بِسْمِ اللهِ الرَّحْمنِ الرَّحِيمِ

Роя газетаси:

Шом очкўз АҚШ ва унинг гумашталари қаршисида мағрур турибди

Керри: Суриядаги ҳарбий ечим унинг парчалаб ташланишини англатади

АҚШ ташқи ишлар вазири Жон Керри Сурияда сиёсий ечимга эришиш фикрида ҳамон қаттиқ турганини билдирди. У ҳарбий ечимни татбиқ этиш мамлакат ҳудудий яхлитлигини сақлаб қолишга олиб бормаслигининг эҳтимоли кўпроқ эканини таъкидлади.

Керри 26 октябр чоршанба куни Чикагода бўлиб ўтган халқаро алоқаларга оид анжуманда бундай баёнот берди: «Қатор муваффақиятсизликларга қарамай, воқелик ҳали ҳам дипломатиянинг зарурлигини кўрсатиб турибди. Воқеда аксар инсонлар ҳарбий ечимни имконсиз, деб ҳисоблашмоқда. Ҳеч бўлмаса, биз Сурия бир кун келиб, ягона давлатга айланишини истаймиз».

Кейин у Суриядаги вазиятни нормаллаштириш учун ҳамда фаол, узоқ муддатли ўт очишни тўхтатиш учун, шунингдек низолашаётган томонларни Женевада тўплаб, улар билан ўтиш даври ҳайъатини ташкил қилиш ва янги раҳбарларни тайинлаш масалаларида келишиш учун, қолаверса сайловларга тайёргарлик кўриш мақсадида президент Барак Обама билан дипломатик саъй-ҳаракатларни давом эттиришларини айтди.

Керри юқоридаги гапларни айтиб ўтар экан, Суриядаги низони бартараф этиш учун Вашингтоннинг Москва ва Эрон ёрдамига муҳтожлигини таъкидлади. (Русиял Явм).

Роя газетаси шарҳи:

Сурия устида – худди Ливия ва Ямандаги каби – халқаро кураш йўқ бўлиб, у ерда фақат битта курашувчи томон, яъни Американинг ўзи бор. Америка Россия, Эрон, Асад режими, тарафдору гумашталардан, уларнинг ваҳшиёна жиноятларидан фойдаланмоқда… Бироқ шунга қарамай, Америка ва унинг тобелари ўз лойиҳасини амалга ошириш учун Сурия аҳлини тиз чўктиришга ва бошқарувда тоғут режимнинг иштирокини таъминлашга муваффақ бўлолмади. Бу нарса кўзга яққол ташланиб турибди. Унинг қаршисида курашаётган томон Сурия аҳли бўлиб қолмоқда… Уларнинг имконияти айни давлатлар имконияти билан солиштириб кўрганда жуда заиф. Шунга қарамай, Шом очкўз АҚШ ва унинг гумашталари қаршисида мағрур турибди! Буларнинг барчасига ягона сабаб буюк Исломдир. Шом аҳлини куфр ва кофирларга, уларнинг малайларига, зулмга қарши жанг қилиш сари ҳаракатлантираётган нарса ҳам буюк Исломдир. Содиқ холис кишилар қалбига озуқа бўлиб турган нарса ҳам буюк Исломдир. Ҳатто ушбу Ислом айрим кишилар қалбида фикрсиз равишда фақат туйғу жиҳатидан мавжуд бўлса-да, ҳатто кимларнидир қалбида ёмон ният учун хизмат қилаётган бўлса-да, бироқ муҳитни исломий туйғулар ва кўпчилик одамлар очиқ айтиб чиқаётган исломий фикрлар қамраб олган… Айнан шу нарса, яъни Шомдаги Ислом нури бугунгача АҚШни муваффақиятсизликка учратиб келмоқда, ҳали бу нур Умматни бирлаштирган давлатни гавдалантирганича йўқ… Қачон давлатда гавдалантирса, нима бўлар экан?! Нима бўлганда ҳам

وَسَيَعْلَمُ الَّذِينَ ظَلَمُوا أَيَّ مُنقَلَبٍ يَنقَلِبُونَ

«Золим кимсалар яқинда қандай оқибатга қараб кетаётганларини билиб олурлар»    [Шуаро 227]

Роя газетасининг 2016 йил 2 ноябр чоршанба кунги 102-сонидан