Нетаньяху ва Катснинг Шайх тоғидаги такаббурлигини фақат Ислом қўшинлари сафлари бартараф этади 

Яҳудий бош вазири Нетаньяху 2026 йил 9 сентябрь, чоршанба куни яҳудийлар босиб олган Сурия ҳудудидаги Шайх тоғи минтақасида пайдо бўлди. У яқинлашиб келаётган октябрь ойидаги Кнессет сайловлари арафасида кўкрак кериб, баландпарвозлик ва такаббурлик билан гапирди.

У мазкур жойда бронежилет кийган ҳолда тасвирга олинган видеомурожаатида шундай деди:

«Биз мана шу ерда — Шайх тоғининг чўққисида турибмиз. Биз бутун минтақани назорат қилмоқдамиз: Шайх тоғидан Ярмук дарёсигача, у ердан эса Ўрта Ер денгизигача. Бу — мисли кўрилмаган мутлақ назорат». 

У, шунингдек, «ҳеч қандай террорчи армиянинг чегараларимизда ўз мавжудлигини мустаҳкамлашига» йўл қўймасликка ваъда берди.

У билан бирга бўлган Катс эса шундай деди:

«Биз бу ердан Сурия президентига жуда кучли ва ниҳоятда аниқ хабар йўллаяпмиз. У бу ердан 35 километр узоқликдаги Дамашқдаги саройида ўтирибди: биз мана шу ердамиз — Шайх тоғида. Биз хавфсизлик зонасидамиз ва бу ердан кетмаймиз».

У Сурияда ўз қўшинларининг мавжудлигини давом эттиришни «ҳар қандай жиҳодий куч томонидан келаётган таҳдидларга қарши туриш» мақсади билан оқлашга уринди.

Бунга жавобан Сурия Ташқи ишлар вазирлиги «Нетаньяхунинг ноқонуний равишда кириши ва Шайх тоғида айланиб юришини энг кескин шаклда» қоралади. Вазирлик бу ҳаракатни «провокацион қадам, Сурия суверенитети, ҳудудий яхлитлиги ва халқаро ҳуқуқнинг очиқ-ойдин бузилиши», деб баҳолади.

Шунингдек, яҳудий кучларининг Сурия ҳудудига кириб бориши ва ҳужумларини давом эттириши минтақа хавфсизлиги ва барқарорлигига таҳдид солувчи хавфли кескинлашув эканини таъкидлади. Оқибатлари учун босқинчи вужудни тўлиқ жавобгар деб билди ҳамда одатдагидек, БМТ, халқаро ташкилотлар ва таъсирга эга давлатларни ушбу тажовузларни тўхтатишда ўз масъулиятини бажаришга, шунингдек, кучларни ажратиш тўғрисидаги келишувга қайтишга чақирди.

Шу пайтда аш-Шайбоний:

«Биз дипломатик ечим йўлини маҳкам тутмоқдамиз ва унга эришиш учун ишлаяпмиз», — деди.

У Сурия халқаро ҳуқуқ ва БМТ Низоми асосида масъулиятли йўлдан боришини ҳамда ўз миллий ҳуқуқларини қонуний сиёсий ва дипломатик воситалар билан ҳимоя қилишини таъкидлади.

Суриянинг БМТ Инсон ҳуқуқлари кенгашидаги вакили Ясер ал-Фарҳон эса:

«Биз Кенгашни яҳудийлар томонидан мажбуран ғойиб қилинган сурияликларнинг тақдири ва улар сақланаётган жойларни аниқлашга эътибор қаратишга, уларни озод қилиш устида ишлашга чақирамиз», — деди.

Суриянинг БМТдаги вакили Иброҳим Албий эса:

«Суриянинг минтақада давом этаётган кескинлашувга нисбатан позицияси аниқ. У бир неча бор ҳеч бир қўшнисига таҳдид солмаслигини таъкидлади», — деди.

Шу билан бирга, Америка воситачилигида яҳудий вужуди билан олиб борилган музокаралар давралари ва бу музокаралар давомида разведка маълумотларини алмашиш механизмини яратиш бўйича келишувга эришилгани маълум. Бу икки томон кенгроқ хавфсизлик келишувига эришишга интилаётган бир пайтда содир бўлмоқда.

Айрим кузатувчиларнинг таъкидлашича, бевосита мақсад — минтақа учун янги хавфсизлик тартиб-қоидаларига эришишга қаратилган ҳар қандай саъй-ҳаракатларни тўсиш ҳамда хавфсизликка оид талабларни Шайх тоғи каби стратегик аҳамиятга эга ҳудудда босқинчиликни мустаҳкамлаш учун ниқоб сифатида ишлатишдир.

Шунингдек, кузатувчилар, босқинчи вужуд куч тилидан бошқа тилни тушунмайди, улар бу вужуд билан ҳар қандай келишувлар тузилиши унинг экспансионистик мафкураси ва минтақага нисбатан босқинчилик орзуларидан қайтармаслигини таъкидладилар.

Таҳлилчилар эса, Нетаньяҳунинг баёнотлар оҳангини кескинлаштириши ва географик хариталарни намойиш қилиши сайловчиларни ўзига оғдиришга уриниш эканини кўрсатдилар. У ҳарбий мавжудликни тарихий ғалаба сифатида тақдим этмоқда, ички сиёсий мавқеи беқарорлашиб бораётган бир шароитда қўрқув ва ҳудудий кенгайиш омилини эрта сайлов ташвиқоти воситасига айлантирмоқда.

Айни пайтда яҳудийлар Ташқи ишлар вазири Гидеон Саар Туркия ҳарбий базаларининг Сурияда мавжуд бўлишига вужудининг қатъий қаршилигини яна бир бор билдирди ва буни «қизил чизиқ» деб атади.

Америка вакили Барак эса — Ислом ва Шом инқилобига нисбатан маккорлиги ва фитнаси билан танилган шахс — аш-Шайбонийнинг саъй-ҳаракатларини юқори баҳолаб, уни «хатога ўрин йўқ минтақада тарангликни юмшатиш учун тиришқоқлик билан ва жиддий ишлаётган» шахс сифатида мақтади. У, шунингдек, «ўзини босиш ва мулоқот ҳам куч намоён бўлишининг бир кўриниши эканини англайдиган шерик» борлигидан миннатдор эканини билдирди.

Суриядаги сиёсий воқеликни кузатган киши Нетаньяҳу ва унинг уруш вазирининг Сурия ҳудудидан туриб бундай керилиб гапириши янги ҳолат эмаслигини англайди. Аксинча, бу — ҳар сафар катта воқеага муносиб биронта азиз ва шарафли позиция билан қарши олинмай, такрорланиб келаётган воқеликдир.

«Ғазабга учраганлар» Сурия жанубида кечаю кундуз безорилик қилиб, истаганча ҳаракатланмоқда, одамларни ўлдирмоқда, ўғирламоқда, вайрон қилмоқда ва сўроқ қилмоқда. Гўё бу ер уларнинг ери, бу юрт уларнинг юртидек.

Чунки жавоб — ҳатто энг юқори чегарасида ҳам — қоралаш, норозилик билдириш ва уларнинг жиноятларида шерик бўлган халқаро тизимдан шармандаларча шикоят қилишдан нарига ўтмаяпти.

Ушбу безори ўз баёнотларида бунчалик такаббур бўла олмас эди, агар ҳокимиятда унга:

«Эй кофир аёлнинг ўғли! Сенга жавоб — эшитиладиган эмас, кўриладиган нарсадир!» деб айтадиган Ислом эр-рижоллари бўлганида эди.

У «рухсат бераман», «рухсат бермайман», дея жаҳл билан момақалдироқдек гумбурлаб, кўпик сочмоқда. Чунки у хорлик, бўйсуниш ва мутелик позицияларини кўрди ва ўзини ниҳоятда баланд мақомга кўтариб олди. Энди унинг асл ҳажмини фақат Аллоҳнинг холис бандалари кўрсата олади. Улар юртларни кезиб чиқиб, уни ҳам, унинг жиноятчиларини ҳам гўё ҳеч қачон бўлмагандай йўқ қилиб юборадилар.

Сурия ўтиш даври маъмуриятининг бу безорилик ва жиноятларга нисбатан баёнотларини синчиклаб ўрганган киши уларнинг яҳудийлар ҳар бир такаббурлиги ва ҳудудий кенгайиши ортидан такрорланадиган, зерикарли бир ҳолга келиб қолганини кўради. Улар ҳар бир тажовуз пайтида душманлардан шармандаларча ёрдам сўрашдан нарига ўтмаяпти.

Аллоҳ халифа Ҳорун ар-Рашидни раҳмат қилсин! Унинг мўминларга нисбатан аҳд-паймони ва дахлсизлигини сақламайдиган кимсалар билан қандай муносабатда бўлиш ҳақида тарихда муҳрланиб қолган позицияси қандай ибратли эди!

Биз буни кўп марта айтдик ва яна такрорлаймиз:

Яҳудий вужуди— ёлғончи бир қавмдир, улар хиёнаткор қавмдир. Улар фақат ўз манфаатларига хизмат қиладиган ва ўзлари вақтинчалигини англаб турган мавжудлигини мустаҳкамлайдиган нарсага эътибор берадилар.

Уларнинг ўзларига таҳдид солаётган «мавжудлик хавфи» ҳақида қайта-қайта баёнот беришлари эса келаётган Уммат тўфонини ҳис қилаётганларининг белгисидир. Бу тўфон уларни ва уларга эргашганларни бутунлай илдизи билан суғуриб ташлайди.

Улар билан шармандали музокаралар олиб бориш, Трамп илгари сураётган нормаллаштирув жинояти ва «Абраҳам келишувлари»га тайёргарлик кўриш эса, охиратдан олдин бу дунёдаёқ  хорлик, таҳқир ва пушаймонлик йўлидир.

Америка — дарднинг уйи ва мусибатнинг илдизидир. У ўз мақсадлари, манфаатлари ва сиёсий йўналишларига хизмат қилиш учун дардларимиз ва жароҳатларимизни чўзмоқда.

Унинг изидан юрган ҳукмдорларга эса фақат юзнинг қорайиши ва ёмон оқибат насиб этади. Буни Америкага эргашиб, унга хизмат қилган Покистон ҳукмдорларининг айримлари ҳам очиқ баён қилган.

Америка ўз воситалари ва ижрочиларига бўлган эҳтиёжини тугатиши билан уларни ишлатилган оёқ кийимлар каби чиқиндилар қутисига улоқтиради.

Биз кўп марта айтганмиз:

Аллоҳнинг розилиги билан Америка ва Ғарбнинг розилиги бир-бирига зиддир — улар бир жойда жам бўлмайди.

Фурсат ўтиб кетмасидан олдин ибрат олувчи борми?!

Инқирозга юз тутган яҳудий вужуди билан хаёлий тинчлик ҳақида гапириш — чанқаган киши сув деб ўйлаган саробдекдир. Унинг ортидан фақат ҳалокатга юз тутган, Умматнинг собит қадриятлари ва инқилобидан четга чиққан адашган кимса боради.

Бу собит қадриятларнинг энг муҳими — Исломни устувор қилишдир. Бу эса асирлар ва Масжидул Ақсони озод қиладиган, муборак Фаластин заминини босқинчи душман томонидан булғаланмайдиган, соф Исломий замин сифатида қайта тиклайдиган Давлат сояси остида амалга ошади.

Яҳудий вужуди— босиб олинган заминда барпо этилган, қўрқоқ ва юраги дов бермайдиган вужуддир. У биз билан фақат деворлар ортидан туриб урушади.

У бугун мусулмонларнинг раҳбари ва имоми йўқлиги сабабли ҳеч қандай тўсиқсиз ҳаракатланмоқда. Аслида эса шундай раҳбар бўлиши керакки, у ер юзининг машриқу мағрибидаги бир аёл ёки бир боланинг ёрдам сўраб қилган ноласига жавобан қўшинни ҳаракатга келтирсин.

У шундай раҳбар бўлиши керакки, мусулмонларнинг тарқоқ кучларини бирлаштирсин, уларнинг қудратини ягона кучга жамласин ва имкониятларини Аллоҳ ва Унинг Росули ﷺ рози бўладиган ҳамда Аллоҳнинг барча душманларига ёқмайдиган мақсадлар сари йўналтирсин.

Биз шундай Умматдирмизки, Аллоҳ бизни Ислом билан азиз қилди. Агар азизликни ундан бошқасидан изласак, Аллоҳ бизни хор қилади.

Биз ҳақиқатан ҳам одамлар учун чиқарилган энг яхши Уммат мақомига қайтмаймиз ва диннинг азизлиги ҳамда шарафи қайта тикланмайди — то Ислом Умматининг фарзандлари, айниқса, ундаги куч-қудрат аҳллари, бизнинг нажотимиз куч-қудрат манбаимиз бўлган Давлатимизни қайта тиклашдан бошқа йўл билан мумкин эмаслигини англаб етмагунларича.

Бу Умматнинг охири фақат унинг аввалги ҳолатини ислоҳ қилган нарса билан ислоҳ бўлади: ишни унинг ҳақиқий аҳлига топшириш, Ислом давлати сояси остида Ислом билан ҳукм юритиш ва Аллоҳнинг душманларининг бурнини хорлик билан ерга ишқалаш.

Ана шунда фатҳ ва озодлик қўшинлари яна ҳаракатга келади. Улар Ислом рисолатини ер юзининг машриқу мағрибига ҳаққоний равишда — даъват ва жиҳод орқали етказадилар.

Албатта, Аллоҳнинг изни билан, у кун келади, келади!

Мана шу — нажот йўли ва унинг эшигининг калитидир.

Бундай буюк яхшилик учун амал қилувчилар амал қилсинлар!

Сурия вилоятидаги Ҳизб ут-Таҳрир Матбуот бўлими аъзоси

Устоз Носир Шайх Абдулҳай

Роя газетасининг 2026 йил 16 сентябр чоршанба кунги 617-сонидан