بِسْـــمِ اللهِ الرَّحْمٰـــنِ الرَّحِيـــم

Роя газетаси:

АҚШ Шомдаги Уммат қўзғолонига қарши курашишда давом этмоқда

Ҳижрий 1439 йил 11 робиус-соний, милодий 2017 йил 29 январ жума куни «Ўрта Шарқ» газетаси сайти нашр қилган хабарда бундай дейилади:

«Жума куни АҚШ мудофаа вазири Жеймс Мэттиснинг айтишича, Сурияда Исломий Давлат ташкилоти экстремистларига қарши кураш тугаб бораётган экан, у ердаги америкалик фуқаролар, жумладан, пудратчилар ва дипломатлар сони ортиши ҳамда юртни реконструкция қилишни бошлаш ва экстремистларнинг қайтмаслигини таъминлаш ишлари бошланиши кутилмоқда.

Ҳозир Сурияда ИШИД ташкилотига қарши тахминан икки минг америкалик ҳарбий хизмат қилади. Мэттиснинг айни баёноти Сурия президенти Башар Асаднинг жаҳлини чиқариши турган гап. Чунки у яқинда америкалик кучларни босқинчи кучлар, деб атаб, уларнинг жойлашишини ноқонуний эканини таъкидлаган эди.

Мэттис «Биз қилаётган ишлар майдонда барқарорликни қайта тиклаш учун «ҳужум» дея аталган ишдан воз кечишдир. Шу боис эртага майдонда қўшимча америкалик дипломатларни кўрасизлар», деди.

Унинг таъкидлашча, «Дипломатлар сони кўпайгач, улар хизматларни қайта тиклаш ва пудратчиларни жалб этиш каби вазифалар билан шуғулланишади. Бундан ташқари, халқаро маблағ ҳам мавжудки, унинг самарали йўлда сарфланишини ҳамда қинғир шахслар чўнтагига тушмаслигини идора этиш лозим».

Жеймс Мэттис – Сурия ҳукумати кучлари АҚШнинг айни режаларини барбод этишга ҳаракат қилиши мумкинми, деган саволга «Бундай қиладиган бўлса, кўпроқ бу хато бўлади», дея жавоб берди.

Ўз навбатида, юқори лавозимдаги бир америкалик масъул, коалиция кучларига мурожаат қилиб, 2018 йилнинг биринчи чораги давомида ҳарбий амалиётлар давом этиши кутилаётганини маълум қилди.

АҚШнинг коалициядаги махсус вакили Бретт Макгерк «Биз ИШИДнинг бутунлай мағлуб этилишига, барқарорлик ҳаракатлари давом этишига ҳамда сиёсий жараёнда сезиларли ривожланиш бўлишига тўла ишонч ҳосил қилмагунимизча Қўшма Штатлар Сурияда қолишга тайёр», деди.

Роя газетаси шарҳи:

Салибчи Американи ҳаракатлантириб, ҳушёр туришга ундаётган нарса, бир томондан Ислом ва мусулмонларга бўлган адовати бўлса, иккинчи томондан мусулмонлардаги бойлик ва ресурсларни ташиб кетиш ва уларнинг уйғонишига йўл қўймаслик учун исломий юртларда ўз нуфузини тўла мустаҳкамлаб олиш истагидир. Энди, Исломга қарши салиб урушидаги вазифасини охирига етказиши учун Америка яна ишлатишга уринаётган Сурия режимига келсак, Қўшма Штатлар бу режимнинг ўргимчак тўридан ҳам заиф аҳволда эканини яхши билади. Шунинг учун баасчи режим қила олмайдиган ишларни айрим арзонгаров малайлари ёрдамида ўзи бажаришга ҳаракат қиляпти. Чунки Шом қўзғолони ҳали ҳам кучли ҳолатда. Агар бутун куфр миллати унинг устига кўппаклардек ёпирилмаганда эди, аллақачон тоғут режимни ағдариб ташлаган бўлар эди. Лекин Шомдаги Умматга қарши бутун дунёдаги жинояткор кучлар ҳар қанча курашмасин, Аллоҳ Ўзининг бандаларига маълум вақтдан сўнг бўлса ҳам, албатта нусрат беради. Биз Роббимиздан у кунни яқин қилишини сўраймиз.

Роя газетасининг 2017 йил 3 январ чоршанба кунги 163-сонидан

0

0