بِسْمِ اللهِ الرَّحْمنِ الرَّحِيمِ

Ҳайвонни наркоз бериб сўйишга буюриш

Исломий ибодатга амал қилмасликка буюришдир

Ҳайвонларни асраш вазирлигининг Фламан минтақаси бўйича вазири Бен Вейтс вақтинчалик қассобхоналарда ҳайвонларни сўйишдан олдин наркоз бериш тўғрисида қарор чиқарди. Ундан кейин яна бир вазир Карло Ди Антонио ҳам шу қарорни жорий қилди. Ушбу қарор Белгияда яшовчи мусулмонлар жамоаси Қурбон Ҳайитига тайёргарлик кўраётган бир пайтда чиқарилди. Бу эса ундан мусулмонлар жамоаси қасд қилинганига далолат қилади.

Бунинг ғалати жойи шуки, Белгиядаги сиёсий ва маърифий доиралар ва ахборот воситалари айни қарорни маъқуллашди ҳамда илмоний демократик системага нисбатан ва уларнинг таъбири билан айтганда, қоришиб кетишга нисбатан мойиллик қай даражадалигини синаб кўришмоқчи бўлишди. Масалан, улардан бири «ҳар бир инсон бу қарорга амал қилиши шарт, шунингдек мусулмонлар ҳам», деди. Бу билан ўзлари қабул қилган ва мусулмонлардан унга амал қилишни талаб қилишаётган конституцияларини, эътиқод эркинлиги, ибодат эркинлиги, диндорлик эркинлиги, маросимлар билан шуғулланиш эркинлиги каби эркинликларни оёқ-ости қилишди! Ўзларича ҳайвонга ҳуқуқ беришди-ю, аммо уни мусулмон инсон ҳуқуқидан устун қўйишди, мусулмонларнинг диний маросимларини буткул бузишди!! Ҳатто айрим рўзномаларда айтилганидек, бу қарорни қайта кўриб чиқилишини талаб қилган мусулмонни «вазир Бен Вейтсга уруш эълон қиляпти», дейишгача боришди!

Биз мусулмонларга нисбатан ичиқора бўлган бундай доираларга савол бермоқчимиз: Сиз қандай муштарак яшаш ҳақида гапиряпсиз, ахир, мусулмонларни ҳам, ўз конституциянгизда қайд этилган уларнинг ҳуқуқларини ҳам ўзингиз тан олмаяпсизку?! Мусулмонларни на динларини ҳурмат қиляпсиз, на ибодатларини! Наҳотки, тикан экиб, ундан гул ўстирмоқчисиз!? Бундай адолатсиз, провокацион сиёсатингизни аллақачон қайта кўриб чиқишингиз керак. Чунки бу сиёсат мусулмонларнинг диний маросимлари ва ибодатларини тақиқламоқда!

Биз бундай адолатсиз қарорни қоралаймиз ҳамда айни қарордан ҳайрон қолган ва уни рад қилган мусулмонлар жамоасини ўз динлари аҳкомларига риоя қилишга, Қуръони Каримда исботланган ибодатларидан бирига вафодор бўлиб қолишга даъват қиламиз. Аллоҳ Таоло бундай деган:

فَصَلِّ لِرَبِّكَ وَانْحَرْ

«Бас, сиз Парвардигорингиз учун намоз ўқинг ва (жонлик) сўйиб-қурбонлик қилинг!»  [Кавсар 2]

Биз Белгиядаги барча мусулмонларни ўз маросимлари билан шуғулланиш ҳуқуқларидан ман этувчи бундай адолатсиз қарорга қарши туришга чақирамиз.

Ҳизб ут-Таҳрир                                                                     17 зул-қаъда 1436ҳ

Белгия                                                                                     1 сентябр 2015м