Коррупцияни йўқотиш учун капитализмнинг илдизига болта уриш лозим
Коррупцияни йўқотиш учун капитализмнинг илдизига болта уриш лозим
بِسْمِ اللهِ الرَّحْمٰنِ الرَّحِيم
“Озодлик” радиоси ўзбек хизмати сайти 2021 йил 15 апрелда ушбу хабарни тарқатди:
Ўтган йилда Соғлиқни сақлаш вазирлиги, Халқ таълими вазирлиги ҳамда Қурилиш вазирлиги энг коррупциялашган ташкилот сифатида тан олинди. Бу ҳақда Коррупцияга қарши курашиш агентлиги расмий вакили Бекзод Раҳмонов 15 апрель куни ўтган матбуот анжуманида маълум қилди.
Унинг айтишича, Халқ таълими вазирлиги тизимида жами 78 миллиард сўм маблағ ноқонуний ўзлаштирилган. 214 нафар амалдорга интизомий жазо чоралари қўлланилган, 34 мансабдор лавозимидан озод этилган.
Соғлиқни сақлаш тизимида 16 миллиард сўмлик молиявий қонунбузарликлар аниқланган. Бу вазирлик тизимида бюджетдан ажратилган 22 миллиард сўмнинг мақсадсиз сарфланишининг олди олинди. Расмий Қурилиш вазирлиги бўйича маълумотларни ошкор қилмади.
Изоҳ: Коррупция дунё бўйича энг оғриқли муаммога айланиб улгурган. Албатта, шундай бўлиши табиий ҳол, чунки капитализм ва коррупция худди сиам эгизакларига ўхшайди, бириси бор ерда иккинчиси ҳам бўлади. Капитализм коррупция муаммосини шунчалик чуқурлаштириб юбордики, ҳатто унга батамом барҳам беришдан умидлар узилди, уни озгина бўлса-да камайтириш асосий мақсадга айланди. Бироқ коррупция озайиш ўрнига – унга қарши ҳар турли чоралар қўлланилаётганига қарамай – янада кўпайиб бормоқда ҳамда давлат ва жамият учун ҳалокатли даражада салбий таъсир кўрсатмоқда. Эътибор берсак, юқоридаги хабарда келтирилган ҳисоботларда ва бундан бошқа бир неча ўн йиллардан бери берилаётган ҳисоботларнинг барчасида коррупционер шахслар жазога тортилганлиги аён бўлади. Демак, демократик тузумда бир коррупциячи ушланса, унинг ўрнига бошқаси келади, у ҳам озгина ўтиб ушланса, ўрнига яна бошқаси келаверар экан. Ва бу ҳеч қачон тугаб битмайдиган, охири йўқ бўлган жараёнга айланиб улгурганлигини билиш қийин эмас.
Демак, бундан шундай хулоса чиқариш мумкинки, муаммо шахсларда эмас, балки татбиқ этилаётган тузумнинг ўзидадир. Айнан демократик тузум коррупциянинг онаси ва манбасидир. Уни йўқ қилиш билан коррупцияни нафақат озайтириш, балки батамом тугатиш ҳам мумкин. Коррупцияга қарши ҳар қанча курашилмасин, агар демократик тузум амалда татбиқ қилиниши тўхтатилмас экан, арзимас ютуқлар билан ўзимизни алдаб юришда давом этаверамиз. Энг йирик, ҳар доим сояда қоладиган коррупциячилар қолиб, майда-чуйдалари билан ҳисобот тўлдиришлар давом этаверади.
Коррупциянинг авж олишига йўл қўймасликнинг ягона йўли Ислом тузумини татбиқ қилишдир. Чунки, биринчидан, Исломий жамиятда одамлар пора олиш ва бериш ҳаром эканлигини, бу иш Аллоҳ Таолонинг ғазабини келтиришини тушуниб, Ундан ҳайбатланган ҳолда ҳатто ёлғиз қолсалар ҳам бу ишга қўл урмайдилар. Иккинчидан, коррупцияни келтириб чиқараётган сабаблар Ислом тузумининг адолатли ечимлари билан бартараф қилинади. Масалан, ишсизликка барҳам бериш, ойлик маошларининг етарли даражада бўлиши, асосий эҳтиёжларнинг тўла қондирилиши ва ҳоказолар. Бундан ташқари, Ислом татбиқ қилинган даврларда коррупция муаммоси кузатилмагани ҳам сўзимизни қувватлаб турибди. Шундай экан, демократияни аҳлат қутисига ирғитиб, Исломимизга қайтиш вақти келганини англашимиз зарур.
Ҳизб ут-Таҳрирнинг Ўзбекистон бўйича матбуот бўлими. Абдуллоҳ
17.04.2021й
