Фаластинда содир бўлган ишлар сизга ибрат ва насиҳат бўлсин
بِسْمِ اللَّـهِ الرَّحْمَـٰنِ الرَّحِيمِ
Роя газетаси:
Эй Сурия аҳли!
Фаластинда содир бўлган ишлар сизга ибрат ва насиҳат бўлсин
Роя газетаси:
Шомда юз бераётган ишлар Фаластинда содир бўлган ва бўлаётган ҳодисаларга жуда ўхшайди! Муборак Фаластин заминини ўнлаб йиллардан бери яҳудийлар оёқ-ости қилишяпти, уни озод этиш фаластинлик заиф-бечораларнинг ўзларига ташлаб қўйилди, улар яҳудий босқинчиларга қарши тошлар билан, имконларида борки енгил қуроллар билан қарши чиқмоқдалар… Аммо тиш-тирноқларигача қуролланган ва бир неча соат ичида яҳудийларни супуриб ташлашга қодир армияларимиз эса, казармаларида биқсиниб ётибди! Шундан кейин, Фаластин масаласи жангчи гуруҳлар масаласига айлантирилди. Ҳар бир гуруҳнинг бири у, бири бу давлатдан қўллаб-қувватлов олмоқда. Шу каби гуруҳлар орасида Фаластин зое кетди, ҳатто «тинчлик амалиёти» ниқоби остида босқинчи давлатга қонунийлик туси берилди.
Мана, бугун биз Шомда ҳам худди шунга ўхшаш манзаранинг такрорланаётганига гувоҳ бўлиб турибмиз, гўё Шом масаласи ҳам қандайдир гуруҳлар ва мухолафатлар масаласига айлангандай! Катта-катта жангчи гуруҳлар Ҳалабга ёрдам беришдан бош тортди, чунки улар дўст тутинган Туркия чақириғини лаббай дея қабул қилишди. Яна бошқа гуруҳлар осори-атиқалар ва моддий материаллар топиш ташвишида мутлақо ҳаракат қилмаяпти. Чунки улар Қатар ва Саудия буйруқларини бажаришмоқда. Яна бошқа гуруҳлар Ҳалаб ва Шом аҳлини ўлимга ташлаб қўйиб, маълум минтақаларга ёпишиб олишган, ортдирган мол-мулкларидан айрилиб қолишдан қўрқиб, минтақадан сал силжишни ҳам исташмайди. Яна бошқа гуруҳлар ўзлари назорат қилаётган минтақани тўсиб олиб, холис инсонларни ўтгани қўймаяпти ва бу билан қонхўр режимни ҳимоя қилувчи қалқон гуруҳга айланишди… Инсонлар шу тарзда ўлмоқда, юртлар ёқилмоқда, куни кеча гуруҳлар бирлашишидан ва етакчиларининг Аллоҳ учун холис бўлишидан қўрққан абгор жинояткор режим эса, ўзини кучли қилиб кўрсатмоқда.
Биз Шомдаги аҳлимизни душманнинг эҳтимолий улкан қирғинидан ва қириш осон бўлиши учун душман уларни Идлибга тўплаётганидан огоҳ этамиз. Мудом улар Ғарб қучоғига ўзини отган сиёсий етакчилар ва малай режимлардан қутулиб, Халифалик ва унинг очиқ лойиҳасига даъват қилаётган холис етакчиларга итоат этмас эканлар, уларни ғоят улкан хавф кутмоқда. Эй мужоҳидлар, келинг, биргаликда Аллоҳнинг буйруғини адо этайлик. Аллоҳ Субҳанаҳунинг Ўзи бандалари устидан ғолиб, мулк ҳам, нусрат ҳам Унинг қўлида:
إِن يَنصُرْكُمُ اللَّـهُ فَلَا غَالِبَ لَكُمْ ۖ وَإِن يَخْذُلْكُمْ فَمَن ذَا الَّذِي يَنصُرُكُم مِّن بَعْدِهِ ۗ وَعَلَى اللَّـهِ فَلْيَتَوَكَّلِ الْمُؤْمِنُونَ
«Агар сизларга Аллоҳ нусрат-ёрдам берса, ҳеч ким сизлардан ғолиб бўлолмайди, агар сизларни ёрдамсиз қўйса, Ундан ўзга ким ҳам нусрат-ёрдам бера оларди. Бас, мўминлар Аллоҳнинг ўзигагина суянсинлар» [Оли Имрон 160]
Роббимизга ишончимиз улкан, Муҳаммад САВ Умматига ишончимиз чексиз, Аллоҳ Таолонинг нусратига ишончимиз комил. Бизга у ёки бу ерларда етаётган мусибатлар зарар беролмайди, озор етказади, холос… Зотан, Ислом Уммати инсонлар учун чиқарилган энг яхши Умматдир:
كُنتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنكَرِ وَتُؤْمِنُونَ بِاللَّـهِ ۗ وَلَوْ آمَنَ أَهْلُ الْكِتَابِ لَكَانَ خَيْرًا لَّهُم ۚ مِّنْهُمُ الْمُؤْمِنُونَ وَأَكْثَرُهُمُ الْفَاسِقُونَ* لَن يَضُرُّوكُمْ إِلَّا أَذًى ۖ وَإِن يُقَاتِلُوكُمْ يُوَلُّوكُمُ الْأَدْبَارَ ثُمَّ لَا يُنصَرُونَ
«(Эй уммати Муҳаммад), одамлар учун чиқарилган умматларнинг энг яхшиси бўлдингиз. Зеро, сиз маъруфга буюриб, мункардан қайтарасиз ва Аллоҳга имон келтирасиз. Агар аҳли китоб ҳам имон келтирганда эди, ўзлари учун яхши бўларди. Улардан мўминлари ҳам бор ва (лекин) уларнинг кўплари фосиқлардир. Улар сизларга озор беришдан бошқа ҳеч қандай зарар етказа олмайдилар. Агар сизлар билан урушсалар, кетларига қараб қочадилар. Сўнгра уларга (ҳеч ким томонидан) ёрдам берилмайди» [Оли Имрон 110-111]
Ислом Аллоҳнинг дини, уни ҳифз-ҳимоясида асрашни, ғамхўрлик қилишни ва ғолиб этишни Унинг Ўзи кафолатига олган:
هُوَ الَّذِي أَرْسَلَ رَسُولَهُ بِالْهُدَىٰ وَدِينِ الْحَقِّ لِيُظْهِرَهُ عَلَى الدِّينِ كُلِّهِ وَلَوْ كَرِهَ الْمُشْرِكُونَ
«У (Аллоҳ) Ўз Росулини ҳидоят ва ҳақ дин билан – гарчи мушриклар хоҳламасалар-да – барча динларга ғолиб қилиш учун юборган зотдир» [Тавба 33]
Армия ва холис ҳарбийларга мурожаатимиз: Шом ва Ҳалабни қутқаринг, у ердаги аёллар, болалар ва бечораларга ёрдам беринг, малай ҳукмдорлар чангалидан халос қилинг, шунча қурол-аслаҳангиз бор, уларни тоғутни ағдариш ва Пайғамбарлик минҳожи асосидаги рошид Халифаликни барпо этиш учун ишга солинг. Ана шундан сўнг барча бечора мусулмонларга ёрдам бериш ва юртларини мустамлакачи давлатлар ва уларнинг малайларидан озод қилишга олиб борадиган йўлни мукаммал босиб ўтган бўласиз.
Шомдаги жангчи гуруҳ ва жамоаларга мурожаатимиз: сиёсий маблағдан ва давлатлар билан дўстлашишдан воз кечинг, юртингизда Аллоҳ рози бўладиган ишга, яъни мард ўғлонларнинг қўзғалишига туртки бўлган Уммат лойиҳаси атрофига, буюк Ислом лойиҳаси атрофига бирлашинг. Ана шунда сизга ғалаба ҳамроҳ, мукофотингиз жаннат бўлади.
إِنَّا لَنَنصُرُ رُسُلَنَا وَالَّذِينَ آمَنُوا فِي الْحَيَاةِ الدُّنْيَا وَيَوْمَ يَقُومُ الْأَشْهَادُ
«Биз росулларимизга ва мўминларга дунё ҳаётида ҳам, гувоҳлар ҳозир бўладиган кунда ҳам албатта нусрат берамиз» [Ғофир 51]
Роя газетасининг 2016 йил 4 январ чоршанба кунги 111-сонидан
