Аллоҳ йўлида охиратга сафар қилган рижол

بِسْمِ اللهِ الرَّحْمٰنِ الرَّحِيمِ

Золим ҳукмдорга ҳақ сўзни айтиб, куфрнинг ҳайбатини синдирган, кекса ёшига қарамасдан Аллоҳ йўлидаги журъати ва матонати билан кўпчилик учун ибрат ва намуна бўлган, Ислом Умматининг мард ва рижол яна бир ўғлони, Ҳизб ут-Таҳрир аъзоси, Андижонлик Ботиров Абдулмажид ака 75 ёшида ўткинчи бу синовли дунёни тарк этиб, Аллоҳ хузурига йўл олдилар.

Абдулмажид ака яхши дўст, яхши ҳамсуҳбат, мўминларга хокисор ва кофирларга мағрур эдилар.

Бу биродаримиз Умматни бугунги аянчли ва зўравонлик ҳукмронлик қилаётган куфр чангалидаги ҳаётдан халос этиш ҳамда Уммат унда азизу мукаррам бўладиган ва барчанинг фаровонлиги, хотиржамлиги кафолатланадиган Ислом салтанатини барпо қилиш ғамида умрларининг қарийб 20 йилини золим Каримовнинг Жаслиқ, Зарафшон каби қотилликлари билан дунёга танилган зиндонларида ўтказдилар. Ўзбек режимининг зўравон куч тузилмалари ва уларнинг “лохмач” деб аталгувчи қутурган “ит”лари томонидан, ҳатто ҳозирда ҳам қамоқхоналарда давом этаётган қийноқ ва калтаклари остида, ҳар канча жуссалари кичкина бўлсалар-да, сабот ва улуғворлик билан ҳақни айтиб турдилар, ҳаргиз ортга чекинмадилар. Шунингдек, бу биродаримиз ҲАҚ даъвати макони бўлмиш масжидлар минбарларини эгаллаб олиб, золим режимга кўрсатаётган хизматига динга хизмат тўнини кийгизаётган сарой муллаларига қарши Аллоҳнинг ҳужжати бўлиб қолдилар! Бу шарафга эса, ёлғиз Аллоҳга бўлган қатъий иймони ва мустаҳкам иродаси ҳамда иккинчи Рошид Халифалик тикланажаги ҳақидаги Робб ул-оламиннинг ҳақ ваъдасига нисбатан сўзсиз ишончи туфайли эришдилар. Бу азиз ва қадрдон биродаримизни Ҳавз ул-Кавсар бўйида Росулуллоҳ ﷺ билан бирга қилишини Аллоҳ таолодан сўраб, аҳли оиласига сабру жамил тилаймиз. Якунда эса энг муносиб сўзни айтамиз:

إنا لله و إنا إلیه راجعون

Албатта, биз Аллоҳникимиз ва, албатта, биз Унга қайтгувчилармиз.

Ҳизб ут-Таҳрир Ўзбекистон матбуот бўлими

24.11.2025й