Бухорий юртида ЛГБТ намойиши ёки Лут алайҳиссалом қавмига келган балодан эслатма!

بسم الله الرحمن الرحىم

Аллоҳ Таоло “Анкабут” сурасида қуйидагиларни айтади: 

وَلُوطًا إِذْ قَالَ لِقَوْمِهِ إِنَّكُمْ لَتَأْتُونَ  الْفَاحِشَةَ مَا سَبَقَكُم بِهَا مِنْ أَحَدٍ مِّنَ الْعَالَمِينَ ‎ا

– “Лут ўз қавмига: “Албатта сизлар шундай бузуқлик қилмоқдасизларки, сизлардан илгари бутун оламлардан бирон кимса бундай қилмаган эди””.      (Анкабут:28)

Яъни биз Лутни ҳам Пайғамбар қилиб юбордик. Ўшанда у қавмига улар дунёда ҳеч ким содир этмаган фаҳш ишни қилишаётганини айтди. Бу фаҳш иш нима экани ҳаммага маълум. Бу қавм жинсий бузуқликка берилган эди. Ушбу оятда мазкур бузуқликни Лут қавмидан олдин инсоният тарихида ҳеч ким қилмагани ҳам таъкидланмоқда. Кейинги оятда Лут алайҳиссалом мазкур фаҳш ишни очиқ баён этади:

اَٮِٕنَّكُمۡ لَـتَاۡتُوۡنَ الرِّجَالَ وَتَقۡطَعُوۡنَ السَّبِيۡلَ  وَتَاۡ تُوۡنَ فِىۡ نَادِيۡكُمُ الۡمُنۡكَرَ ‌ؕ فَمَا كَانَ جَوَابَ قَوۡمِهٖۤ اِلَّاۤ اَنۡ قَالُوا ائۡتِنَا بِعَذَابِ اللّٰهِ اِنۡ كُنۡتَ مِنَ الصّٰدِقِيۡنَ

– “Сизлар эркакларга яқинлик қилиб, йўлни кесасизми ва ораларингизда(жамоаларингиз)да мункар иш қилурмисиз?!” деди. Унинг қавмининг жавоби: “Агар ростгўйлардан бўлсанг, бизга Аллоҳнинг азобини келтир”, дейишдан бошқа бўлмади”. (Анкабут:29)

Лут алайҳиссалом қавмга уларнинг хатолари нақадар катта эканини англатишда давом этиб: “Сизлар эркакларга яқинлик қилиб, йўлни кесасизми ва ораларингизда мункар иш қилурмисиз?!” деди. Лут қавмининг қилган фаҳш амали эр кишининг эр кишига шаҳват ила жинсий яқинлик қилишидан иборат эди. Пайғамбар Лут алайҳиссалом бу ерда ўша амални эслатмоқдалар. Оятдаги “йўлни кесасизми” ибораси бошқа маънодан олингандир. Аслида “йўл кесиш” маъноси қароқчилик қилиш, одамларнинг йўлини тўсиб, озор бериш, молу мулкларини тортиб олиш маъноларини ифодалашда ишлатилади. Бу ерда эса, кишиларнинг йўлини тўсиб, фаҳш ишга мажбур қилганларини англатиш учун ишлатилмоқда. Лут қавми бу ишга ўта мубтало бўлганидан, йўловчиларни тўсиб, зўрлаш даражасига бориб етган эдилар. “…ва ораларингизда мункар иш қилурмисиз?” дейишига келсак, Лут қавми бу ишга муккаларидан кетганликларидан тўп-тўп бўлиб олиб, очиқчасига қилишар эди. Улар на ўзларидан, на бошқалардан уялишарди.

Эй, азизлик манбаси ҳамиша қўлида бўлган мусулмонлар! Огоҳ бўлинг! Кеч бўлмасидан этакни ёпинг! Сизнинг устингизда татбиқ қилинаётган бугунги тузум Аллоҳ Таолонинг азоб ва балосини яқинлатишдан бошқасига ярамаслиги янада ошкор бўлмоқда. Бу демократия балоси ижрочиларининг мусулмонлик даъвосида турганлиги, минбарларда Қуръон тиловат қилишлари… сизларни алдаб қўймасин! Улар оч итлар ялоғига чопгани каби талпинаётган Ғарб демократияси – Лут алайҳиссаломга қайсарлик қилган баччавозларни ёқловчи, керак бўлса қонунлар орқали ҳимоя қилгувчи расво тарафдир. Сиз уларга эргашишда Аллоҳнинг азобидан қўрқинг!

Ҳўш, демократия меваси бўлган ЛГБТ Ғарб дунёсида нега бунчалар оммавий тарғиботга эриша олди? Ҳатто Люксембург бош вазирининг “хотини” аёллар кийимида у билан сиёсий майдонда намойишкорона чиқишдан уялмади!? Нега бугун Бухорий авлодларига бу жирканч бузуқлик ошкора намойиш этилмоқда? Бу мавзуда оғиз очишдан нақадар жиркансак-да, қисқароқ тўхталиб ўтишга ўзимизда зарурат ҳис қиляпмиз.

Барча мусулмон юртларидаги малай ҳокимлар якдиллик билан АОВлари, турли демократик институтлар ва ночор “диний уламолар” ёрдамида умматни демократия сари чорламоқда. Гўё бу тузум тараққиётимиз мезони, муаммоларимиз ечими, дея талқин қилиниб, унга ҳатто “шаръий тўн” ҳам кийгизишмоқда. Аммо демократия – очиқ куфр, барча расволик, фисқу фасоднинг ўчоғи. Унинг Ислом ва мусулмонларга заррача бўлсин алоқаси ҳам, ўхшашлиги ҳам йўқ. Қолаверса, унга асосланиб яшаётган Ғарб давлатларидан бири Англия раҳбари Черчилл демократиянинг татбиқи оқибатларини ҳис этиб, ўзининг машҳур сўзини шундай баён қилган эди: “Демократия – бошқарувнинг энг ёмон шаклидир, бироқ инсоният бундан яхшироғини ҳали ўйлаб топгани йўқ”. Черчилл инсонни тамомила эркин, билганингни қил, хоҳлаганингдек яша… қабилида тизгинсиз ҳолда қўйиш нималарга гирифтор қилиши мумкинлигини аниқ пайқаган эди. Шу эркинликнинг аччиқ меваларидан бири – гейлик ва ундан ҳам мудҳишроғи бир жинсли никоҳга қонуний йўл очиш. Аслида, бир жинсли никоҳнинг нақадар жирканчли, ҳайвон ҳам қилмайдиган нарса эканини ҳис қилиш учун инсон мусулмон бўлиши шарт эмас. Чунки бундай жирканчлик – инсон фитратига тамоман зид бўлган ғайриинсоний, ғайритабиий ишдир.

Энг аянчлиси, шу жирканч, оқибати хорлик ва шармандаликка маҳкум қонунлардан воз кечишга Ғарбда бирор чора йўқ. Нима учун? Чунки демократиянинг асослари, илдизларидан бири инсонларга шахс эркинлигини таъминлашдир. Дарҳақиқат, улар даъвосидаги эркинлик фалсафаси инсониятга бало-офатдан бошқа нарса келтирмади. Аммо ҳозирги мавзуимиз шахс эркинлигининг аччиқ меваси бўлмиш ЛГБТ ҳақидадир. Пойдевори бузуқ бўлган бу тузум кишилари бугун Ғарб дунёсида “шахс эркинлиги” оқибатларига гувоҳ бўлмоқда. Натижа кундай равшан, одам боласи хоҳиш-истакларини ўзига ҳукмрон этилса, баччавозлик, лесбиянкалик… сингари турли иллатлар тузум ҳимояси остида урчийди. Ғарб мутафаккир ва сиёсатшунослари бунинг ягона давоси Исломда эканини билсалар-да, лекин кўз юмишади, айтолмайди. Чунки ўзларининг ҳукмронлиги, давру даврони, мустамлакачилик қудратига қандаям болта урсин. Бу гўёки Мусо алайҳиссаломни таъқиб этган Фиръавн воқесига ўхшайди. Мусо алайҳиссалом ва у кишига эргашганларга Аллоҳнинг ёрдами, нусрати келиб денгиз иккига бўлинганида ортидан қувлашни тўхтатишга кибри йўл қўймасдан сувга ғарқ бўлган Фиръавн бугунги Ғарбга ва уларга кўзларини чирт юмиб эргашаётган малайларга ибрат бўлиши мумкин эди. Аммо ибратланмоқ, покликни тан олмоқ, Ҳаққа тиз чўкмоқ Фиръавнга бегона бўлгани каби бугунги ғофилларга ҳам бу иш имконсиздек кўринмоқда. Аллоҳ у золим қавмларни кетганича қўйиб берди. Булар ҳам қилмишларига монанд тубсиз жарлик томон қуламоқда.

ظَهَرَ الْفَسَادُ فِي الْبَرِّ وَالْبَحْرِ بِمَا كَسَبَتْ أَيْدِي النَّاسِ لِيُذِيقَهُم بَعْضَ الَّذِي عَمِلُوا لَعَلَّهُمْ يَرْجِعُونَ ‎﴿٤١﴾‏

– “Одамларнинг ўзлари қилган қилмишлари сабабли қуруқликда ҳам, денгизда ҳам (турли) офат-балолар юз берди. (Бу бало ва офатлар одамлар қилаётган гуноҳ-маъсиятларидан) қайтишлари учун, уларга қилган айрим гуноҳларининг (жазосини) тотдириб қўйиш учундир”.                                     (Рум:41)

Эй мўминлар! Устиларингиздаги раҳбарлар кўп огоҳ этилди ва этиляпти ҳам, аммо улар панд-насиҳат олмаяптилар. Уларнинг мисоли Лут алайҳиссалом насиҳатларидан юз ўгириб балога гирифтор бўлган қавм каби бўлиб бормоқда. Масалан, куни кеча бундай бузғунчи қавмлар мамлакат марказида Бухорий, Термизий авлодлари юзига оёқ қўйиб, намойишкорона тадбирлар ўтказди. Устингиздаги қонун уларга йўл берди, ҳуқуқ-тартибот идоралари ҳам ҳеч қандай қаршилик қилгани йўқ. Аслида юқоридаги ишлар сиз мусулмонларнинг ўғил-қизлари тарбияси, ахлоқи, шаъни, ғурурига қарши ҳамла эмасми?! Анави демократия ҳимоячилари ва “дин пешволари” нега жим?! Аммо динингиз Исломнинг бирон шиорини кўтариб, тадбир уюштиринг-чи, сизни нима кутади – ўзингизга аён. У вақтда сизга қарши қўзғоладиган қонун ҳам, унинг югурдак ҳимоячилари ҳам керагидан ортиқ топилади. Негаки, бугунги қонунлар Исломга асосидан бошлаб зид, фисқу фасоднинг ўчоғи бўлган демократик куфр қонунларидир. Сиз улардан ва улар чорлаётган тубан йўллардан юз ўгиринг! Олам фасод алангаси ичида ёнмоқда. Унинг шуъласи ҳаёт йўлингиз учун машъала бўлолмайди. Зеро, ҳар қандай олов ўчиш арафасида бир бора ловуллаб кейин ўчади.

Сизга ва бутун дунё халқларига тиним билмай тиқиштирилаётган

демократия сиз учун буткул бегона. У фаҳш асоси, бузуқлик уяси, натижаси эса, икки дунёда ҳам аламли-аянчли оқибатдир.

إِنَّ الَّذِينَ يُحِبُّونَ أَن تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالْآخِرَةِ ۚ وَاللَّهُ يَعْلَمُ وَأَنتُمْ لَا تَعْلَمُونَ ‎

– “Албатта иймон келтирган кишилар ўртасида бузуқликлар ёйилишини истайдиган кимсалар учун дунёда ҳам, охиратда ҳам аламли азоб бордир”.  (Нур:19)

Ҳизб ут-Таҳрирнинг Ўзбекистондаги матбуот бўлими аъзоси Зайниддин

21.05.2023й