Эй Жанина аҳли: Ўз ҳақингизда Аллоҳдан қўрқинг
بِسْمِ اللهِ الرَّحْمٰنِ الرَّحِيمِ
Матбуот баёноти
Эй Жанина аҳли: Ўз ҳақингизда Аллоҳдан қўрқинг
Адашган сиёсатчилар ва омадсиз бошлиқларни деб қонингизни тўкманг!
Ғарбий Дарфур вилояти маркази Жанина шаҳрида икки қабила ўртасида кеча юз берган ҳодисаларда бир неча одам ўлди, яна бир нечаси жароҳатланди. Бу ҳодисалар сўнгги кунларда арзимас сиёсий ютуқни қўлга киритиш учун рўй берган якка қутблиликка интилиш натижасида рўй берди. Бегуноҳ кишиларнинг қони тўкилиши ушбу ҳодисаларни уюштирувчилар учун аҳамиятсиздир. Бу ҳодиса шу турдаги ҳодисаларнинг биринчиси эмас. Модомики, ўз ҳақ-ҳуқуқларини талаб қилиб қўлига қурол олган кишилар мавжуд экан, Суданда кетма-кет алмашаётган режимлар одамлар ҳуқуқини кафолатлаш ва уларнинг ишларини бошқариш учун эмас, балки ҳокимият ва бойликни бўлишиш учун фақат қурол кўтарганлар билан музокара қилар экан, бу каби ҳодисалар бўлаверади. Судан шарқида икки ой ичида рўй берган ҳодисалар биз айтаётган нарсага ёрқин далилдир. Дарфур йўналиши бўйича олиб борилаётган музокараларнинг тўхтатиб қўйилиши эса, яна бошқа далилдир.
Ҳизб ут-Таҳрир Судан вилояти сиёсатчилар ва қуролли исёнчи ҳаракатлар етакчилари омон қолиб, айбсиз содда диндошларимиз унинг оловида ёнаётган ҳамда кети узилмай давом этиб келаётган ушбу ҳодисалар натижасидан огоҳлантириб қуйидагиларни таъкидлайди:
Биринчидан: Ислом мусулмон кишининг мусулмон биродарига қарши жанг қилишини ҳаром қилган. Ҳатто бу ишни куфрга тенглаштирган. Росулуллоҳ ﷺ айтадилар:
«لَا تَرْجِعُوا بَعْدِي كُفَّارًا يَضْرِبُ بَعْضُكُمْ رِقَابَ بَعْضٍ»
«Мендан кейин бир-бирингизни ўлдириб, кофир ҳолингларга қайтиб кетманглар». Муслим ривояти.
Иккинчидан: Кимки қабилачилик байроғи остида жанг қилса, унинг ўлдириши ҳам, ўлиши ҳам жоҳилий бўлади, Пайғамбаримиз ﷺ бундай кишидан воз кечганлар. Абу Ҳурайра ривоят қилган ҳадисда Росулуллоҳ ﷺ шундай дейдилар:
«مَنْ خَرَجَ مِنَ الطَّاعَةِ، وَفَارَقَ الْجَمَاعَةَ فَمَاتَ، مَاتَ مِيتَةً جَاهِلِيَّةً، وَمَنْ قَاتَلَ تَحْتَ رَايَةٍ عِمِّيَّةٍ يَغْضَبُ لِعَصَبَةٍ، أَوْ يَدْعُو إِلَى عَصَبَةٍ، أَوْ يَنْصُرُ عَصَبَةً، فَقُتِلَ، فَقِتْلَةٌ جَاهِلِيَّةٌ، وَمَنْ خَرَجَ عَلَى أُمَّتِي، يَضْرِبُ بَرَّهَا وَفَاجِرَهَا، وَلَا يَتَحَاشَى مِنْ مُؤْمِنِهَا، وَلَا يَفِي لِذِي عَهْدٍ عَهْدَهُ، فَلَيْسَ مِنِّي وَلَسْتُ مِنْهُ»
«Кимки итоат қилмай, жамоатни бўлиб ўлиб кетса, жоҳилият ўлимини топибди. Кимки ўз қавмини тарафини олиб, унга ёрдам бериб, гумроҳлик байроғи остида жанг қилса ва ўлдирилса, жоҳилият ўлимини топибди. Кимки Умматимга қарши чиқиб, айбдору айбсизни фарқламасдан ва мўмин кишини ҳам четда қолдирмай ўлдирса ва берган аҳдига вафо қилмаса, у мендан эмас ва мен ҳам ундан эмасман». Муслим ривояти.
Учинчидан: Хавфсизликни сақлаш масъулияти ҳоким бўйнидадир. Чунки у жавобгар ва ўзининг қўл остидагилардан масъулдир. Пайғамбаримиз ﷺ айтадилар:
«الإِمَامُ رَاعٍ وَمَسْئُولٌ عَنْ رَعِيَّتِهِ»
«Имом бошлиқдир ва ўзининг қўл остидагилардан масъулдир». Лекин мусулмонларнинг бугунги ҳокимлари бошлиқ эмасдирлар, балки улар қўрқоқлардир. Чунки улар Аллоҳ нозил қилган аҳкомлар билан ҳукм юритмаяптилар ва мустамлакачи кофирларга бўйсуняптилар. Балки улар кофирларнинг Умматга қарши тил бириктирувларини ижро этишяпти. Шунингдек, улар бошқарувни ўзлари бўлишиб оладиган ширинлик деб ҳисоблашмоқда. Бошқарув омонат ва масъулият эканини унутишмоқда. Пайғамбаримиз ﷺ айтадилар:
«إِنَّهَا أَمَانَةُ، وَإِنَّهَا يَوْمَ الْقِيَامَةِ خِزْيٌ وَنَدَامَةٌ، إِلَّا مَنْ أَخَذَهَا بِحَقِّهَا، وَأَدَّى الَّذِي عَلَيْهِ فِيهَا»
«У (бошқарув) омонатдир, қиёматда эса шармандалик ва надоматдир. Фақат бу борада адолат қилган ва ўз бурчини адо этган кишигина бундан мустаснодир».
Эй Жанинадаги аҳлимиз! Ўз ҳақингизда Аллоҳдан қўрқинг, адашган сиёсатчилар ва омадсиз бошлиқларни деб қонингизни тўкманг. Шуни билингки, нажот фақат Исломдадир, яхши ҳаёт Пайғамбарлик минҳожи асосидаги иккинчи рошид Халифалик давлати соясида бўлади. Шундай экан, ана шундай давлатни тиклаш учун фаолият олиб бораётганлар билан бирга бўлинг. Шунда дунё ва охират мукофотига эришасиз. Аллоҳ Таоло айтади:
﴿يَا أَيُّهَا الَّذِينَ آمَنُوا اسْتَجِيبُوا لِلَّهِ وَلِلرَّسُولِ إِذَا دَعَاكُمْ لِمَا يُحْيِيكُمْ وَاعْلَمُوا أَنَّ اللَّهَ يَحُولُ بَيْنَ الْمَرْءِ وَقَلْبِهِ وَأَنَّهُ إِلَيْهِ تُحْشَرُونَ﴾
«Эй мўминлар, Аллоҳ ва Унинг пайғамбари сизларни абадий ҳаёт берадиган нарсага (яъни, динга) даъват қилар экан, уни қабул қилинглар ва билингларки, шубҳасиз, Аллоҳ ҳар бир киши билан унинг қалби ўртасини эгаллаб турур ва шубҳасиз, Унинг ҳузурига тўпланурсизлар» [Анфол 24]
Ҳизб ут-Таҳрирнинг Судандаги
матбуот бўлими
Related posts:
Ҳизб ут-Таҳрир-Судан вилояти делегацияси «Мустақилла» рўзномаси бош муҳарририни зиёрат қилди 
Йўл харитаси ва иддио қилинган тинчлик… 
Ҳизб ут-Таҳрир-Судан вилоятининг хусусан мурожаат йиғинидаги мусулмонларга ҳамда Судандаги ва бутун оламдаги мусулмонларга нидоси 
Америка ўзининг малайларини – улар орқали ўз мақсадларини амалга ошириб бўлгач – данак каби туфлаб ташлайди
