Дарайядан сўнгги карвоннинг чиқиши ва жангчиларининг Идлибда кутиб олиниши
بِسْمِ اللَّـهِ الرَّحْمَـٰنِ الرَّحِيمِ
Роя газетаси:
Дарайядан сўнгги карвоннинг чиқиши ва жангчиларининг Идлибда кутиб олиниши
Ал-Жазира мухбири хабарига кўра, сўнгги карвон шанба куни Дарайядан чиқиб, Идлиб томон йўл олди. Мухбирнинг айтишича, мухолафат билан Асад режими кучлари ўртасида битимнинг иккинчи босқичи тугаши ортидан Дамашққа яқин ерда жойлашган Дарайя шаҳри аҳолидан бутунлай бўшаб қолган. Битим шартида фуқароларни Дамашқ атрофидаги режим назорати остидаги минтақаларга кўчириш ҳамда мухолафат жангчиларини оилалари билан бирга Идлибга етказиш муқобилида шаҳар топширилиши айтилган.
Ал-Жазира мухбирига кўра, қуролли мухолафат жангчилари ва оилалари миндирилган тўққизта карвоннинг кўчиши жума ва шанба кунлари икки кун давом этди. Кўчирилган аҳолининг барчаси саккиз минг нафар бўлиб, уларни режим кучлари тўрт йил қамалда ушлаб турган.
Дарайя шаҳридан сўнгги жангчи чиқариб юборилиши ортидан Сурия режими кучлари уни қайта тўла ўз назоратлари остига олишди. «Фуқаролар ва жангчилар ўтқазилган карвоннинг сўнггиси чиқиб кетгандан сўнг Дарайя шаҳри тўла армия назорати остига ўтди, у ерда бирорта ҳам қуролли шахс қолмади», дейди «Франс Пресс» ахборот агентлигига мазкур кучлардан бир манба. Кейин «армия Дарайянинг ҳамма ерига кирди», дея қўшимча қилди.
Ўтган шанба Суриядаги инсон ҳуқуқлари маркази берган хабарда айтилишича, биринчи дафъада Сурия шимолий ғарбидаги Идлиб шаҳрига фуқаро ва жангчилар дохил олти юз шахс етиб келган, ҳозир эса Идлиб аҳолиси билан жангчилари сўнгги карвонни кутмоқдалар. Яъни Дарайя фуқаро ва жангчилари келиб, ўзлари учун олдиндан тайёрлаб қўйилган турар жойдаги фуқаро ва жангчиларга қўшиладилар.
Маълумки, бир неча кун аввал мухолафат Асад режими билан Дарайя шаҳридан фуқаро ва жангчиларни кўчиришга оид битимга эришган эди. Битимда етти юз нафар жангчи, ўзларининг тўрт минга яқин оила аъзолари билан бирга Идлибга чиқарилиши, шунингдек, жангчилар оғир ва ўрта қуролларини топширишлари шарт қилинган эди. (Ал-Жазира нет).
Роя газетаси шарҳи:
Тўрт йил мобайнида Асаднинг портловчи бочкалари, қирғинбарот ракеталари ва турли русумдаги қуроллари Дарайя шаҳри ва аҳлини вайрон қилди. Уни Россия билан Эрон, Туркияю Саудиядаги хоин ҳокимлар қўллаб-қувватлаб туришди, АҚШ очиқдан-очиқ ҳимоя қилди… Шулар қаршисида Дарайя мусулмонлари юртнинг асл ўғлонлари эканликларини, қурбонларга қанчалар тайёрликларини исботладилар.
Шубҳасиз бу шаҳар мағрурлик, фидоийлик ва сабот мазмунларини мусулмонлар хотирасига зархал ҳарфлар билан ёзиб қолдирди. Кўрсатилган барча сабот ва матонатлардан сўнг бундай ҳодиса олдида мусулмонлар нима бўлганини эътиборларидан қочирмасалар керак, албатта. Чунки Дарайя энг ашаддий золимлар қаршисида озгина куч-имкониятлари билан мардлик кўрсатган исломий юртларнинг биринчиси бўлмаган. Ундан олдин ҳам Бобо Амр, Қасир, Забадоний каби Шомдаги бир қанча шаҳар ва баладиялар мардлик кўрсатганлар. Шунингдек, Дарайядан олдин дунёнинг Фаллужа, Жанин, Ғазо, Грозний шаҳарлари, Афғонистоннинг шаҳарлари ва бошқалар, ҳамма-ҳаммаси сабот-матонат кўрсатиб, қурбонлар берган. Бироқ бу қурбонлар мусулмонларга ўз самарасини бермади, тўла нусрат-ғалаба ва озодликка олиб келмади!! Албатта, рошид Халифалик йўқ замонда бунга ўхшаш ишлар биринчи бор бўлмаяпти. Исломий бир шаҳар қамалда ташлаб қўйилиши, бир ўзининг тақдирини душманга топшириб қўйилиши, чор атрофидан исломий юртлар ҳукмдорлари унга қарши душман билан тил бириктиришлари, душман режаларини бажараётган жангчи гуруҳлар ва ташкилотлар уни ёрдамсиз ташлаб қўйишлари… булар биринчи бор бўлаётгани йўқ!!
Дарайя ҳодисаларидан олинадиган фойдали ибрат шундан иборатки, демак, мусулмонлар нусрат ва озодликни рўёбга чиқаришга албатта қодирлар. Бироқ бу Пайғамбарлик минҳожи асосидаги рошид Халифалик давлатининг бўлишига боғлиқдир. Чунки ушбу давлат мусулмонларга сўзда эмас, амалда нусрат келтириб, сафларини бирлаштиради, бутун энергия ва имкониятларини уларнинг ғояларини, ҳақиқий манфаатларини рўёбга чиқаришга сарфлайди, мусулмонлар берган қурбонлардан душманлари фойдаланиб қолишига йўл қўймайди.
Эй Шом аҳли, эй мусулмонлар!
Дарайя ва унинг аҳли билан содир бўлган ишлар иродангизни сустлаштириши, азм-қарорингизга таъсир қилиши асло дуруст эмас, албатта. Аксинча, бу сизга Пайғамбарлик минҳожи асосидаги рошид Халифалик давлатини барпо этиш лойиҳаси атрофига бирлашишингизга қўшимча куч баҳш этсин. Зотан, рошид Халифалик мусулмонлар ғоясини нусрат, ғолиблик ва озодлик билан рўёбга чиқаради. Росулуллоҳ CAB бундай марҳамат қилдилар:
«إِنَّمَا الإِمَامُ جُنَّةٌ يُقَاتَلُ مِنْ وَرَائِهِ وَيُتَّقَي بِهِ»
«Халифа қалқондир, унинг ортида туриб жанг қилинади ва у билан ҳимояланилади».
Роя газетасининг 2016 йил 31 август чоршанба кунги 93-сонидан
