Уйғониш тўғрисида туркумидан: Ислом мафкурасининг муваффақиятлари
بسم الله الرحمن الرحيم
Уйғониш тўғрисида туркумидан: Ислом мафкурасининг муваффақиятлари
Инсонларга айнан уйғониш нима эканлигини танитишдан кўзлаган мақсадимиз, улар уйғонишни таниш натижасида уйғониш сари ҳаракат қилсинлар, ин ша Аллоҳ!
Ислом мафкурасининг амалдаги муваффақиятларининг хусусан икки ишда тенги йўқдир.
Биринчидан: Ислом мафкураси бутун араб халқини тоифачилик-қабилачилик зулматларида, жаҳолат қоронғуликларида тентираб юрган қолоқ фикрий ҳолатдан тонгги қуёши арабларнигина эмас, балки бутун оламни қамраб олган, Ислом нури билан жилваланган фикрий уйғониш асрига олиб чиқди. Мусулмонлар ер куррасида ёйилмоққа отландилар. Улар Исломни бутун оламга олиб чиқар эканлар, Форс, Ироқ, Шом ўлкалари, Миср ва Шимолий Африкани ишғол қилдилар. Бу халқлар ҳар бири ўзига хос миллат бўлиб, бири иккинчисига ўхшамас ва ҳар бири ўзига хос тилига эга эди. Форс мамлакатидаги форс миллати Шомдаги румликлардан, Мисрдаги қибтийлардан ва Шимолий Африкадаги барбарлардан фарқ қилар эди. Уларнинг одатлари, анъаналари ва динлари ҳам ҳар хил эди. Уларнинг барчаси Ислом ҳокимияти соясида яшаб, Исломни тушуна бошлагач, ҳаммаси Исломга кириб келди ва ягона уммат – Ислом Умматига айланди. Шунинг учун ҳам бу халқ ва миллатларни бирлаштиришдаги Ислом мафкурасининг муваффақияти мислсиз эди. Ҳолбуки, Ислом мафкурасини етказишдаги алоқа воситалари туялардан иборат бўлса, тушунтириш (тарғиб қилиш) воситалари тил (сўз) ва қаламдангина иборат эди.
Фатҳ ва янги мамлакатларни ишғол қилишлар эса кучни куч билан йўқ қилиш ва моддий тўсиқларни олиб ташлаш учун эди. Токи, инсонлар ақл тўғри деб исботлаётган ёки фитрат ҳидоят қилаётган (етаклаётган) йўлга ўз ихтиёрлари билан қадам қўя олсинлар. Шунинг учун ҳам инсонлар Аллоҳнинг динига гуруҳ-гуруҳ бўлиб кириб келдилар. Инсонларга жабр-зулм қиладиган фатҳ (босқин) эса, фотиҳ билан босиб олинганлар, ғолиб билан мағлублар ўртасида адоват қўзғатади, уларни бир-биридан узоқлаштиради. Ғарб Шарқни ўнлаб йиллар мобайнида мустамлака қилиб турганига қарамай, ҳеч қандай зафар қозона олмаётгани кўздан йироқ эмас. Агар тез орада бутунлай йўқ бўлиб кетадиган адаштирувчи сақофатнинг таъсири ва яқин келажакда изсиз йўқ бўлиб, барбод бўладиган қўғирчоқ ҳокимиятларнинг тазйиқи бўлмаганда эди, Ислом қўрғонига, унинг мабда ва тузумига қайтиш киприк қоқишдан тезроқ амалга ошган бўлар эди… Мавзуга қайтиб айта оламизки, Ислом мафкурасининг бу халқларни бирлаштиришдаги муваффақияти тенгсиз эди. Мустамлакачиликнинг мусибатлари, унинг ақидаларни булғаб, фикрларни заҳарлаш борасидаги нопоклиги ва маккорлигига қарамасдан, бу халқлар бугунга қадар мусулмон бўлиб келмоқда ва қиёматгача ягона Ислом Уммати бўлиб қолажак. Исломни қабул қилган бу халқларнинг бирортаси Исломдан қайтганлиги ҳодисаси мутлақо рўй бермади.
Андалус (Испания) мусулмонлари тафтиш (инквизиция) маҳкамалари, олов камералари ва жоллодларнинг бошни танадан қирқиб ташлайдиган мосламалари ёрдамида батамом йўқ қилиндилар. Бухоро, Кавказ ва Туркистон мусулмонларининг бошига собиқ аждодларининг мусибатлари ёғилди. Бу халқларнинг Исломи, уларнинг ягона умматга айланиб кетгани ва ўз ақидасида бу қадар барқарорлиги бу мафкуранинг муваффақияти ҳамда Исломий Давлатнинг Ислом тузумини татбиқ қилишдаги муваффақияти даражасини яққол кўрсатиб турибди.
Иккинчидан: Ислом Уммати ўн икки аср – милодий VI асрдан XVIII аср ўрталарига қадар бутун дунёда дунёқараш, маданият, сақофат ҳамда илм-фан соҳаларида энг олий уммат бўлиб келган бўлса, Ислом давлати дунёдаги энг буюк ва энг қудратли давлат эди. Ислом Уммати шу муддат давомида бутун дунёда ягона олам гули ва барча миллат-элатлар ичида порлоқ қуёш эди. Бу ҳам ўз мафкурасининг тузум ва ақидасини инсонларга татбиқ қилишдаги Исломнинг муваффақиятини таъкидлайди. Ислом давлати ва Ислом Уммати мафкурани тарқатишдан юз ўгириб, Исломга даъват қилишда эътиборсизлик қилиб, Исломни тушуниш ва уни татбиқ қилишда жиддий нуқсонларга йўл қўйгач, бошқа миллатлар ўртасида ўз-ўзидан обрўсизланиб қолди.
Юқоридагиларга асосланиб айта оламизки, ёлғиз Ислом мафкурасигина энг тўғри ва яроқлидир. Ёлғиз угина бутун дунёга ёйилишга ҳақлидир. Бу мафкурани бутун оламга олиб чиқадиган Ислом давлати қурилса, унинг муваффақияти бугун ҳам ўтмишда бўлгани каби мислсиз даражага етажак.
Ҳизб ут-Таҳрирнинг Ўзбекистондаги медиа офиси. Абдуллоҳ
27.10.2017й.
