Биродаримиз Умаров Шерзод вафоти муносабати билан оиласи ва зоналарда елкадош бўлган биродарларимизга таъзия изҳоримиз
Биродаримиз Умаров Шерзод вафоти муносабати билан оиласи ва зоналарда елкадош бўлган биродарларимизга таъзия изҳоримиз
بسم الله الرحمن الرحيم
Ҳозиргина Тошкентлик Умаров Шерзоднинг жанозасига биродарларимиз сафландилар.
1980 йилда туғилган Шерзод навқирон йигитлик даврини Аллоҳнинг шариати олий бўлиши учун курашиб ўтказган, Ўзбекистон ҳукумати томонидан узоқ йилларга озодликдан маҳрум қилинган собит йигитларимиздан эдилар.
Озодликка чиққач уйланиб, икки фарзанднинг отаси бўлдилар. Ўғли икки ёшда, қизлари ҳали ёшига ҳам тўлмаган эди. Умрининг, навқирон йигитлик даврининг катта қисми зоналарда ўтгани боис оғир шароитлар таъсирида саратон касалига чалинган эдилар. Кеча 14 июн чоршанба куни, айниқса Аллоҳ йўлини маҳкам тутаётганлар учун зулм даргоҳига айланган бу юртни тарк этдилар. Афсуски, бу азиз биродаримизга фарзандларига оталик қилиш насиб этмади.
Биз ҳозир азиз биродаримизнинг дилпора оиласи қалбига таскин беришдан ожизмиз. Бу оила изтиробларидан сўзлаш нақадар оғир. Бироқ айтишимиз мумкинки, Шерзоджон биродаримиз бу фоний умрни дунёнинг арзимас матолари ортидан қувлаб ўтказмади, Аллоҳ ва Росули ﷺга итоат, Охиратда “Буюк карвон” сафида бош кўтариш илинжида яшадилар. Биродаримиз ўша “карвон” сафида бўлишини ва ЎША УЛУҒ-ОҒИР КУНДА аҳли-оиласи, фарзандларига яхши ҳол, гўзал мақомларда пешвоз чиқишини Меҳрибон Роббимиздан сўраб дуога қўл очамиз. Зеро Аллоҳ азза ва жалла дейди:
وَمَن يُطِعِ اللَّهَ وَالرَّسُولَ فَأُولَٰئِكَ مَعَ الَّذِينَ أَنْعَمَ اللَّهُ عَلَيْهِم مِّنَ النَّبِيِّينَ وَالصِّدِّيقِينَ وَالشُّهَدَاءِ وَالصَّالِحِينَ ۚ وَحَسُنَ أُولَٰئِكَ رَفِيقًا
– “Кимда-ким Аллоҳ ва Пайғамбарга итоат этса, ана ўшалар Аллоҳ инъомларига сазовор бўлган зотлар – пайғамбарлар, ҳақ-рост иймон эгалари, шаҳидлар ва фақат яхши амаллар билан ўтган кишилар билан бирга бўлурлар. Улар эса энг яхши ҳамроҳлардир”. (Нисо:69)
Биз Шерзоджоннинг жанозаларига сафланган елкадош, ҳамфикр биродарларимизга ҳавасдамиз ва уларнинг ихлос ила қилаётган дуолари ижобатини тилаб қоламиз ва оиласига чуқур таъзия изҳор этамиз. Эндигина қурилган оиладаги оғир жудолик камомадини Роббул-ъиззаҳ ўз ҳузурида бекаму кўст қилиб беришини тилаб қоламиз.
إِنَّا لِلَّهِ وَإِنَّا إِلَيْهِ رَاجِعُونَ
– “Албатта биз Аллоҳнинг (бандаларимиз) ва албатта биз у зотга қайтгувчилармиз”.
Устоз Исмоил Ваҳвоҳ вафотидан олдин бундай сўзларни айтди:
“Аллоҳим, Сенга ҳамду шукрлар бўлсин, биз Ўзинг нозил қилган аҳкомлар билан ҳукм юритмаётган ҳукмдорларга бир кун ҳам қонунийлик-шаръийлик сифати бермадик!
Сенга ҳамд бўлсин, бугунги кун ҳукмдорлари шаънига асло мақтов ва олқиш йўлламадик!
Сенга шукрлар бўлсин, бир кун ҳам тентак амирларнинг сўзини тасдиқламадик ва уларнинг зулмига ёрдам бермадик, бир кун ҳам динимизни дунёга сотмадик, бир кун ҳам ашрорларнинг товоғидан емадик, бир кун ҳам уларнинг қиличи билан жанг қилмадик!
Биз ҳамиша Аллоҳнинг ахёрлари дастурхонидан ейишни ва уларнинг қиличи билан жанг қилишни одат қилдик…
Буларни билдик, амал қилдик ва бир кун ҳам иккиланмадик!
Булар учун Сенга ҳамду шукрона айтамиз”.
Дуо қилайлик, биродари азиз: Аллоҳим, ҳузурингга биздан олдин кетган устозларимизни раҳмат қил, бизни ҳам ҳузурингга гўзал хотима ила боришимизга, розилигингни олишимизга ва барча ахёрлар билан баробар гўзал Жамолингни кўришимизга насиб рўз айла!
Ҳизб ут-Таҳрирнинг Ўзбекистон матбуот бўлими
15.06.2023й
