Капитализм ҳазорати меваларидан: Америкадаги ирқчиликка ва Швециядаги Қуръонни таҳқирлашга қарши намойишлар
بِسْمِ اللهِ الرَّحْمٰنِ الرَّحِيمِ
Капитализм ҳазорати меваларидан: Америкадаги ирқчиликка ва Швециядаги Қуръонни таҳқирлашга қарши намойишлар
«Ал-Жазира нет» веб-сайтида (ҳижрий 1442 йил 10 муҳаррам, милодий 2020 йил 29 август шанба куни) нашр қилинган хабарда бундай дейилади:
«Шанба куни» АҚШнинг Висконсин штати Кеноша шаҳрида ирқий тенглик ва адолатга чақирувчи норозилик намойишлари давом этди. Олти кундан бери бўлаётган ушбу тадбир тўқнашув ва зўравонликларнинг қайта бошланишини олдини олишга қаратилган хавфсизлик чоралари манзарасида бўлиб ўтмоқда.
Кўпчилиги оқ танлилардан иборат ўнлаб намойишчилар Кеноша шаҳри кўчаларини айланиб, сўнг шаҳар мэрияси биноси олдида тўхтадилар. У ерда якшанба куни бир полициячининг ўқидан оғир яраланган афроамерикалик Жейкоб С. Блейк учун адолат талаб қилдилар.
Шунингдек, намойишчилар «Адолат йўқ, тинчлик йўқ», «Қора танлининг жони муҳим» каби сўзлар билан ҳайқиришди, ҳеч қандай тўполон ёки зўравонлик содир этишмади. Суд биноси ва паркни ўз ичига олган шаҳар марказида мунгли сукунат ҳукмрон. Сўнгги пайтда бу ер ҳайқириқлар садоси остида бўлиб ўтган норозилик намойишларига гувоҳ бўлганди. Пойтахт Вашингтонда эса, пайшанба куни ирқчиликка қарши кўп сонли намойишга гувоҳ бўлинди. Унда Блейкнинг яқинлари ҳамда Жорж Флойднинг оила-аъзолари нутқ сўзлади. Маълумки, Жорж Флойднинг полиция томонидан ўлдирилиши ортидан АҚШда йирик норозилик намойишлари кўтарилган эди.
Бунинг муқобили ўлароқ, Швеция полицияси жума куни юрт жанубидаги Мальмё шаҳрида ирқчилар партияси томонидан Қуръони Карим ёқилганини, бунинг ортидан норозилик намойишида тартибсизликлар бошланганини маълум қилди.
Маҳаллий матбуотга кўра, жума куни Мальмёда Исломга қарши ҳаракатлар, шу жумладан, бир неча кишининг оммавий майдонда Қуръони Каримни бир-бирига тепиб таҳқирлаш ҳолатлари кузатилган.
«Афтонблаадет» газетасига кўра, аксилисломий намойишлар ҳам бошланган. Бу намойишлар швед ҳукуматининг даниялик «ўта қаттиққўл» партиясининг раиси Расмус Палуданни Швецияга киришига тақиқ қўйиши ортидан бошланди. Уни Швеция чегарасида тўхтатилиб, юртга киритилмади.
Қуръонни ёқишга чақирган Расмуснинг жума куни Мальмёга келиб, мусулмонларга қарши намойиш уюштириши кутилаётган эди.
Роя газетасининг 2020 йил 2 сентябр чоршанба кунги 302-сонидан
