Адолатни жаҳолатдан излашдан наҳот чарчамадингиз?!
Адолатни жаҳолатдан излашдан наҳот чарчамадингиз?!
بِسْمِ اللهِ الرَّحْمٰنِ الرَّحِيم
Хабар: Қашқадарё вилоятининг Чироқчи туманида прокурор қабулига борган юзга яқин одам ғалаён кўтарди. Озодликка юборилган видеода прокурор қабулига келган одамлар “Ўзбекистонда қонун йўқ, ҳеч қачон бўлмайди”, дея норозилик билдираётгани акс этган.
Чироқчилик Фозилжон Расуловнинг Озодликка айтишича, туман прокурорининг Қарағай маҳалласидаги 178-мактабда 27 август куни бўлиши керак бўлган қабулга келмай, ўрнига муовинларини юборгани одамлар норозилигига сабаб бўлган.
“Туман прокурори Баҳодир Ҳудайқулов бизда сектор раҳбари. Соат бешда мактаб биносига юзга яқин одам унинг қабулини кутиб ўтирди, аммо у келмади. Ёрдамчисини юборди. Одамлар жиғибийрон бўлди. Шундоқ ҳам иш йўқлигидан хафсаласи пир бўлиб борган одамлар ғалаён кўтарди, прокурор келишини талаб қилди, лекин келмади”, — дейди Расулов.
Изоҳ: Нафақат Қашқадарё, балки барча вилоятларда халқ муаммолар ботқоғига ғарқ бўлиб раҳбарларидан умидлари сўнди. Халқимиз ичида тўртта бош жамланди дегунча муаммолар тўғрисидаги баҳс-мунозаралар эшиги очилади. Чунки раҳбарлару ҳокимлар ўз чўнтаклари ташвишида бўлгач, бечора халқ дардини кимгадир айтиб енгиллаш ҳам бир заруратдир.
Эътибор берсак, ҳозир “халқни тинчитиш”дан иборат бўлган умумий буйруқни бажариш асосий мақсадга айланиб қолди, шунинг учун қайси раҳбар эшигига қараманг, “дардингизни айтаверинг” дегувчи кишиларга рўбарў келасиз. Энг юқори ташкилотларга ёзган хатингизни қуйи лавозимдагиларнинг чўнтагидан топасиз. Демак, асосий мақсад халқ муаммоларини ечиш эмас, балки бу муаммоларни билдирмай, халқни “тинч” ҳолатда ушлаб туришдир.
Шундай экан, хоҳ қабул қилинг, хоҳ қабул қилманг, бу борада бир сўз айтмоқни ўринли, деб билдим. Аввало, сиз азиз халқимга енгил саволлар билан мурожаат қиламан. Раҳбарлар “Эй халқ, сабр қилинг, келажагимиз буюк” десалар ишонасизми? Албатта йўқ. Чунки бу сийқаси чиққан гап билан 25 йил давомида халқимга алла айтиб келинди. Яна бошқаси чиқиб “кечаси-ю кундузи сизларни ўйлаяпман” десачи, ишонармидингиз? Агар бу гапни воқелик билан солиштирсак, фақат фикрламайдиган одамлар ишониши мумкин холос. Шу каби қатор саволларни ташласам бирортасига ишонамиз, демайсиз. Бироқ бундай ваъда ва баландпарвоз гапларга ишонмасангиз-да, бир оғиздан чиқаётган бошқа гапларга ишонаверасиз. Масалан, инсонлар тузган қонунлар сизларга бахт келтирмайди, дегувчини ўша раҳбарлар террорист, экстремист десалар, қамасалар, қийноққа солсалар, қатл қилсалар, сиз ҳеч иккиланмай ўша ёлғончиларнинг гапларини тасдиқлайсиз. Нега?
Азиз халқим, сизга нима бўлдики, уларнинг барча сўзларини ёлғон дейсизу, энг буюк туҳматини эса, тасдиқлайсиз?
Мен сизни алдашдан Аллоҳдан қўрқадиган фарзандингизман. Ўз тилингиз билан борини ўртага ташлайман. Маҳаллангиздан, қишлоғингиздан, шаҳрингиздан ва умуман бағрингиздан юлиб олиб кетилган юрт болаларини, ёшларини эслайсизми? Улар кўтариб чиққан сўзларнинг маъносини ҳеч ўйлаб кўрганмисиз?
Сиз азизлар, инсоф қилинг! Аллоҳнинг шариатини устингизда бўлишини талаб қилишдан бу даражада қўрқманг, қўрқитишларига йўл қўйманг. Бу сўзлар анавиларнинг қоп-қоп ваъдаларидан яхшироқдир. Сал наридаги бобонгиз даврини эсланг. Улардаги эзгуликни ўрислар йўқ қилгач, кунимиз ичимиздан чиққан нафси бузуқ, озгина ҳокимият учун ота-онасини ҳам сотиб юборадиган очофатларга қолмадими? Бугуннинг подшолари, уларнинг еб тўймас очофат қизлари, куёвлари ҳақида эшитиб, билиб ҳам улардан яхшилик кутиб юраверасизми? Чарчамадингизми?
Ахир қачонгача Қуръонни тутасизу, Ундан йироқ яшайсиз? Нега ўн тўрт аср давомида аждодларингизни юксакликка олиб чиққан Исломингизни эслашдан, излашдан, ўрганишдан қочасиз? Ўша ёлғончи раҳбарлар пойига азиз бошингизни ураверасиз? Бир эмас, минг марта чаққан илонлар уясига бошингизни суқаверасиз? Сизнинг муаммоларингизни қирғиз, ўзбек, тожик, қозоқ, туркманни, бутун инсониятни бир-биридан ажратмай бир вужудга жамлаган Ислом билан бошқарувчи халифасигина ечишини тушуниб етсангиз бўлмасмикин? Ахир, саксовулдан анор, янтоқдан олма кутишдек адаштирувчи ҳаракатлардан наҳотки ҳали ҳам чарчамадингиз?
Анорни ҳам, олмани ҳам ўз дарахтидагина етилмоғини билганингиздек, эзгуликни, яхшиликни, муаммолар ечимини тўғри манзилдан изланг. Зеро, биз ер юзидаги энг азиз ва энг буюк уммат фарзандларимиз. Бас, эй азиз халқим, Исломингизга чорловчини тингланг ва уни қўлланг!
Ҳизб ут-Таҳрирнинг Ўзбекистондаги матбуот бўлими аъзоси Зайниддин
03.09.2021й
Халифалик давлатини тилларингизга жойлаган Аллоҳга ҳамдлар бўлсин!
Ғарбнинг фисқ-фасод омили бўлмиш лойиҳаларини амалга оширишда Халқаро меҳнат ташкилотининг роли
Насроний ва кофирларни байрамлари билан табриклаш тўғрисидаги саволга жавоб
Республика президентлиги сайловлари ҳукми