Исломгина Ливиядан мустамлакачиликни ҳайдай олади

Ливия ғарбидаги «Миллий бирлик ҳукумати»га қарашли ҳаво, денгиз ва ҳаво мудофааси кучлари штаб бошлиқлари ҳамда Ливия шарқидаги кучлар штаб бошлиқлари ҳарбий соҳанинг турли йўналишларида ҳамкорлик ва интеграцияни кучайтириш учун қўшма иш дастури ва уни амалга ошириш режаларини келишиб олдилар. Ҳолбуки, улар мамлакат бирлиги ва ҳокимият учун давом этаётган низони тугатиш ҳақида гапиришлари керак эди! Бу уринишларнинг беҳуда экани ва бундай уриниш ҳамда музокаралардан мамлакат учун бирор яхшилик чиқишига умид қолмаганини яна бир бор тасдиқловчи ҳолат шуки, ҳарбий тузилма ушбу мулоқотни БМТ миссияси ҳомийлигида ҳамда Ливиядаги низо томонлари ўртасида 2020 йил октябр ойида Женевада имзоланган ўт очишни тўхтатиш келишувини амалга ошириш доирасида олиб бормоқда!

Ар-Роя: Мусулмонларнинг бирлиги вожиблиги масаласи Шариат нуқтаи назаридан ҳал қилинган масаладир. Аллоҳ таоло шундай дейди:

﴿وَاعْتَصِمُواْ بِحَبْلِ اللّهِ جَمِيعاً وَلاَ تَفَرَّقُواْ﴾

«Барчангиз Аллоҳнинг арқонини маҳкам тутингиз ва бўлинмангиз». (Оли Имрон сураси, 103-оят)

Росулуллоҳ ﷺ эса шундай дедилар:

«مَنْ أَتَاكُمْ وَأَمْرُكُمْ جَمِيعٌ عَلَى رَجُلٍ وَاحِدٍ يُرِيدُ أَنْ يَشُقَّ عَصَاكُمْ أَوْ يُفَرِّقَ جَمَاعَتَكُمْ فَاقْتُلُوهُ»

«Сизларнинг ишларингиз бир кишига жамланган ҳолда турганида олдингизга келиб, бирлигингизни бузиш ёки жамоатингизни парчалашни истаган кимса келса, уни ўлдиринглар». 

Яна дедилар:

«إِذَا بُويِعَ لِخَلِيفَتَيْنِ فَاقْتُلُوا الْآخَرَ مِنْهُمَا»

«Агар икки халифага байъат қилинса, уларнинг иккинчисини ўлдиринглар».

Британиянинг вакиллари билан Американинг вакиллари ўртасидаги кураш мамлакатни бўлиниш ва қон тўкиш гирдоби ичида ушлаб турган асосий омилдир. Бу курашда эса ягона мағлуб — мусулмонлардир. Шунинг учун Ливиядаги холис ниятли кишилар — қабилалардаги аҳли ҳал вал ақд ва раббоний уламолар — кураш раҳбарлари ва унинг томонларига қарши чора кўриб, мамлакатни мустамлакачилик чангалидан қутқаришлари ва уни «Ла илаҳа иллаллоҳ, Муҳаммадур Росулуллоҳ» байроғи остида бирлаштиришлари лозим. Бу мустамлакачилик байроғи остида бирлашиш эмас.

Зеро, Авс ва Хазраж қабилаларини бирлаштира олган Ислом Ливиянинг шарқи ва ғарби аҳолисини ҳам, ҳатто бутун дунёдаги барча мусулмонларни ҳам бирлаштиришга қодирдир.

Аллоҳ таоло шундай дейди:

﴿وَاذْكُرُواْ نِعْمَتَ اللّهِ عَلَيْكُمْ إِذْ كُنتُمْ أَعْدَاء فَأَلَّفَ بَيْنَ قُلُوبِكُمْ فَأَصْبَحْتُم بِنِعْمَتِهِ إِخْوَاناً وَكُنتُمْ عَلَىَ شَفَا حُفْرَةٍ مِّنَ النَّارِ فَأَنقَذَكُم مِّنْهَا كَذَلِكَ يُبَيِّنُ اللّهُ لَكُمْ آيَاتِهِ لَعَلَّكُمْ تَهْتَدُونَ﴾

«Аллоҳнинг сизларга берган неъматини эсланг: бир-бирингизга душман эдингиз, бас, У қалбларингизни бирлаштирди ва Унинг неъмати билан биродарларга айландингиз. Сизлар дўзах чуқурининг ёқасида эдингиз, У эса сизларни ундан қутқарди. Аллоҳ сизларга Ўз оятларини мана шундай баён қилади, шоядки, ҳидоят топсангиз». (Оли Имрон сураси, 103-оят)

Роя газетасининг 2026 йил 23 сентябр чоршанба кунги 618-сонидан