Ҳукмдорлар ва уларнинг уламолари рўзани бошлаш ва тугатиш кунлари борасида мусулмонлар ўртасини бўлишди
بِسْمِ اللهِ الرَّحْمنِ الرَّحِيمِ
Роя газетаси:
Ҳукмдорлар ва уларнинг уламолари рўзани бошлаш ва тугатиш кунлари борасида мусулмонлар ўртасини бўлишди
Ҳижрий 1438 йил 29 Рамазон, милодий 2017 йил 24 июн шанба куни «Русиял Явм» сайти қуйидаги хабарни тарқатди:
«Арабий ва исломий давлатларнинг аксари ой шанба куни кўрилгани исботланганини эълон қилди. Бу эса, якшанба куни муборак рамазон ҳайитининг биринчи куни эканини англатади. Бу рўйхатда Саудия, Амирликлар, Қатар, Баҳрайн, Кувайт, Миср, Сурия, Фаластин, Иордания, Ироқ (Фиқҳ ва Сунний Вақф кенгаши), Судан, Ливан, Ливия, Тунис, Россия Федерацияси, Туркия, Япония, Индонезия, Малайзия, Жанубий Корея бор.
Бунинг муқобили ўлароқ, Уммон, Марокаш, Эрон давлатлари ой кўринмаганини ва якшанба куни муборак Рамазоннинг охирги куни, душанба эса рамазон ҳайитининг биринчи куни эканини маълум қилишди».
Роя газетаси шарҳи:
Аслида, Рамазон ойи бирор бир юртда битта мусулмон томонидан кўрилса, шунинг ўзи билан барчага рўза тутиш вожиб бўлади. Бирор юртдаги мусулмонга ўзлари ойни кўрмаганилигини ҳужжат қилиб, рўза тутмасликлари жоиз эмас. Чунки ойни кўрганлар кўрмаганлар учун ҳужжат бўлади. Бирор исломий юртдаги мусулмоннинг гувоҳлиги, бошқа исломий юртдаги мусулмонининг гувоҳлигидан афзал эмас. Чунки мусулмонларнинг барчаси одилдирлар ва гувоҳликда баробардирлар, шариати исломийя наздида чегараларнинг мутлақо аҳамияти йўқ. Чунки уларни мусулмонлар юртларига кофирлар ўрнатган. Ибн Умар РА бундай дейди: мен Росулуллоҳ САВнинг бундай деганларини эшитгандим:
«إِذَا رَأَيْتُمُوهُ فَصُومُوا، وِإِذَا رَأَيْتُمُوهُ فَأَفْطِرُوا، فَإِنْ غُمَّ عَلَيْكُمْ فَاقْدُرُوا لَهُ»
«Агар ойни кўрсангиз рўзани бошланглар, ойни кўрсангиз тугатинглар. Аммо ҳаво бўлут бўлиб, кўролмасангиз, ҳисобни (шаъбон ойини) тўла (ўттиз кун) қилинглар». Росулуллоҳнинг «رأيتموه Агар ойни кўрсангиз», деган сўзи мутлақ кўришни англатади.
Исломий юртларнинг бирида Рамазон ойи кўрингани исботландими, демак, ўша юрт билан биргаликда рўза бошлаш вожиб бўлади. Бундан орқада қолганлар эса, рўза ойи тугагандан сўнг қазосини тутиб берадилар. Шунингдек, биринчи бўлиб қайси давлатда шаввол ойи ҳилоли кўрилгани аниқ бўлса, ўша давлат билан бирга рўзани тугатиш вожиб бўлади. Бунда сиёсий қарорларга қаралмайди. Чунки улардан мусулмонлар ўртасини бўлиб юбориш кўзланган. Давлат мулозимлари баёнотларига ҳам эътибор берилмайди. Чунки бу кимсалар, ҳар қанча олим бўлмасин, кофирлар мақсадларини амалга ошириш учун ҳукуматга ўтқазиб қўйилган. Аллоҳ Субҳанаҳу ва Таолодан мусулмонлар ўртасини бирлаштирадиган, барчаларини бир сафга тизадиган, Роббилари ибодатларини биринчи ўринга қўядиган Пайғамбарлик минҳожи асосидаги рошид Халифалик давлати билан бизни сийлашини сўраб қоламиз, бу Аллоҳга ҳаргиз мушкул эмас.
Роя газетадан олинди
