بِسْمِ اللهِ الرَّحْمٰنِ الرَّحِيمِ

Дунё иқтисодиёти ҳамон тузалгани йўқ, бунинг зарарли симптомлари кўриниб турибди

«RT Arabic» веб-сайти (ҳижрий 1440 йил 22 зул-ҳижжа, милодий 2019 йил 23 август жума куни) нашр қилган хабарда бундай дейилади:

«Бугун жума куни АҚШ Федерал захира тизими бошқарув кенгаши раиси Жером Пауэлл – глобал иқтисодий ўсиш суръатларининг пасайишига қарамай, АҚШ иқтисодиётининг ўсишда давом этишини таъминлаш учун Банк томонидан тегишли чоралар кўрилишини таъкидлади.

«Ўтган йилнинг ўрталаридан бери глобал ўсиш прогнози ёмонлашмоқда. Афтидан, савдо сиёсатининг ёмонлиги глобал суръатларнинг пасайишида ва АҚШнинг ишлаб чиқариши билан капитал сарф-харажатларида муҳим роль ўйнамоқда», деди Жером».

Роя газетаси шарҳи:

Бутун дунё иқтисодиёти, хусусан, АҚШ иқтисодиёти улкан муаммога юз тутмоқда. Бу нарса молиявий инқироз ва тижорат банклари операцияларининг сустлашиши натижасида юз берадиган ўткир ретсессияга¹ олиб келиши мумкин. Иқтисодчи ва таҳлилчиларнинг кўпчилиги дунё иқтисодиёти 2008-2010 йиллар давомида бўлиб ўтган ипотека ва молиявий кризисдан буён ҳақиқий равишда тузалмаганини таъкидламоқдалар. Тўғри, уларнинг баъзилари капиталистик иқтисодда ҳар 10-15 йилда даврий таназзул бўлиб туришини айтишяпти. Бироқ кўпроқ эҳтимолга кўра, иқтисодиёт ҳақиқатдан ҳам тиклангани йўқ. Молиявий бозорларда нарх-навонинг кўтарилиши кредитларнинг кенгайиши ҳамда қарздорликнинг кучайишига боғлиқ. Масалан, АҚШнинг давлат қарзи 22 триллион доллардан ошиб кетди.

Маълумки, капиталистик йирик давлатлар иқтисодиёти, уни секинлашишига сабаб бўлувчи асосий муаммоларга юз тутаётган экан, одатда сиёсий бир кризис келиб чиқиб, иқтисодий муаммонинг асл сабабини очиб бермоқда. Ўз навбатида бу муаммолардан молиявий иқтисоднинг моҳияти намоён бўлмоқда. Бу эса, молия бозорларида улкан инқироз юз беришига, компания ва банкларнинг ёпилишига, ишчиларнинг ишларини йўқотишига, нарх-наволарнинг ошишига ва таназзулнинг бошқа кўринишларига олиб келмоқда.

Хуллас, бу иқтисодиёт ва у билан боғлиқ молиявий ва тижорий тизимлар реанимация бўлимига киритилган ва бунга анча бўлди. Капиталистлар унинг ҳаётини кундан-кунга автоматик-сунъий равишда ушлаб туришибди… Марказий банклар ва ҳукуматлар мажбуран уни озиқлантиришяпти… Бу ҳол айни тизимни сақлаб қолишдан ожиз қолишгунга қадар давом этади… Зотан, Жером Пауэлл ҳам шунга ишора қилиб ўтди. Дунё ва бутун инсониятда капиталистик тузумнинг барбод бўлишини олдини олиш варианти қолмади. Балки инсоннинг ҳурмат-иззатини ва молини сақлаб қоладиган бирдан-бир мавжуд вариант, олдидан ҳам, ортидан ҳам ҳеч қандай ботил кела олмайдиган, балки ҳикмат ва ҳамду сано эгаси томонидан нозил қилинган Ислом тузуми қолди.

﴿لاَ يَأْتِيهِ الْبَاطِلُ مِنْ بَيْنِ يَدَيْهِ وَلاَ مِنْ خَلْفِهِ تَنزِيلٌ مِنْ حَكِيمٍ حَمِيدٍ﴾

«Унга олдидан ҳам, ортидан ҳам (ҳеч қандай) ботил-ноҳақлик келмас, у ҳикмат ва ҳамду-сано эгаси томонидан нозил қилингандир»  [Фуссилат 42]

¹ Ишлаб чиқаришнинг нисбатан мўътадил ва танқидий бўлмаган пасайиши ёки иқтисодий ўсишнинг секинлашиши.

Роя газетасининг 2019 йил 28 август чоршанба кунги 249-сонидан