بِسْمِ اللهِ الرَّحْمٰنِ الرَّحِيم

Роя газетаси:

Ҳизб ут-Таҳрир мустамлакачилик ечимларини ҳам унга чақираётганларни ҳам рад этишга даъват қилмоқда

Ҳизб ут-Таҳрир-муборак Фаластин замини матбуот бўлими аъзоси устоз Холид Саид муборак Қурбон ҳайити муносабати билан Ғазо шаҳрида ўтказилган такбир намойишида маъруза қилди. У киши Маърузада бутун Ислом Умматини, хусусан, Фаластин аҳлини яҳудийлар билан алоқаларни нормаллаштиришга, музокаралар олиб боришга ва муборак Фаластин замини устида савдолашишга тарғиб қилаётган барча томонларни рад этишга даъват қилди. Шунингдек, икки давлат ёки битта давлат каби ечимлари Фаластин масаласини йўқ қилишга ҳамда ҳуқуқларни поймол этиб, шахсияни ўчиришга қаратилган ифлос мустамлакачилик ечимлари бўлгани боис, улардан покланишга даъват қилди.

Шу билан бирга, устоз Холид Саид исломий юртлардаги тоғут ҳукмдорларга қарши туришни Умматдан талаб қилди, уларнинг жобир бошқарувларини йўқ қилиб, харобалари узра Пайғамбарлик минҳожи асосидаги рошид Халифаликни барпо этиш учун фаолият олиб бораётган холис инсонлар билан бирга ҳаракат қилишга, илмоний фуқаролик давлати ва капиталистик демократик тузум каби бошқа ҳар қандай альтернативга рози бўлмасликка даъват қилди. Бунинг учун улкан фидоийлик кўрсатиш керак бўлишини, Аллоҳ Субҳанаҳу ва Таолонинг шариатини маҳкам ушлаб унга амал қилиш зарурлигини, худди анбиёлар отаси Иброҳим АСга ўз ўғли Исмоил АСни сўйишдек энг оғир қурбонлик талаб қилинганда, унга сўзсиз итоат қилгани каби, улкан қурбонликлар беришга тайёр туришга тўғри келишини баён қилди.

Устоз маърузаси сўнггида, йиғилганларни муборак Қурбон ҳайити билан табриклади ҳамда уларга бугун Уммат бошдан кечираётган азоб-уқубатлар, фитналар яқинда албатта тугаши, бу жобир подшоҳлар ўрнига, анави яҳудийлар давлатини йўқ қиладиган Пайғамбарлик минҳожи асосидаги рошид Халифалик давлати барпо бўлиши, чунки бу Аллоҳнинг ваъдаси бўлиб, унга чуқур ишонмоқ зарурлиги, Аллоҳнинг изни ила, машаққат ортидан енгиллик ва зулмат ортидан ёруғ кунлар тонги албатта отиши… тўғрисида хушхабар етказди.

Роя газетасининг 2017 йил 6 сентябр чоршанба кунги 146-сонидан