Бирлашган Араб Амирликлари рувайбизалари ҳожаси Британияга хизмат кўрсатиш учун АҚШга қарши чиқди
بِسْمِ اللَّـهِ الرَّحْمَـٰنِ الرَّحِيمِ
Роя газетаси:
Бирлашган Араб Амирликлари рувайбизалари ҳожаси Британияга хизмат кўрсатиш учун АҚШга қарши чиқди
«Ал-Жазира нет» сайти ҳижрий 1438 йил 8 Рамазон, милодий 2017 йил 3 июн шанба куни қуйидаги хабарни чоп этди:
«Америкада чиқадиган «The Daily Beast» газетасига кўра, ўзларини «Global Lakes», деб атовчи бир гуруҳ хакерлар Амирликларнинг Вашингтондаги элчиси Юсуф Атибанинг электрон почтасини бузиб киришган. Улар элчига тегишли ҳужжатларни қўлга киритиб, улардан айримларини газетага сиздиришган. Бу ҳужжатларда АҚШ иттифоқчилари сувратини бузиб кўрсатиш учун миллионлаб долларлар қандай сарфланиши фош этилган.
Ал-Жазиранинг Вашингтондаги мухбираси Вужд Вақфийнинг айтишича, элчи почтасини бузиб кирган хакерлар Россияда бўлишган. Улар почтадан ўғирлаб олган ҳужжатларни бундан бир ҳафта олдин Америкада чиқадиган газетага беришган. Газета бир оз иккиланиб, сўнг бугун уни чоп этишга қарор қилди.
Мухбиранинг таъкидлашича, ҳужжатлар 2014 йилдан то ўтган ойга қадар вақт орасидаги ёзишмаларни ўз ичига олган бўлиб, элчихонанинг Вашингтон иттифоқчилари сувратини бузиб кўрсатиш учун жамоатчилик алоқалари ширкатлари билан муттасил алоқа қилиб турганига доир бир неча тафсилотлар фош этилган.
Ҳужжатларда яна АҚШнинг собиқ мудофаа вазири Роберт Гейтс билан Амирликлар элчиси ўртасидаги боғланишлар бўлгани, америкалик вазирнинг пойтахт Абу Дабидаги бир форумда иштирок этгани ифодаланган.
Мухбира, элчи Юсуф Атибанинг Вашингтонда терроризмга қарши курашга оид маъруза қилувчи машҳур лекторлардан бири саналишини ҳамда бир неча америкалик масъуллар билан яқин алоқага эга бўлганини қўшимча қилди».
Роя газетаси шарҳи:
Бу хабардан Ҳизб ут-Таҳрир амири улуғ олим Ато ибн Халил Абу Роштанинг саволга жавобда айтган сўзлари тасдиқланибгина қолмай яна бир бор ўз исботини топди. «Араб Амирликларининг қарамлиги ва айрим қайноқ регионал масалалардаги позицияси» номли ушбу саволга жавобда бундай дейилган: «Араб амирликлари ўз ролини пухта бажарди. Чунки у Британия сиёсатларини амалга ошириш учун минтақадаги мустамлакачилик иттифоқларига – бу иттифоқлар Британия иттифоқлари бўладими ёки Америка иттифоқлари бўладими, ҳеч бир фарқсиз – қўшилди. У бу иттифоқларга Британия кўрсатган йўлга кўра Америка сиёсати устида унинг жосуси бўлиш учун кирди…».
Юқоридаги хабардан Амирликларнинг «АҚШ иттифоқчилари сувратини бузиб кўрсатиш»га бўлган уринишини тушуниш мумкин. Амирликлар ҳукмдорларининг АҚШга қарши ўзларидан келиб чиқиб курашмасликлари аниқ нарса. Қаёқда ҳам бунга журъат қилиша олсин?! Шунингдек, Британияга тобе бўлган Ал-Жазиранинг ушбу хабарни тарқатиши бу ишни Америкага хизмат кўрсатиб, Амирликлар қилмишларини фош қилиш учун амалга оширганини ҳам англатмайди. Балки бу нарса Британиянинг Форс Кўрфази давлатларидаги малайларига роллар тақсимлаб берилганини, бугун шу роллардан бири фош бўлиб қолганини, эртага яна қолганлари ҳам фош бўлишини англатади.
Биз Форс Кўрфази давлатларидаги сарой уламоларига уят сизларга, деймиз… Чунки улар ўз мавъизаларини таҳорат аҳкомлари, рўзани бузадиган амаллар кабиларга чеклаб олиб, бир вақтнинг ўзида, исломий юртларнинг зое кетаётганидан ва мустамлакачи Ғарб давлатларига гаров бўлаётганидан кўз юмишмоқда, кўз юмибгина қолмай, қасддан бунга эътибор беришмаяпти. Наҳотки, бу уламолар ўз ҳукмдорларининг ғарблик хўжайинларига хизмат қилаётганлари ҳақидаги хабарларни кузатиб, бунга лом мим дейишмаса?! Ахир, қудрати улуғ доно Аллоҳ уларга юклаган илм омонати ҳақида сўрашини, билмайдиларми?! Буни Росулуллоҳ САВнинг ушбу сўзлари ҳам тасдиқлаб турибди:
«لَا تَزُولُ قَدَمَا عَبْدٍ يَوْمَ الْقِيَامَةِ حَتَّى يُسْأَلَ عَنْ أَرْبَعِ خِصَالٍ: عَنْ عُمُرِهِ، فِيمَ أَفْنَاهُ؟ وعَنْ شَبَابِهِ، فِيمَ أَبْلَاهُ؟ وَعَنْ مَالِهِ، مِنْ أَيْنَ؟ وَفِيمَ أَنْفَقَهُ؟ وَعَنْ عِلْمِهِ، مَاذَا عَمِلَ فِيهِ؟»
«Қиёмат куни банда то ушбу тўрт нарсадан сўралмагунча оёқлари ҳеч қаёққа жилмайди: умрини қандай ишларга сарфлагани, ёшлигини нима ишлар билан ўтказгани, молини қай йўл билан топиб, қай йўлларга сарфлагани ва илмини, унга амал қилган-қилмагани ҳақида».
Роя газетасининг 2017 йил 7 июн чоршанба кунги 133-сонидан
