بِسْمِ اللهِ الرَّحْمنِ الرَّحِيمِ 

Матбуот баёноти

Айн Ҳалвада девор ва дарвозалар ўрнатиш ғайриинсоний муносабатни англатади

Ҳизб ут-Таҳрир-Ливан вилояти юрт жанубидаги «Айн Ҳалва» қочқинлар жамлоғида Ливан давлатининг ғайриинсоний сиёсатларига қарши норозилик намойиши ўтказди. Ливан давлати девор қуришни тўхтатишга ваъдалар бера туриб, уни қуриб битказди, атрофларига кузатув миноралари ўрнатди… мана энди бўлса, жамлоққа кириш ерларига темир дарвозалар ўрнатди. У айни қилмиши билан жамлоқ аҳлини унинг ичкарисида ҳам, ташқарисида ҳам қатор тазйиқлар билан қийнаётганига қўшимча, уларга қарши босимларини кучайтирмоқда. Берган ваъдалари ҳавога учди, чунки у Ливанда мусулмонларнинг ҳар қандай тўпланишларига зарба беришга оид Америка сиёатини «терроризм» ниқоби остида адо этишни тўхтатмай давом эттирмоқда…

Қуйида норозилик намойишида қилинган маъруза матни:

«Алҳамду лиллаҳ, вассолату вассаламу ала Росулиҳи ва ала алиҳи ва асҳабиҳи ажмаин… аммо баъд:

Бугун биз ғайриинсоний, дея сифатлашдан бошқасига арзимайдиган муомала тарзига қарши намойишда турибмиз. Бу ўз юртидан ва молидан ажралиб ҳижрат қилишга мажбур бўлган, бегонадан эмас-ўзиникидан зулм аламларини тортаётган Фаластин аҳлига нисбатан жавобгарликдан мутлақо холи муносабатдир. Зеро, яқинларингдан кўрган зулминг, душманинг зулмидан кўра ғоят аччиқ бўлади…

Ана, қаранг бу ғўдайиб турган шармандалик деворини, уни қуришда жамлоқ аҳлидан ҳеч кимнинг фикри тингланмади, эътиборга олинмади. Бугун бу девор дунёдаги битта деворга ўхшамоқда, у ҳам бўлса, яҳудийларнинг Фаластинда қурган деворидир.

Бу қилмишлар шу ерда тугагани йўқ. Қаранг, бугун жамлоқнинг барча чиқиш ва кириш ерларига темир дарвозалар қуриш билан бу ердаги аҳлимиз «Айн Ҳалва жамлоғи»да эмас, «Айн Ҳалва қамоқ лагери»да қолдилар!

Бу жамлоқда бизга Роббул оламин осмонидан бошқа бирор туйнук қолмади.. Афтидан, бу девор ва дарвозаларни режелаштирган кимсалар тепамизни ҳам шифт билан ёпиш йўлини ҳам топишган кўринади, ана шунда биз Айн Ҳалва жамлоғида ҳам, Айн Ҳалва қамоқ лагерида ҳам қолмаймиз, Айн Ҳалва қабрида қоламиз…

Бизнинг ушбу намойишда туришимиздан мақсадларимиз:

Бу девор халқаро тазйиқларга жавобан ҳамда мусулмонлар тўпланган ҳар қандай жойни «терроризм» ўчоғи, деб ҳисоблайдиган мустамлакачи давлатлар делегациялари бу жойга бир неча бор  келиб кетганидан кейин қурилди.

 Биз бу қилмиш жавобгарлигини ўзини шу жамлоқнинг масъули ва мурожаат қилинувчи шахс, деяётган ҳар бир киши зиммасига юклаймиз, чунки девор уларнинг кўз ўнгида қурилди… Шунча йиллардан бери Ливан давлати билан ўтказган учрашувларингиз ва алоқаларингиз қани-нима берди, ахир, биз бу ҳаракатларингиз деворлару темир дарвозалардан ўзга натижа бермади, деб биляпмиз?!

Расмий Ливанни «терроризм» дастагини ва қиличини баҳона қилиб, Айн Ҳалва билан бундай хавфсизлик ва ҳарбий муомалада бўлишни бас қилишга чақирамиз. Ҳолбуки, «терроризм» ва унинг қиличи, Америкадир ва унинг ўзларини қаршилик ҳаракати, деб олган тобеларидир.

Шунингдек, Айн Ҳалва фаолларини, хусусан, ёш фаолларни ҳам бу дарвозалар қурилишига жим қараб турмасликка чақирамиз. Ахир, девор қурилишини тўхтатишга шунча ваъдалар бериб, уни қуришдику, бунга ортингизда деворларнинг ўзи тирик гувоҳ бўлиб турибдику?!

Кейин Айн Ҳалвадаги биродарларни уларнинг лойиҳаларига алданиб қолишдан огоҳлантирамиз. Бу лойиҳа жамлоғимизга «терроризм жамлоғи», деган доғни ёпиштириб, кейин ҳам у билан шу дастак асосида муносабатда бўлишдан иборат.

Сўзимиз ниҳоясида Айн Ҳалвадаги аҳлимизга мурожаат қилмоқчимиз: масаламиз анави масъуллар ва мурожаат қилинадиган кимсалар қўлида гаров бўлиб қолгани йўқ. Йўқ, сиз фаол кучли халқ оммаси сифатида ҳаракат қилиб, бу каби ғайриинсоний золимона чора тадбирлардан воз кечишлари учун бундай аҳволимизга норозилик билдирмоғингиз керак. Бу ғайриинсоний вазият жавобгарлигини, Ливан давлатига, унинг муассасаларига, партиялари ва ахборот воситаларига, ўзини Фаластин аҳли масаласига ёрдам берувчи, дея даъво қилаётган ҳар бир кимсага ҳамда ўзини шу жамлоқ манфаатларига қайғурувчи ва бу борада мурожаат қилинувчи мулозим, деяётган шахсларга юклашингиз зарур.

Аллоҳ Таолога дуо қилиб, ушбу намойишимизни зулмни кўтариб, барча тил бириктирувларни даф қилувчи сиёсий ва жамоий тадбирларга очқич қилишини сўраб қоламиз.

وَلَوْلاَ دَفْعُ اللّهِ النَّاسَ بَعْضَهُمْ بِبَعْضٍ لَّفَسَدَتِ الأَرْضُ وَلَـكِنَّ اللّهَ ذُو فَضْلٍ عَلَى الْعَالَمِينَ

«Агар Аллоҳ одамларнинг айримларини айримлари билан даф қилиб турмас экан, шубҳасиз, ер фасодга дучор бўлади. Лекин Аллоҳ барча оламлар устида фазлу карам соҳибидир»  [Бақара 251]

Ҳизб ут-Таҳрирнинг

Ливандаги матбуот бўлими

Телефон: 009613155103

Факс: 06-424695

Электрон почта: ht@tahrir.info

Ҳизб ут-Таҳрирнинг матбуот бўлими сайти: www.hizb-ut-tahrir.info