Динга бефарқлик барча муаммоларнинг асосидир

بِسْمِ اللهِ الرَّحْمٰنِ الرَّحِيم

Биз ҳар доим қайсики муаммо устида мулоҳаза юритар эканмиз, барча муаммоларнинг ечими Исломда борлигига қайта-қайта урғу берамиз. Ўқитувчи, сиёсатчи, иқтисодчи, оилавий муаммоларга кўп йўлиқадиган инсонлар, қўйингки, барча касб эгалари Исломга мурожаат қилсалар, унда ўзининг ҳаётидаги муаммоларга муолажа борлигига ишонч ҳосил қиладилар. Бу баландпарвоз гап эмас, бу аниқ фактдир. Ва энг муҳим жиҳати, Исломдаги муолажаларни ҳаётига татбиқ қилиш орқали инсон муаммоларидан қутулиш билан бирга бу иш Яратувчига итоатни англатиб, тушуниб бажарган инсоннинг қалбини хотиржам қилади.

Ислом давлат миқёсида татбиқ қилиниши керак, десак кимлардир буни еттинчи асрга қайтиш, яъни қолоқлик, деб баҳо беришади. Сабаби уларнинг кўпи ғарб ҳаётига ошиқ бўлганлардир. Ғарб татбиқ қилаётган демократияни адолат мезони сифатида тамсил этишга ҳаракат қилишади. Худдики Европа ва Америка ҳаётида  адолат шунчалик даражада ўрнатилганки, одамлар излаб ҳам адолатсизликни топа олмаётгандек гўё. Афсуски, ғарбона ҳаётга шунчалар ошиқ бўлганларнинг аксари ўзини мусулмон ҳисобловчи инсонлардир. Очиғини айтганда, бундай инсонларнинг етишиб чиқиши Исломга бефарқлик натижасидир.

Уммат ўзлигини унутди. Ҳаётдаги муҳим омил сифатида моддий манфаатнигина тан оладиган бўлиб қолди. Барча муаммоларни худдики пул, бойлик ечиб беради, дея эътиқод қилишни бошлади. Жамиятдаги ҳаёт ҳам шу фикрни тасдиқлаб туради. Чунки ҳамма соҳада ўлчов бойлик – натижада коррупция ечилмаган муаммоларнинг “калити”. Ахлоқий, инсоний, руҳий қийматларнинг қадри йўқолди, маърифий, маънавий жиҳатлар ҳаётда ўрни йўқ нарсага айланди. Чунки уйғониш, юксалиш, тараққий этиш деган омилларнинг уммат учун аҳамияти йўқолди. Бу ҳам Исломга бефарқлик натижасидир. Йўқса уммат дунё саҳнида ўзга умматларга эргашувчи эмас, балки етакчи бўлиши кераклигини англаб етар эди.

Фикрлашда қолоқлашиш у ёқда турсин, фикрлашнинг  аҳамиятини ҳам тушунмай қолдик. Ҳаётимиз фикрлашдан тўсиш устига қурилди. Бу ҳолат худдики кимлардир бизга қараб “Сиз фикрламанг, сиз биз айтгандек, белгилаб бергандек яшанг, ўрнингизга сиз учун биз фикрлаймиз”, деяётгандек. Чиндан ҳам яшаш тарзимиз  шундай  бўлиб  қолди. Ҳаётдаги барча ишоралар, кўрсатмалар куфрга тааллуқлидир. Буни англаш учун ҳам албатта Исломга бефарқлик тўсиқ бўлмоқда.

Ислом бу ҳаётнинг нима эканлигини тушунтиради. Исломий нуқтаи назарни шакллантиради. Ҳар бир мусулмонга исломий фикрлаш, ўйлаш ва яшашни ўргатади. Демак, биз бугунги муаммолардан қутулмоқчи бўлсак, Исломга бефарқликни йўқотиб, Исломга қаттиқ эътибор қаратишимиз ва ҳар бир соҳага исломий нуқтаи назар орқали қарашимиз керак бўлади.

Ҳизб ут-Таҳрирнинг Ўзбекистондаги медиа офиси. Абдуллоҳ

29.01.2020й