний  ривояти.

Пайғамбар (с.а.в.)  яна айтадилар:

«مَنْ لَقِيَ أَخَاهُ الْمُسْلِمَ بِمَا يُحِبُّ لِيَسُرَّهُ بِذَلِكَ, سَرَّهُ اللَّهُ عَزَّ وَجَلَّ يَوْمَ الْقِيَامَةِ»

«Кимки мусулмон биродарини хурсанд қилиш учун унга яхши кўрадиган нарсаси билан рўбарў келса, қиёмат кунида Аллоҳ Азза ва Жалла уни хурсанд қилади».Анас ривояти.

Ибн Умар эса, Пайғамбар (с.а.в.) дан қуйидаги муттафақун алайҳ ҳадисни ривоят  қиладилар:

«الْمُسْلِمُ أَخُو الْمُسْلِمِ لاَ يَظْلِمُهُ وَلاَ يُسْلِمُهُ, مَنْ كَانَ فِي حَاجَةِ أَخِيهِ كَانَ اللَّهُ فِي حَاجَتِهِ, وَمَنْ فَرَّجَ عَنْ مُسْلِمٍ كُرْبَةً فَرَّجَ اللَّهُ عَنْهُ بِهَا كُرْبَةً مِنْ كُرَبِ يَوْمِ الْقِيَامَةِ, وَمَنْ سَتَرَ مُسْلِمًا سَتَرَهُ اللَّهُ يَوْمَ الْقِيَامَةِ»

“Мусулмон мусулмоннинг биродаридир. Унга зулм ҳам қилмайди, уни ташлаб ҳам қўймайди. Кимки биродарининг ҳожатини чиқариш йўлида бўлса, Аллоҳ унинг ҳожатини чиқариш йўлида бўлади, кимки бир мусулмоннинг хафалигини тарқатиб юборса, Аллоҳ унинг қиёмат кунидаги бир хафалигини тарқатиб юборади, кимки бир мусулмоннинг айбини ёпса, Аллоҳ қиёмат кунида унинг бир айбини ёпади”.

Ушбу ҳадислар ҳар бир иймон эгасидан ўз биродарини ўз ҳолига ташлаб қўйишдан қайтариб, аксинча ер юзининг қайси бурчагида яшашидан қатъий назар, мусулмон киши ўз диндошининг аҳволидан доимо хабардор бўлишга тарғиб этмоқда. Бугунги кунда, Ислом юртларининг қайси бирини кузатманг, уруш, вайронагарчилик, маҳаллий аҳолининг ўз юртини ташлаб кетаётгани, шунингдек мустамлакачиларнинг тинч аҳоли устига ёғдираётган кассетали, кимёвий бомбаларидан норасида гўдакларни қони оқаётгани, оналар фарёди…. !

Шу ўринда баъзи фактларни келтириб ўтамиз, жумладан, БМТнинг Инсон ҳуқуқлари бўйича олий комиссари Зеид Раад ал Ҳусайинга кўра, Суриянинг қамалдаги шаҳарларида 480 минг нафар одам ўта  ночор аҳволда қолаётгани, Мадайя шаҳрида эса аллақачон ўнлаб одамлар очликдан ўлганлигини маълум қилади.

Британияда чоп этиладиган “Guardian” рўзномаси Сурия сиёсий тадқиқотлар марказининг ҳисоботини чоп этди. Ҳисоботда айтилишича, Суриядаги беш йиллик уруш давомида мамлакат аҳолисининг 11,5 фоизи ўлган, аҳолининг аксари эса турли даражада жабрланган. Аниқ рақамларга таянадиган бўлсак, Сурия урушида ҳозирга қадар 470 минг инсон қурбон бўлди, қарийб икки миллион инсон яраланган.

Шунингдек, najot.info сайти “Degishimhaber” манбасига таяниб қуйидагиларни ёзади: Миллионлаган Суриялик қочқинлар жон сақлаётган Иорданиядаги Заатари лагерида, оғир қиш шароити ва озиқ-овқат тақчиллигидан ӯлаётганларнинг сони 100 нафарга етди.

Маҳаллий манбалар, ўлганларнинг аксариятини ёш болалар ва қариялар ташкил қилишини, баъзи қочқинлар эса тиббий ёрдам кӯрмагани учун Гепатит Б касаллигига чалиниб, нобуд бўлаётганини ҳамда чодирлар етишмовчилиги сабабли битта чодирда 5-6 оиланинг қолаётганини ва бу 40-45 кишига тенг эканини таъкидлашмоқда. Суриядаги 2011 йилда бошланган ва ҳануз давом этаётган халқ қўзғолонидан бугунгача 12 миллиондан кӯпроқ инсон ўз турар жойларини тарк қилишга мажбур бӯлди. 

Ушбу фожиавий фактлар ҳақида, яъни сизу-бизларнинг диндош, қибладош ака-укаларимиз, опа-сингилларимизнинг тортаётган жабру-ситамларини ҳеч фикрлаб кўрдингизми? Эртанги Қиёмат тонги отган кунда ушбу норасидалардан,  бошпанасиз қолган муқаддас Шом диёри аҳлининг Европа остонасига бош уриб бораётганидан, шунингдек, тинчлик юрти дея бонг урилаётган Ўзбекистоннинг ер ости зиндонларида ўн етти йилдан буён ҳеч бир айбсиз ётган уммат ёшларидан ҳамда ер юзидаги миллионлаган жабрдийдалардан Роббил Аламин ҳузурида сўралишингиз хусусида ҳеч ўйлаб кўрдингизми? Ёки бу дунёда яшаётганингиздек, охират диёрида ҳам худди офтобда ағнаб ётган мушукдек хотиржам ҳаётим давом этаверади деб ўйлайсизми? Йўқ асло, ундай эмас!

Бу ҳақда Абу Ҳурайра (р.а.) Пайғамбар (с.а.в.) дан, у киши Парвардигорлари Азза ва Жалладан ривоят қилган ҳадиси қудсийда шундай дейдилар:

«وَعِزَّتِي لاَ أَجْمَعُ عَلَى عَبْدِي خَوْفَيْنِ وَأَمْنَيْنِ إِذَا خَافَنِي فِي الدُّنْيَا أَمَّنْتُهُ يَوْمَ الْقِيَامَةِ وَإِذَا أَمِنَنِي فِي الدُّنْيَا أَخَفْتُهُ يَوْمَ الْقِيَامَةِ»

«Иззатим ҳаққи, бандамда икки хавфни ҳам, икки хотиржамликни ҳам бирлаштирмайман. Агар бандам бу дунёда Мендан хавфда бўлса, қиёмат кунида унга хотиржамликни бераман, агар бандам бу дунёда Мендан хотиржам бўлса, қиёмат кунида уни хавфу хатарга соламан».

Ушбулардан келиб чиққан ҳолда айтамизки, сизу-биз уммат фарзандлари олдида икки дунёмизни обод қилувчи ягона йўл турибди. Яъни Ислом умматини бундай аянчли қисматига нуқта қўйувчи, хорликдан азизликка етакловчи, адолатни ўз ўрнига қўювчи ҳамда золимни мазлум олдида тиз чўктирувчи Халифалик Давлатини барпо этишимиздир. Аллоҳ Субҳонаҳунинг ризосига эришмоғимиз, дунёю охират саодатини топмоғимиз учун У Зотдан шу динга нусрат беришини ҳамда унинг шаънини кўтаришда ҳаммамизни бир ёқадан бош чиқаришга муваффақ айлашини сўраймиз.

Аллоҳ Таъоло ўзининг муқаддас каломида шундай дейди:

وَعَدَ اللَّهُ الَّذِينَ آمَنُوا مِنْكُمْ وَعَمِلُوا الصَّالِحَاتِ لَيَسْتَخْلِفَنَّهُم فِي الأَرْضِ كَمَا اسْتَخْلَفَ الَّذِينَ مِنْ قَبْلِهِمْ وَلَيُمَكِّنَنَّ لَهُمْ دِينَهُمْ الَّذِي ارْتَضَى لَهُمْ وَلَيُبَدِّلَنَّهُمْ مِنْ بَعْدِ خَوْفِهِمْ أَمْناً يَعْبُدُونَنِي لا يُشْرِكُونَ بِي شَيْئاً وَمَنْ كَفَرَ بَعْدَ ذَلِكَ فَأُوْلَئِكَ هُمْ الْفَاسِقُونَ

– „Аллоҳ сизлардан иймон келтирган ва яхши амаллар қилган зотларга худди илгари ўтган (иймон-эътиқодли) зотларни (ер юзига) халифа-ҳукмрон қилганидек, уларни ҳам ер юзида халифа қилишни ва улар учун Ўзи рози бўлган (Ислом) динини ғолиб-мустаҳкам қилишни ҳамда уларни(нг аҳволини) хавфу хатарлардан сўнг тинчлик-хотиржамликка айлантиришни ваъда қилди. Улар Менга ибодат қилурлар ва Менга бирор нарсани шерик қилмаслар. Ким мана шу (ваъда)дан кейин куфрони (неъмат) қилса, бас, улар итоатсиз кимсалардир“.                   (24:55)   

Ҳизб ут-Таҳрирнинг Ўзбекистондаги медиа офиси Зайниддин

26.03.2016й