بِسْمِ اللهِ الرَّحْمٰنِ الرَّحِيمِ

Фаластинни озод этиш ва Халифаликни барпо этиш чақириқлари битилган баннерлар Ғазо сектори кўчаларини тўлдирди

Ҳизб ут-Таҳрирнинг Ғазо секторидаги аъзолари ҳар йили ражаб ойида Халифалик ағдарилганининг аламли хотирасини жонлантириш бўйича қаттиқ фаолият қиладилар. Мақсадлари, одамларга Халифаликни барпо этиш фарз экани ҳақида фикр бериш ҳамда уларни Пайғамбарлик минҳожи асосидаги иккинчи рошид Халифаликни барпо этиш орқали исломий ҳаётни қайта бошлаш учун Ҳизб билан биргаликда ҳаракат қилишга тарғиб этишдир.

Ушбу Ҳизб аъзолари ўз фикрларини одамларга етказиш ва улар билан боғланиш мақсадида турли тадбирлар уюштирадилар. Айни тадбирлардан бири, Ғазо минтақасидаги кўплаб катта кўчалар ва проспектларга баннерлар илишдан иборат бўлди. Баннерларда маҳаллий ва халқаро йўналишлардаги фикрий, сиёсий ва иқтисодий шиорлар битилган бўлиб, қуйида ана шу шиорлардан асосийларини мисол қилиб келтирамиз:

– «Халифаликни барпо этиш вақти келди, кофирлар лойиҳаларининг миси чиқди»;

– «Икки давлат ечими ва Трамп келишуви битта танганинг икки томонидир»;

– «Халқаро қонун ортидан ҳакиллаб чопиш залолат, сароб ва қарамликдир»;

– «Ақсо Уммат ва унинг армиясини ёрдамга чақирмоқда»;

– «Кофирлардан ёрдам сўраманг, Уммат армиясидан нусрат талаб қилинг»;

– «Фаластинни озод этиш – тахтларни ағдариш ва армияларни ҳаракатлантириш билан бўлади»;

– «Фаластин яҳудийларни дўст тутганларга эмас, Фотиҳларга интизор»;

– «Яҳудийлар билан музокара қилиш, Фаластинга қарши жиноятдир»;

– «Халифалик юртлар ва фуқаролар халоскоридир»;

– «Трамп келишуви Халифалик ва унинг армиялари оёғи остида қолажак»;

– «Халифалик Умматнинг икки дунё бахтига элтади»;

– «Халифаликни барпо этишга ҳаракат қилиш, Аллоҳ билан фойдали савдо битимидир»;

– «Фаластин мусулмонларга – орангизда Салоҳиддинлар йўқми, дея нидо қилмоқда».

Роя газетасининг 2020 йил 25 март чоршанба кунги 279-сонидан