Эй мусулмонлар: Албатта душманингиз биттадир!

Ҳизб ут-Таҳрир Марказий матбуот бўлими томонидан чиқарилган матбуот баёнотида шундай дейилади: Мусулмонлар юртларидаги қайноқ муаммоларга назар ташланганда, синчков кузатувчилар ва таҳлилчиларнинг диққатини тортадиган жиҳат — уларнинг барчасида мусулмонларнинг душмани битта эканлигидир, у ҳам бўлса Америкадир. Баъзи ўринларда эса, унинг боқимандаси бўлмиш бадбашара яҳудий вужуди шериклик қилади.

Ушбу муаммоларнинг дастлабкиларидан бири — ўтган асрнинг тўқсонинчи йиллари бошида Америка уруш олиб борган, сўнгра 2003 йилда босиб олган ва ҳанузгача унинг назорати остида машаққат чекаётган Ироқдир. Америка 2001 йилда босиб олган Афғонистондир. Сўнгра, ўз малайи Башар Асадга қарши бошланган муборак инқилобни барбод қилиш учун Америка ўз аслаҳалари ва воситаларининг барчасини ишлатган Суриядир. Сўнгра, у ер устидан назорат ўрнатиш учун Америка Британия билан тортишаётган Ямандир, ва бу ишни у ўз малайи бўлмиш Оли Сауд режими орқали ҳусийларни қўллаб-қувватлаш воситасида амалга оширмоқда.

Сўнгра, Британиянинг Суданни бошқаришига тўсқинлик қилиш мақсадида Америка ўз малайлари — армия қўмондони ва Тезкор ҳаракат кучлари қўмондони ўртасида шафқатсиз ички урушни алангалатган Судандир. Сўнгра, 2025 йил июнь ойида, кейин эса 2026 йил февраль ойи охирида Америка ва унинг боқимандаси яҳудий вужуди тажовуз қилган Эрондир. Буларнинг барчасидан аввал Фаластин ва Ливандир. Зеро ўша бадбашара яҳудий вужуди содир этган ва ҳануз содир этаётган ишлар — фақатгина Американинг ҳарбий, сиёсий ва медиа жиҳатдан қўллаб-қувватлаши ҳамда унинг жиловини қўйиб юбориши натижасидир, токи у қатл этсин, вайрон қилсин ва ерларни бирин-кетин ютиб юборсин.

Баёнотда яна илова қилинди: Шунга қарамай, мусулмонларнинг ҳукмдорлари Америка билан музокаралар олиб боришга ёки унинг соябони остида мулоқот юритишга ва Америка ҳамда яҳудий вужуди манфаати йўлида воситачилик қилишга шошилмоқдалар. Уларга маблағлар тўламоқдалар ва мусулмонларнинг ерини, сувларини ва ҳавосини улар учун очиб бермоқдалар. Хўш, улар нима учун музокара қиляптилар, келишяптилар ва воситачилик қиляптилар? Америка ва унинг боқимандаси бадбашара яҳудий вужудининг мусулмонлар юртлари устидан назоратини янада кучайтириш учунми? Ёки уларнинг у ердаги жиноятлари учун хавфсизлик тўсиғини таъминлаб бериш учунми?

Баёнот шунингдек қатъий таъкидладики: Эй мусулмонлар, агар сизнинг ягона бир Давлатингиз ва ягона бир Халифангиз бўлганида эди, сиз етиб келган ушбу аянчли аҳвол асло содир бўлмаган бўлар эди. Сиз ушбу аҳволга фақатгина Халифалик давлати вайрон қилиниши билан Ислом салтанати йўқ бўлганидан, юртларингиз заиф давлатчаларга парчаланиб кетганидан ва бўйинларингиз устига рувайбиза ҳукмдорлар ҳукмрон қилиб қўйилганидан кейингина етиб келдингиз.

Бас, сизнинг ушбу ҳукмдорларингиз худди душманларингиз кабидир, сизнинг борангизда на аҳдни, на бурчни риоя қиладилар, сиз учун бирор дахлсизликни эътиборга олмайдилар ҳамда сизнинг қонингизни, ерингизни ва молингизни асло асрамайдилар. Уларнинг бор-йўқ  ташвиши — ўзларининг қийшиқ курсиларини (тахтларини) асраб қолишдир, агарчи бу йўлда сизнинг жонларингизни, қонларингизни, ерингизни ва молларингизни қурбон қилиш эвазига бўлса ҳам. Хўш, эй мусулмонлар, ушбу хорлик ва тубанлик ҳолати яна қачонгача давом этади?!

Эй мусулмонлар: Сиз яшаётган ушбу аччиқ воқеликни муолажа қилиш ҳамда бутун дунё муаммоларини адолат билан ҳал этиш учун ундан тўғри тузум балқиб чиқадиган ўша тўғри Мабдага фақатгина сизнинг ёлғиз ўзингиз эгасиз. Бас, онглиликка, онглиликка интилинг, сўнгра Аллоҳ субҳанаҳу ва таолога бўлган холис ихлосни маҳкам тутинг, зеро ушбу иккисисиз сиз учун ҳеч қандай қувват йўқдир. Албатта ожизлик — бу фақат фикрнинг ожизлигидир, салоҳият ва қобилиятнинг ожизлиги эмасдир. Шоир айтганидек:

Райи ожиз кимса ўз имкониятини зое қилувчидир,

Токи иш қўлдан кетгач, тақдирни маломат қила бошлайди!

Матбуот баёноти мусулмонларга юзланиб, ўз сўзини шундай якунлади: Бас, ишингизни маҳкам тутинг, сизни ҳалокат чоҳларига етаклаган ўша рувайбиза ҳукмдорларингизни улоқтиришга шошилинг ҳамда юртларингизни унинг орқасида туриб жанг қилинадиган ва у билан ҳимояланадиган ягона  Рошид Халифалик байроғи остида бирлашиш учун Ҳизб ут-Таҳрир билан бирга фаолият юритишга киришинг. Шунда сиз ўз ерингизни сақлайсиз, жонларингизни муҳофаза қиласиз, қонларингизни тўкилишдан асрайсиз ва молларингизни ҳимоя қиласиз. Зеро, нусрат  фақатгина Аллоҳ ҳузуридандир, ва Аллоҳ субҳанаҳу Ўзига ёрдам берганларга албатта нусрат бергувчидир. 

﴿إِن يَنصُرْكُمُ اللّهُ فَلاَ غَالِبَ لَكُمْ وَإِن يَخْذُلْكُمْ فَمَن ذَا الَّذِي يَنصُرُكُم مِّن بَعْدِهِ وَعَلَى اللّهِ فَلْيَتَوَكِّلِ الْمُؤْمِنُونَ﴾

«Агар Аллоҳ сизга нусрат берса, сиздан ғолиб келувчи йўқдир. Ва агар сизни ёрдамсиз қолдирса, Ундан кейин сизга ким ҳам ёрдам бера оларди?! Ва мўминлар фақатгина Аллоҳга таваккул қилсинлар» (Оли Имрон, 160).

Роя газетасининг 2026 йил, 15 июл, чоршанба кунги 608-сонидан