بِسْمِ اللهِ الرَّحْمٰنِ الرَّحِيمِ

Россиянинг Украинага қарши уруши билан Шом аҳлига қарши уруши  ўртасидаги фарқ

Устоз Мунир Носир қаламига мансуб

Етти йил муқаддам, аниқроғи 2015 йил сентябрда Россия қонхўр Башар Асадни ағдарилишдан сақлаб қолиш учун Сурияга кирди. Унинг Сурияга кириши у ерда асл нуфуз соҳиби бўлган Американинг кўрсатмаси ва изни билан бўлди. Путин бу миссиясини қисқа бўлади, қудратли армияси қаршисида тарқоқ бир жангчилар бор, холос деб ўйлаган ва уруш муддатини уч ой бўлишини даъво қилган эди. Бироқ унинг ҳисоб-китоби тўғри чиқмади. Етти йил шунча қилмишлар содир этса-да, бироқ на қўзғолонни йўқ қила олди, на жон бераётган режимни жонлантира олди. Бор-йўқ қилган иши жонлантириш бўлимида ўлим талвасасида ётган режимга вақтинча сунъий кислород бериш бўлди, холос.

Ҳаммага маълумки, Россия Сурияга киришга рози бўлиш билан шундай тупикка кириб қолдики, ундан орқага қайтишнинг ҳам, олдинга юришнинг ҳам имкони йўқ. Чунки чекинса, миссиясини охирига етказолмаган қўрқоқ бўлади. Путин истагандек олдинга юрадиган бўлса, Америка уни Туркия билан келишувлар имзолашга ундаш орқали оёқ-қўлидан жиловлаб оляпти ва жанговар ютуққа эришишига йўл қўймаяпти… ўзи таклиф қилаётган сиёсий ечимлари билан ютуқни пайсалга солиб, омадсизликка учратяпти.

Бугун Россиянинг яна бир тупикка-Украинага киритилганини кўриб турибмиз. Чунки буни Америка Россия билан Хитой ўртасини айириш ва энг биринчи Европага ҳукмрон бўлиб олиб, русларни халқаро миқёсда изоляциялаш ва заифлаштириш мақсадида қилди.

Россия Шомда тарқоқ жамоаларга ва оддий қуроллар қаршилигига учради. Чунки бу жамоалар самолётларни уриб туширувчи зенит тўпларига ва дронларга эга эмас эдилар… Шунга қарамай, катта йўқотишларга дучор бўлди. Агар жангчи гуруҳ раҳбарлари «донор» давлат билан алоқа қилишмаганда эди, Шом аҳли Россиянинг албатта бурнини ерга ишқаб, хор-расво аҳволда қувиб солган бўлардилар.

Тўғри, Украина жанги хулосасини чиқаришга ҳали эрта. Бироқ, агар украиналиклар қўлида асосий ғалаба омиллари топилса урушни ўз манфаатига ҳал қилишга қодир бўладилар. Бу омиллар қатъий иродада ҳамда тажрибали ҳарбий ва сиёсий етакчиликнинг мавжудлигида гавдаланади.

Шом аҳлида қурбон беришга тайёрлик ва ирода мавжуд эса-да, бироқ жангни ҳалигача ўз манфаатига ҳал қила олмади. Бунинг боиси биринчи навбатда, уларда ўткир сиёсий етакчилик йўқ. Агар шу бор бўлганда эди, ғалабанинг асосий омили ҳам топилган бўлур эди.

Шом қўзғолони ташқи кучлар томонидан пайдо қилинган сунъий сиёсий етакчиликнинг қўзғолондан ажралиб қолганлиги натижасида кўп машаққатларга юз тутди. Бу сунъий сиёсий етакчилик қўзғолоннинг ҳақиқий вакили бўла олмади, шунингдек, «донор» давлатга қарам бўлиб қолди. Ўз навбатида, бу «донор» унга ёлғон ваъдалар бериб, қўзғолонни тўғри йўлидан адаштиришга, фикрларига ва ўзгармас мақсадларига таъсирини ўтказишга муваффақ бўлди.

Украинанинг урушга кириб қолиш сабабларидан бири, ундаги сиёсий етакчиликнинг заифлиги ва Ғарб билан бўлган алоқасидир. Чунки Ғарб Россия ҳужуми бошланиши биланоқ Украинани ёрдамсиз қолдирди… Биз Украина президентини майдонда ёлғиз қолганидан шикоят қилаётганига ҳамда Европа раҳбарлари билан Твиттер орқали боғланишни тўхтатиб қўйганига гувоҳ бўлдик. Чунки Зеленский улардан биргаликда жанг қилишларини умид қилган эди!

Шуларнинг барчаси сабабли Шом аҳли ўз ҳолатларини тушуниб етиб, қўзғолонларини охиригача етказмоқлари даркор. Зеро, улар ғалабанинг энг муҳим омилига эгадирлар. Уларга қарши бўлган ҳеч бир душман ғалабанинг бундай омилига эга бўлолмайди. Чунки бу омил Ислом ақидасидан қувват олади. Ушбу ақида уларни Аллоҳ йўлида фидокорлик қилишга ундайди ва зиммаларига бандалардан зулмни даф қилиб, ер юзида адолат ўрнатиш билан Аллоҳнинг шариатини ҳукмрон этиш вазифасини юклайди.

Уларда ғалаба омили тўлиқ топилиши учун онгли сиёсий етакчиликка эргашмоқлари керак. Фикрлари фикрлари билан баробар бўлган, уларнинг масаласига жиддий қараган, қўзғолонларининг ўзгармас мақсадига риоя қиладиган ушбу етакчилик уларнинг кучли билакларидан ушлаб, Аллоҳнинг нусратига етаклайди. Азизлик ва улуғлик сифатига эга бўлган, шаҳидлар қонини ва Уммат қурбонлигини савдога қўймайдиган ушбу етакчиликкина қўзғолонни етаклашга ва ҳаракатини қонхўр режимни ағдариш ва ўрнига Ислом ҳокимиятини барпо этишдан иборат Аллоҳ рози бўладиган жойга элтишга лойиқдир.

Роя газетасининг 2022 йил 9 март чоршанба кунги 381-сонидан