بسم الله الرحمن الرحيم

Роя газетаси:

Бутпарастлар роҳинга мусулмонларини юртларидан ҳайдаб чиқаришгач мол-мулкларини талон-тарож этишмоқда

Ҳижрий 1439 йил 8 сафар, милодий 2017 йил 28 октябр шанба куни «Ал-Жазира нет» сайтида қуйидаги хабар нашр қилинди:

«Бирма (Мьянма) ҳукумати, мусулмон роҳинга аҳолиси ҳижрат қилган Аракан вилоятидаги далалардаги шоли ҳосилларини ўриш тўғрисида қарор чиқарди. Бундай қарор ҳукуматнинг муҳожир мусулмонларни ўз минтақаларига қайтиб келишларига рухсат берилишини шубҳа остига қўймоқда.

Ҳукуматнинг айни минтақада содир этиб келган қирғин ва қийноқлари кучайиши ортидан, ўтган август охирларидан буён минтақанинг аксар ерлари бўшаб қолган эди.

БМТ Мьянма армиясининг роҳинга мусулмонларига қарши содир этган репрессив ҳамласини «ирқий тозалаш» даражасига етди, дея сифатлади. Чунки ҳамлада юзлаб қишлар ёқилиб, кули кўкка совурилган, юз минглаб роҳингалар Бангладеш тарафга қочиб чиққан эди.

Халқаро қаттиқ босимлар остида Мьянма ҳукумати тергов-суриштирувга бўйсунган қочқинларни юртларига қайтариш режасига рози бўлди, лекин режа тафсилоти ҳамон ноаниқ қолмоқда. Бу эса уларнинг қайтарилишига рухсат берилмаслиги мумкин, деган хавотирларни келтириб чиқармоқда.

Мингдао райони қишлоқ хўжалик раиси – ҳукумат райондаги шолиларни ўриб ола бошлади, «Биз бенгалларни қачон қайтишини билмаймиз», деди. У бенгаллар, деганда роҳингани назарда тутяпти, уларни ҳақоратлаш мақсадида шундай дейишади.

Бундай қадам озчилик роҳинга қочқинларининг ўз юртларига қайтиш эҳтимолларини хавотир остига қўймоқда. Шунингдек, халқаро маслаҳатчи Аун Сан Су Чжи хоним томонидан қочқинларни қайтаришни назорат қилиш мақсадида тузилган комиссияга нисбатан ҳам шубҳа пайдо бўлмоқда».

Роя газетасининг 2017 йил 1 ноябр чоршанба кунги 154-сонидан