بِسْمِ اللهِ الرَّحْمٰنِ الرَّحِيم

Роя газетаси:

ИСЛОМИЙ ЮРТЛАР ҲУКМДОРЛАРИ ҒАРБ ДАВЛАТЛАРИНИНГ СИЁСАТЛАРИНИ ҚАБУЛ ҚИЛИШМОҚДА: ТЕРРОРИЗМГА ҚАРШИ КУРАШ, ҒАРБ ДАВЛАТЛАРИНИНГ ИСЛОМИЙ ЮРТЛАР ИШЛАРИГА АРАЛАШИШЛАРИНИ НИҚОБЛАШ, ЯҲУДИЙЛАР ДАВЛАТИ БИЛАН ЯРАШИШ

Араб Давлатлари Лигаси ташқи ишлар вазирлари «терроризмни мағлуб қилиш»га аҳд қилиб, тинчлик амалиётини қайта жонлантириш ташаббусини олқишлашмоқда

Араб Давлатлари Лигаси ташқи ишлар вазирлари «терроризмни мағлуб қилиш»га аҳд қилишди. Бу ҳақда улар шанба кунги йиғинларида билдиришди. Ушбу йиғин Нуакшотда душанба ва сешанба кунлари ўтказиладиган Араб Давлатлари Лигасининг олий даражадаги саммитига ҳозирлик кўриш йиғини бўлди. Унда Араб Давлатлари Лигаси ташқи ишлар вазирлари «Исроил»-Фаластин низоси учун «якуний ечим»га келишга чақиришди.

Миср ташқи ишлар вазири Самиҳ Шукрий «терроризмни мағлуб этиш керак, бу бирламчи вазифа», деди. Сўнг унинг мавританиялик ҳамкасби Исилко Валад Аҳмад Изидбей араб давлатларини айни мақсадни амалга ошириш учун Африка давлатлари билан янада кўпроқ ҳамкорлик қилишга даъват қилди.

Йиғин баёнотида ташқи ишлар вазирларининг «араб дунёсидаги бўҳронларга, хусусан, Сурия, Ливия ва Яман кризисига якун ясашга ёрдам берувчи ҳар қандай ташаббусни қўллаб-қувватлашни таъкидлаганлари» айтилди.

Ташқи ишлар вазирлари «тўхтаб қолган «Исроил»-Фаластин тинчлик сўзлашувларини қайта бошлашдаги ёрдамлари учун Франция ва Миср ташаббусини» олқишладилар.

Араб Давлатлари Лигаси бош котиби ёрдамчиси Аҳмад ибн Ҳали шу ҳафтада Араб Давлатлари Лигаси етакчилари томонидан «араб миллати дуч келаётган барча бўҳронлар ва уларнинг хавфсизликлари масаласини кўриб чиқилиши»ни таъкидлади. Кейин «араб миллатининг ички хавфсизлигини таъминлаш терроризмга қарши ҳамкорликда кураш билан, хусусан, муштарак Лига кучлари тузиш орқали бажарилиши»ни қўшимча қилди. (Ҳаёт журнали).

Роя газетасининг 2016 йил 27 июл чоршанба кунги 88-сонидан