Матбуот баёноти 

بِسْمِ اللهِ الرَّحْمٰنِ الرَّحِيمِ

Мусулмонлар армиялари қўмондонлари душман ҳарбий раҳбарлари билан нима мақсадда йиғилмоқда?

Сўнгги кунларда халқаро оммавий ахборот воситалари бир қатор мусулмон мамлакатлари ҳарбий раҳбарияти иштирокида ўтказилган ўта махфий ва ёпиқ учрашув тафсилотларини ошкор қилди. «Axios» нашри тарқатган хабарга кўра, Саудия Арабистони, Бирлашган Араб Амирликлари, Баҳрайн, Қувайт, Қатар, Иордания ва Миср қуролли кучлари қўмондонлари Германия ҳудудида АҚШ Марказий қўмондонлиги (CENTCOM) раҳбари адмирал Брэд Купер ҳамда яҳудий вужуди Бош штаб бошлиғи генерал Эяль Замир билан учрашган. Мазкур музокаралар Германия Мудофаа вазирлигини мутлақо огоҳлантирмаган ҳолда, парда ортида ўтказилгани алоҳида эътиборни тортади.

Манбаларга кўра, адмирал Брэд Купер Эроннинг минтақадаги АҚШ ҳарбий базаларига қаратилган зарбаларига қарамай, расмий Вашингтон ўз қўшинларини Яқин Шарқдан асло олиб чиқиб кетмаслигини таъкидлаб, иттифоқчи давлатларни тинчлантиришга уринган. Шунингдек у иштирокчиларга АҚШнинг Ҳурмуз бўғозидаги денгиз қатновини кенгайтириш ва назоратни кучайтиришга қаратилган стратегик режасини тақдим этган. Ўз навбатида, яҳудий вужуди расмийси генерал Эяль Замир йиғилганларга ўз қўшинларининг турли фронтларда олиб бораётган ҳарбий амалиётлари хусусида ҳисобот берган. АҚШ Марказий қўмондонлигининг расмий баёнотида эса бу учрашув «Яқин Шарқда хавфсизлик соҳасидаги кўп томонлама ҳамкорликни мустаҳкамлаш истиқболлари»ни муҳокама қилиш мақсадида ташкил этилгани даъво қилинган.

Қуролли кучларимиз раҳбарларининг ана шундай шармандали ва номақбул қадами муносабати билан Ҳизб ут-Таҳрир Марказий Матбуот бўлими қуйидаги муҳим жиҳатларни оммага маълум қилади:

Биринчидан: Ислом уммати бу ҳарбий қўмондонлардан мутлақо бошқача қадамни, яъни ўз юртларидаги қўғирчоқ ҳукмдорларнинг очиқдан-ачиқ хиёнатлари ва душман кучлар билан тил бириктиришларига чек қўйиш, уларни ҳокимиятдан четлатиш ва барча мусулмонларни бирлаштирувчи ягона Халифага байъат беришда қатъий тўхтамга келишни кутган эди. Бироқ улар, аксинча, ўз раҳбарларининг айни хиёнати ва душман билан умматга қарши тил бириктириши йўлини давом эттирдилар: қўллари ҳали Фаластин, Ливан ва Суриядаги мусулмонлар қонидан қуримаган яҳудйи вужуди Бош штаби бошлиғи билан бир стол атрофида ўтирдилар. Шунингдек, улар Ироқ, Афғонистон, Яман ва Эронда сон-саноқсиз мусулмонларнинг умрига зомин бўлган Америка қўмондонлиги раҳбари билан қўл бериб кўришдилар. Аллоҳга қасамки, бу улкан ва кечирилмас жиноятдир!

Иккинчидан: Қўшма Штатларнинг исломий ҳудудлардаги барча ҳарбий ва дипломатик фаоллиги ягона мақсадга қаратилган — ушбу ўлкалар устидан гегемонлик назоратини янада мустаҳкамлаш, стратегик аҳамиятга молик геосиёсий тугунларни қўлга олиш ҳамда анъанавий рақиблари бўлмиш европалик кучларни минтақадан бутунлай сиқиб чиқариш. Америка ўзининг ана шу глобал босқинчилик режаларини амалга ошириш йўлида, худди ўзига тобе рувайбиза ҳукмдорлардан фойдалангани каби, ушбу ҳарбий элитани ҳам шунчаки ўз сиёсатининг арзон қуроли ва қўғирчоғига айлантириб қўймоқда.

Учинчидан: Вашингтон яҳудий вужудини Яқин Шарқдаги умумий хавфсизлик архитектурасининг ажралмас бўлагига айлантиришни кўзламоқда. Мусулмон давлатлари қўмондонлари эса бу жирканч вужуднинг ҳарбий раҳбари томонидан тақдим этилган турли фронтлардаги қонли амалиётлар ҳисоботини худди бу фожиалар ўз юртларида эмас “воқ-воқ элида” – етти иқлим нарида кечаётгандек бепарволик билан тинглаб ўтирдилар. Агар бу ҳарбийларда заррача ор-номус ва масъулият бўлганида эди, Америка манфаатларига хизмат қилувчи хавфсизлик ҳамкорлиги ниқоби остидаги бундай савдолашув столига асло яқин йўламаган бўлардилар.

Ҳизб ут-Таҳрир Марказий Матбуот бўлими мазкур учрашув иштирокчиларини, қолаверса, Ислом оламидаги барча ҳарбий раҳбарларни,  Ислом умматига қарши душманлар билан тил бириктириб, хиёнат занжирини давом эттираётганларни, рувайбиза ҳукмдорларнинг сотқинлигига томошабин бўлиб жим турган ҳар бир шахсни қаттиқ огоҳлантиради: бу қилмишларингизнинг дунёда ҳам охиратда ҳам оқибати жуда ёмон бўлади – дунёда хорлик, Охиратда эса аламли азоб кутади.

Бас, эй ҳарбий қўмондонлар, ўз ишингизга бир боқинг! Уммат сафига қайтишга, Аллоҳ субҳанаҳу ва таолога тавба қилишга шошилинг. Анави рувайбиза ҳукмдорларни тахтдан ағдариш ва пайғамбарлик минҳожи асосидаги Рошид Халифалик соясида Ислом умматини бирлаштирадиган ягона Халифага байъат бериш учун дадил қадам ташланг.

Мана, ўз аҳли-тарафдорларига асло ёлғон гапирмайдиган, собит қадам йўлбошчи — Ҳизб ут-Таҳрир, пайғамбарлик минҳожи асосидаги Халифалик Давлатини барпо этишдек буюк мақсад йўлида Умматнинг ҳар бир холис, садоқатли фарзандига, унинг жасур ҳарбий раҳбарларига нусрат талаб қилиб қўлини чўзмоқда. Зеро, дунё ва Охират азизлиги ҳам, Аллоҳнинг буюк розилиги ҳам фақат мана шу йўлдадир!

﴿وَلَيَنصُرَنَّ اللَّهُ مَن يَنصُرُهُ إِنَّ اللَّهَ لَقَوِيٌّ عَزِيزٌ﴾

«Албатта, Аллоҳ Ўзига (динига) ёрдам берганларга нусрат-мадад ато этур. Шубҳасиз, Аллоҳ Қувватли ва Қудратлидир». (Ҳаж, 40-оят)

Ҳизб ут-Таҳрир Марказий Матбуот бўлими