Туркиялик меъмор 18та давлатда 329та масжид ва Усмоний ёдгорликлар черковга айлантирилганини фош этди
بِسْمِ اللهِ الرَّحْمٰنِ الرَّحِيمِ
Туркиялик меъмор 18та давлатда 329та масжид ва Усмоний ёдгорликлар черковга айлантирилганини фош этди
Ал-Жазира нет веб-сайти (ҳижрий 1441 йил 27 зулқаъда, милодий 2020 йил 18 июл шанба куни) нашр қилган хабарда бундай дейилади:
«Меъмор Муҳаммад Амин Йилмаз Усмоний империяга қарашли бўлган 18 давлатга ўн йиллик саёҳати ва экспедицияси давомида Туркиянинг 329та ёдгорлигининг черковга айлантирилганига гувоҳ бўлди. Уларнинг аксари масжид ва жомелар, баъзилари мақбара ва зиёратгоҳ бўлган.
Ёдгорликларнинг 117таси Болгариядаги жоме, 7таси мақбара, зиёратгоҳлар ва биттаси мадраса бўлиб, ҳаммаси черковга айлантирилган. Улардан 74таси Грециядаги жоме бўлган ва 19таси мақбара, биттаси хайрия муассасаси, иккитаси намозгоҳ бўлиб, улар ҳам черковга айлантирилган. Йилмаз жоме, масжид, мақбара ва зиёратгоҳларни ўрганиб, черковга айлантирилганини, ҳатто меъзаналарнинг ҳам қўнғироқ минорасига айлантирилганини аниқлади. Хорватияда 8та жоме черковга айлантирилганини, Қримда 6та жоме ва мақбара черковга айлантирилганини маълум қилди.
Йилмаз яна қўшимча қилди: Косовода битта жоме черковга, битта соат минораси черков қўнғироқ минорасига айлантирилган. Украинада иккита жоме черковга, битта минора қўнғироқ минорасига айлантирилган. Македонияда 3та жоме, иккита мақбара, битта соат минораси черков ва қўнғироқ минорасига айлантирилган. Сербияда 15та жоме ва икки мақбара черковга айлантирилган. Грузия билан Озарбайжонда рус босқинчилиги даврида иккаласида ҳам биттадан жоме черковга айлантирилган. Босния ва Герцеговинада Австрия босқинчилиги даврида 3та жоме черковга айлантирилган. Жазоирда Франция босқинчилиги даврида 3та жоме черковга айлантирилган. Арманистонда ҳам иккита жоме черковга айлантирилган.
Йилмаз давом этади: Кипрда битта жоме, Молдавияда 4та жоме, Руминияда 5та жоме черковга айлантирилган.
Венгрияда 23та жоме, битта мақбара ва битта мадраса черковга айлантирилган. Бу айтилганларнинг барчаси Венгрия босқинчилиги вақтида бўлган.
Ушбу турк меъморчилик қурилишларидан кўпчилиги, яъни, 101таси Грецияда черковга айлантирилган».
Роя газетаси изоҳи:
Шунча қилмишлар содир этган Европа яна нега Туркия судининг Аё Софияни масжидга айлантириш қарори учун шовқин кўтаряпти?! Ахир, Халифалик давлати ағдарилган бўлса ҳамда Мустафо Камолнинг 1934 йил масжидни музейга айлантиришидан олдин беш аср давомида масжид бўлиб келган бўлса?! Нега шунча норозилик билдиришади, ахир, мусулмонлар Аё Софияни очиш учун Туркия суди билан узоқ йил курашиб, ҳужжатлар тақдим этган бўлсалар. Бу ҳужжатларда эса, Муҳаммад Фотиҳнинг Аё София черковини Насроний руҳонийларидан сотиб олгани, улар ҳеч мажбурлаш ва зўрликсиз ўз ихтиёрлари билан сотишгани айтилган бўлса?!
Роя газетасининг 2020 йил 22 июл чоршанба кунги 295-сонидан
