بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Бир неча кун ичида дунёнинг турли минтақаларида Ҳизб ут-Таҳрир фаоллари ҳибсга олинди ва уларга нисбатан адолатсиз ҳукмлар чиқарилди

Ҳизб ут-Таҳрир-муборак Фаластин замини матбуот бўлими мазкур ном остида матбуот баёноти нашр қилди. Унда бундай дейилади: «2017 йил 12 декабрда «Аkipress» сайти алоҳида нашр қилган хабарда, Қирғизистоннинг Жалолобод шаҳрида ҳукумат куч ишлатар органлари Ҳизб ут-Таҳрирнинг етти нафар аъзосини ҳибсга олгани айтилди. Шунингдек, «2017 йил 19 декабрда «Янги Хитой» сайти Ҳизб ут-Таҳрирнинг Қирғизистондаги ўн бир нафар аъзоси ҳибсга олинганини, бу миллий хавфсизлик давлат қўмитаси билан ички ишлар вазирлиги томонидан ўтказилган қўшма амалиёт орқали амалга оширилганини хабар қилди.

2017 йил 14 декабрда Ҳизб ут-Таҳрир-Танзания матбуот баёноти чиқариб, унда айни минтақадаги Ҳизб ут-Таҳрир аъзоларидан уч нафарининг Танзания режими томонидан зулм ва адоват билан ҳибсга олинганини қоралади.

2017 йил 17 декабрда Тунис хавфсизлик хизмати Ҳизб ут-Таҳрирнинг Тунисдаги офисига бостириб кириб, қўзғолон учқуни аланга олганининг еттинчи йили хотиралари муносабати билан намойишга тайёргарлик кўраётган 35 нафар Ҳизб аъзосини ҳибсга олди.

2017 йил 17 декабрда Иордания кассацион суди давлат хавфсизлик судининг доктор Солим Жаридотга тилига эрк бериш ва Ҳизб ут-Таҳрирга аъзолик айбловлари билан чиқарган уч йиллик жазо ҳукмини ўз кучида қолдирди.

2017 йил 8 декабрда Қозон шаҳар ҳарбий суди саккиз шахсга Ҳизб ут-Таҳрир фаолиятида қатнашиш айблови билан 16-19 йил муддатга кучайтирилган тартибдаги қамоқ жазосига ҳукм қилди, ҳаммаларига молиявий жарима белгилади.

Ўтган яқин кунлар ичида Осиёдан Африка ва Россия, Ўрта Шарққа қадар қилинган бундай қамоққа олишлар Ҳизб ут-Таҳрир аъзоларига қарши шафқатсиз ҳужумлар содир этилганини кўрсатиб турибди. Зеро, бу каби ҳужумлар бир кун ҳам тўхтамади, аксинча, тазйиқлар, таъқиблар, ҳибсга олишлар, Осиё ва Россияда йигирма йилгача бўлган муддатда шафқатсизларча ҳукм қилишлар кундан-кунга ортиб бормоқда.

Ҳизб ут-Таҳрир аъзоларига қарши бундай ваҳший амалиётлар содир этилаётганига сабаб, улар қўлидаги лойиҳадир. Улар ҳаёт воқеида илғор тараққийлашган йўл орқали вужудга келтириш учун ҳаракат қилаётган ушбу лойиҳа буюк Исломдан истинбот қилинган лойиҳадир.

Исломий юртлардаги ҳукмдорлар ва улар ортидаги мустамлакачи Ғарб Ҳизб ут-Таҳрир амалга ошириш учун ҳаракат қилаётган мафкура ва лойиҳанинг қанчалар қудратга эга эканини ҳамда инсонларда қаноат ҳосил қилиб, фикрий ва сиёсий жиҳатдан таъсир этишга қодирлигини англашмоқда. Шу билан бирга улар Ҳизб ва унинг аъзоларининг ўз ғояларига етишда зўравонликка асло қўл урмасликларини ҳам албатта билишади. Шу нуқтаи назардан, бу режимлар Ҳизбга нисбатан таъқиб, қамоққа олиш ва узоқ муддатли жазо ҳукмларини чиқариш билан одамларни ундан чўчитишга, узоқлаштиришга уринишяпти. Негаки, улар агар Ҳизб билан Уммат ўртаси холи қўйилгудек бўлса, Ҳизб қисқа вақт ичида Пайғамбарлик минҳожи асосидаги рошид Халифалик давлатини барпо этиб, Исломни татбиқ қилишга албатта қодир бўлишларини билишяпти. Лекин улар ҳақиқатни англаб, ўзларининг золимона бошқарув ва нуфузларига якун ясовчи Ҳизб фаолиятини тушунаётган бўлсалар-да, бу тушунча уларни зўравонлик йўлига ундаяпти… қонун-қоидага ҳам, эътирозга ҳам парво қилмай, жиноятчи тўдалари ва демократик мафиялари орқали ҳаракат қилишяпти.

Бироқ Аллоҳ Субҳанаҳу ва Таоло Ўз анбиё АСларига – уларнинг имкониятлари зўравон тоғутлар имкониятларига нисбатан заиф бўлишига қарамай – нусрат-ёрдам берган. Демак, бугун ҳам Аллоҳнинг мўмин бандалари мудом Унинг йўлида собит турар эканлар, уларга бир оз вақтдан сўнг бўлса ҳам албатта нусрат-ёрдам бериб, кофир ва мунофиқларни хор этади.

يَوْمَ لَا يَنفَعُ الظَّالِمِينَ مَعْذِرَتُهُمْ ۖ وَلَهُمُ اللَّعْنَةُ وَلَهُمْ سُوءُ الدَّارِ

«У Кунда золим-кофир кимсаларга узр-баҳоналари фойда бермас ва уларга лаънат бўлур, уларга энг ёмон жой-дўзах бўлур»     [Ғофир 52]

Роя газетасининг 2017 йил 27 декабр чоршанба кунги 162-сонидан

+4

0