ПАРЧАЛАНГАН СУДАННИ ХАЛИФАЛИК БИРЛАШТИРАДИ: ҲИЗБ УТ-ТАҲРИР ДЕЛЕГАЦИЯСИ ХАВСА ҚАБИЛАСИ АМИРИ БИЛАН УЧРАШДИ

 2026 йил 21 май, пайшанба куни Ҳизб ут-Таҳрир – Судан вилояти делегацияси Порт-Судан шаҳрида Хавса қабилаларининг амири Солиҳ Абдураҳмон билан юзма-юз мулоқот ўтказди. Марказий алоқалар қўмитаси раиси Носир Ризо бошчилигидаги вакилларга қўмита мувофиқлаштирувчиси Абдуллоҳ Исмоил ҳамроҳлик қилди.

Файзли ва самимий муҳитда ўтган мазкур учрашувда қабиланинг таниқли сиймолари: нуроний оқсоқол Нуриддин Муҳаммад, профессор Абдуллоҳ Ҳасан, Ҳасан Умон Юсув ва бош котиб Доктор Амир Аҳмад Усмонлар ҳам қатнашиб, музокараларнинг вазнини янада оширдилар.

Суҳбат аввалида Носир Ризо Ҳизб ут-Таҳрирнинг буюк ғояси — Пайғамбарлик манҳажи асосидаги Рошид Халифаликни қайта тиклаш ва шу орқали мусулмонларнинг исломий ҳаётини изига солиш эканини батафсил баён қилди. Устоз ўз нутқида Ислом тузумини ҳаёт саҳнасига қайтариш шунчаки орзу эмас, балки ҳар бир мўмин учун шаръий фарз эканини таъкидлади. Бу йўлда жон куйдираётган даъватчиларга елкадош бўлиш — имон тақозоси ва муқаддас бурч экани алоҳида қайд этилди.

Музокаралар давомида мустамлакачи кучларнинг Умматни сунъий чегаралар ва қабилавий адоватлар воситасида парчалаб ташлашга қаратилган маккор лойиҳаларига ҳам тўхталиб ўтилди. Носир Ризо бундай шайтоний фитналарга қарши ягона нажот қалқони — исломий биродарлик ришталарини маҳкам боғлаш эканини қайд этди. Фақатгина Уммат ва Давлатнинг яхлитлигигина мусулмонларни ташқи тажовузлардан ҳимоя қила оладиган ягона куч эканини таъкидлади.

Қабила намояндалари илгари сурилган ушбу улуғвор ғояларни чин дилдан маъқуллаб, юқори баҳоладилар. Мулоқотда Хавса қабиласи ўзининг бой ва шонли исломий тарихи билан уммат ичида алоҳида мавқега эга экани эътироф этилди. Бу қабила Ислом лойиҳасининг илдиз отиши учун нафақат унумдор замин, балки юрт яхлитлиги ва жамият осойишталиги йўлида мустаҳкам истеҳком вазифасини ўтайди.

Учрашув сўнгида мезбонлар Ҳизб вакилларига ташриф учун ташаккур айтиб, Ислом Уммати ва юрт манфаати йўлида бундай ҳамфикрликни давом эттиришга қатъий тайёр эканликларини билдирдилар.

Роя газетасининг 2026 йил 27 май, чоршанба кунги 601-сонидан