Америка ЛГБТ ҳуқуқларини тан олишни мусулмонлардан талаб қилиши унинг душманлигига далолат қилмайдими?
Америка ЛГБТ ҳуқуқларини тан олишни мусулмонлардан талаб қилиши унинг душманлигига далолат қилмайдими?
بِسْمِ اللهِ الرَّحْمٰنِ الرَّحِيم
ЛГБТ мавзуси кўтарилганидан бери ҳамма мусулмон унга қарши эканлигини қатъий равишда билдириб келмоқда. Буни очиқ-ойдин баралла эълон қилмоқда. Албатта бу ҳали уммат тирик эканлигини, унинг қонида курашувчанлик ҳали ҳам борлигини кўрсатмоқда. Бироқ шу билан чекланиш, яъни фақат ЛГБТга қарши норозилик билдиришнинг ўзи етарли эмас. Балки норозиликни кимга қаратиш кераклигини билишимиз, уни яширмай очиқ-ошкора унга қарши кучли ҳужум қилиш энг тўғри иш бўлади. Агар бундай жирканчликларни такрорланишини хоҳламасак, бузуқчиликни юртимизга олиб кирмоқчи бўлаётганларни танишимиз лозим. Бу жуда муҳим иш бўлиб, унга эътиборсиз қараб бўлмайди. Чунки шу орқали биз ҳақиқий ва энг катта душманни таниймиз, кимга қарши туриш кераклигини англаймиз.
Аслида бу душман ўзини яширгани ҳам йўқ, аввалдан унинг душман эканлиги маълумдир. У Ғарб, хусусан Америкадир. У Ўзбекистондан ЛГБТ ҳуқуқларини тан олишни ўзининг Инсон ҳуқуқлари ташкилоти (HRW) орқали очиқ-ошкора талаб қилди. Бундан ҳамманинг хабари бор. Бундан ташқари, яқинда Амир Темур хиёбонида бўлиб ўтган иш бўйича Ғарблик журналистлар ва расмийларнинг ўз хавотирларини билдирганлари ҳақида хабар берилди. Жумладан, АҚШнинг Ўзбекистондаги элчиси Дэниел Розенблюм шундай деди: “Ўтган якшанбада Тошкент кўчаларида зўравонликни кўриш жуда хавотирли. Ўзбекистон ҳукуматини ЛГБТни қўллаш фикрини билдирган блогер Миразиз Бозоровнинг калтакланишини суриштиришга чақираман”.
Кўриб турганимиздек, душманимиз Америка яширин ҳаракат қилгани йўқ, балки очиқ-ошкора ҳужум қилмоқда. Қасддан мусулмонлар туйғулари билан ўйнашмоқда. У номаълум ҳам эмас. Аслини олганда, шу юртни бошқараётганлар биринчи бўлиб Американи оғзига уриб, қайтиб оча олмайдиган қилиб қўйиши керак эди. Бироқ улардан бундай мардликни кутиш аҳмоқликдир. Бундан ташқари, душманимиз баъзи расмийлар ва блогерлар айтаётганидек “бузғунчи ташқи кучлар”, қандайдир ташкилотлар ҳам эмас. Бундай ноаниқ ва тушунарсиз гаплар одамларни чалғитиб, ҳақиқатни бир қисмини айтиш билан қолганини яширишдан ўзга нарса эмас. Ҳақиқат шуки, бунинг ортида асосан Америка турибди. У очиқ-ойдин душманлигини намойиш қилмоқда. Душман ўзини манаман, деб кўрсатиб турганда унинг ён-атрофидан душман қидириш аҳмоқлик эмасми? Ёки Американи душман дейиш тақиқланганми, бу борада қизил чизиқ борми? Агар тақиқланган бўлса, бундай тақиқ айнан Америка томонидан қўйилганми? Нега норозилик билдираётган расмийлар ҳам, имомлар ҳам Американи душман, деб эълон қилмаяптилар ёки бевосита, тўғридан тўғри унга қарши ўз норозиликларини билдирмаяптилар? Ахир, у очиқ-ошкора душманлик қилаётгани кундек равшан бўлиб турибдику. У мусулмонлардан ўта жирканчли бўлган нарсани қабул қилишни талаб қилмоқда. Бу душманлик бўлмаса, уни бошқа нима деб аташ мумкин? Агар шунда ҳам душманни танишмаётган бўлса, ҳеч бўлмаганда Аллоҳ Таолонинг бизни душманлардан огоҳлантирган оятларига қулоқ солсинлар:
لَا تَتَّخِذُوا عَدُوِّي وَعَدُوَّكُمْ أَوْلِيَاء
– “Менинг душманим ва сизларнинг душманларингизни дўст тутманглар!” (Мумтаҳана:1)
Уларнинг душманликлари тилларидан ошкор бўлди, қалбларидаги душманликлари ундан ҳам каттароқдир. Аллоҳ Таоло айтади:
قَدْ بَدَتِ الْبَغْضَاءُ مِنْ أَفْوَاهِهِمْ وَمَا تُخْفِي صُدُورُهُمْ أَكْبَرُ ۚ قَدْ بَيَّنَّا لَكُمُ الْآيَاتِ ۖ إِنْ كُنْتُمْ تَعْقِلُونَ
– “Уларнинг сизларни ёмон кўришлари оғизларидан ошкор бўлди. Дилларидаги адоватлари эса янада каттароқдир. Агар ақл юргазсангизлар сизлар учун оят-аломатларни аниқ-равшан қилиб бердик”. (Оли Имрон:118)
Ҳизб ут-Таҳрирнинг Ўзбекистондаги матбуот бўлими. Салоҳиддин
01.04.2021й
