بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Нетаньяху сўзлари араб ҳукмдорларининг шундоқ ҳам фош бўлган айбларини бутунлай очиб шармандасини чиқарди

Ҳижрий 1438 йил 15 зул-ҳижжа, милодий 2017 йил 6 сентябр чоршанба куни «معا» ахборот агентлиги тарқатган хабарда бундай дейилади:

«Бугун чоршанба куни Нетаньяху Ғарбий Қуддусдаги ташқи ишлар вазирлиги биносида янги йил байрамида қадаҳ кўтариб, араб давлатлари билан муносабатларини юксак баҳолади. У муносабатларнинг энг яхши даражага, муносабатлар тарихида мислсиз рекорд даражага етганини айтди.

У бундай деди: «Араб давлатлари билан ҳамкорлик Исроил барпо этилганидан бери ҳар қачонгидан ҳам аълодир. Бугун Араб давлатлари гуруҳи билан бўлаётган воқеалар ҳатто битимларга имзо чеккинимиздан сўнг ҳам тарихимизда содир бўлмаган эди. Амалда ҳамкорлигимиз турли хил кўриниш ва услубларда ўз кучида турибди. Бу нарсалар ҳозирга қадар ошкоралик даражасига етмаган бўлсада, бироқ бу гуруҳ билан ими-жимида зимдан қилаётган ишларимиз, тарихда биз қилган ишлардан ортиб кетди».

Роя газетаси шарҳи:

Бугун Нетаньяху берган баёнот Ислом Умматига анча вақтдан бери маълум эди, сир эмасди. Буни у малай ҳукмдорлари тутган позициялардан ва айбларини баттар фош этувчи баёнотларидан англаб етган. Ҳатто бу Уммат шу ҳукмдорлар зиммасига мустамлакачи кофир Ғарб юклаган топшириқларнинг энг муҳими яҳудийлар давлатини ҳимоя қилишдан ҳамда уларнинг хавфсизлик ва чегараларини қўриқлаш топшириғидан иборат эканини онгли тарзда тушунмоқда. Шунинг учун бу ҳукмдорлар, хусусан, «нажот чамбараги», дейилган қўшни давлатлар ҳукмдорлари мусулмонларни ўз ерларини ҳимоя қилиб, яҳудийлар давлатига қарши фидоийлик амалиётлари содир этишларини олдини олишяпти, Фаластинни озод этиш сари армияларини ҳаракатга келтирмай, Фаластин учун ёлғон кўз ёш тўкишяпти… Булар ҳам камлик қилгандек, ҳатто шу нажас давлат билан очиқдан-очиқ алоқалар ўрнатиб, уларга Росулуллоҳ САВнинг Исро масканларини топшириб қўйишди.

فَوَيْلٌ لِّلَّذِينَ ظَلَمُوا مِنْ عَذَابِ يَوْمٍ أَلِيمٍ

«Бас, бу золим кимсалар ҳолига аламли (қиёмат) Куннинг азоби билан вайл бўлсин!»  [Зухруф 65]

Роя газетасининг 2017 йил 20 сентябр чоршанба кунги 148-сонидан