بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Америка ва Россия Ҳалабни қўзғолончилардан бўшатишга ва фасод тарқатиши учун Башарга топширишга уринишмоқда!

Америка-Россиянинг Ҳалаб қўзғолончиларини кўчириш таклифи!

Якшанба куни кечқурун «orient-news.net» сайти Америка-Россия таклифини қўлга киритди. Таклифни икки давлат қамалдаги Ҳалаб шаҳрининг шарқий қисмидаги қўзғолончиларни чиқариб ташлаш мақсадида тақдим этишган.

Сайт қўлга киритган таклиф матнида «Бу таклиф шаҳар минтақасидаги вазиятни барқарорлаштириш ва у ерга қайта инсонпарварлик ёрдамлари етишини таъминлашга қаратилган», дейилади.

Таклиф тафсилотларига кўра, Россия Федерацияси Сурия режими ва мухолиф гуруҳлар билан биргаликда, Ҳалаб шаҳрининг шарқий қисмидан жангарилар чиқиб кетадиган кунни белгилаш учун келишувга мувофиқ дарҳол ишга киришади, шаҳардан жангарилар ва фуқароларнинг тинч ва ҳурмат билан чиқиб кетишларига эътибор қаратилади.

Шунингдек, таклифда айтилишича, Асад барча жангариларнинг, уларнинг оилаларининг, оддий фуқароларнинг, Ҳалаб шарқида қолишни истаётган фуқароларнинг… ҳамма-ҳаммасини тинч-саломат чиқиб кетишларини таъминлайди, шу билан бирга, шаҳардан чиқиш йўлаги орқали чиқувчи барча жангарилар ёки фуқароларни асло ҳибсга олмаслик ва уларга озор етказмасликни ҳам очиқ кафолатлайди. Яна таклифда айтилишича, бир неча кўчириш йўлаклари қурилади ва улар орқали қуролли мухолафат жангарилари билан фуқароларнинг Ҳалаб шарқидан тинч чиқишларига очиқ рухсат берилади, Ҳалабдаги фуқаро ва жангарилар билан боғланиб, уларга чиқиб кетишлари учун шартлар, муддат, амалиёт, чиқишдан сўнг бериладиган жой… ҳақида маълумот берилади, БМТ вакиллари ва уларнинг ҳамкорлари билан маслаҳатлашган ҳолда, келишув шартлари бажарилишини назорат қилиш амалиётида ҳамкорлик қилинади. Таклифда айни битимни амалга ошириш учун қўзғолончилар амал қилишлари шарт бўлган қатор тадбирлар ҳам айтилган. Масалан, «уларнинг Ҳалаб шарқидан чиқиб кетишга тайёр эканликларига ишонч ҳосил қилиш ёки бу ҳақда АҚШ ва Россияни хабардор қилиш», шунингдек, қўзғолончилар ва уларнинг оилалари тарк этадиган минтақалар ҳақида АҚШ ва Россия Федерациясини хабардор этиш, каби. D куни Асад кучлари ва қўзғолончи гуруҳлар шаҳарда ўт очишни тўхтатишлари айтилган. Шунингдек, ҳар бир жангари шаҳарни 48 соат ичида оғир қуролларисиз, фақат енгил қурол билан кифояланган ҳолда, тарк этишлари шартлиги ҳамда фуқаролар ҳам – агар истасалар – тарк этишлари мумкинлиги айтилади. Таклифга кўра, фуқаролар Ҳалаб шарқини тарк этганларидан сўнг хоҳлаган томонга кетишлари мумкин. Жангарилар ҳам енгил қуроллари билан фақат белгиланган йўллардан бири орқали – (жумладан, Идлиб вилоятидан ва Сурия-Туркия чегаралари яқинидаги Ҳалабнинг шимолий шарқий) минтақасидан – чиқишлари мумкинлиги, аммо Жабҳатун Нусра (Жабҳату Фатҳи Шом) эса енгил қуроллари билан Идлибга чиқишлари мумкин. Яна таклифда шаҳарни тарк этишни истаган ҳамда қолишни истаган барча фуқароларга инсонпарварлик ёрдамлари БМТнинг инсонпарварлик агентликлари орқали тўла, ҳеч қандай тўсиқсиз етказиб берилиши ва белгиланган муддат ичида айни агентликлар орқали тарқатилиши ҳам таъкидланган. «orient-news.net».

Роя газетасининг 2016 йил 14 декабр чоршанба кунги 108-сонидан