بِسْمِ اللهِ الرَّحْمٰنِ الرَّحِيمِ

Фожир Саудлар оиласи ҳукмдорлари Набий ﷺнинг Мадиналарини разолатга тўлдиришмоқда!

Саудия Арабистони режимининг Америка журналига Мадинаи Мунавварадаги Ало районида ярим яланғоч аёлларни суратга туширишларига рухсат берганини Ҳизб ут-Таҳрир қаттиқ қоралади! Жума куни чиқарилган матбуот баёнотида Ҳизб ут-Таҳрир Марказий матбуот бўлими раиси муҳандис Салоҳиддин Азоза бундай деди:

«Саудлар оиласи ҳукмдорлари куни кеча мустамлакачи Англия манфаати учун Халифаликка қарши курашишди… Мусулмонлар нефтини Ғарб қўлига топшириб қўйишди… Мамлакат дарвозаларини АҚШ армиясига ланг очиб беришди… «Кўнгилочар ишлар бош бошқармаси»ни ташкил қилиб, нафақат Ислом Ярим оролининг чор атрофига фисқ-фужур тарқатишди, балки мамлакат ташқарисидаги бутун Ислом Уммати дилига озор етказишди… Мана, бугун шунча қилмишлари камлик қилгандек, худди жароҳатланган арслоннинг атрофини ўраб олган шоқоллар каби, Росулуллоҳ ﷺнинг Мадиналари атрофида изғиб фасод тарқатишмоқда».

Баёнотда яна бундай дейилади:

«Уларнинг бу қилмишлари бизга султон Нуриддин Зангий замонини эслатмоқда. Ўшанда жиноятчи кимсалар Набий ﷺнинг қабрларини ковлаш, муборак жасадларини ўғирлаб, кофирларга беришни қасд қилишган эди. Аммо Аллоҳнинг инояти ила, уларнинг айни тил бириктирувлари тезда фош бўлиб, султон фитначиларни йўқ қилган ва Набий ﷺнинг қабрлари атрофига хандақ қаздириб қўрғошин қуйдирган. Ўтмишдаги бу кимсалар айни қилмишларни зимдан яширинча қилмоқчи бўлишган. Бироқ бугунги кунда Саудлар оиласи ҳукмдорлари бу қилмишларини очиқ-ошкор содир этишяпти, курашга чақиришяпти!».

Баёнот сўнггида қудрат ва ёрдам аҳлига бундай мурожаат қилинди:

«Зудлик билан Умматга нусрат беринг, чунки бу иш сизга боғлиқ бўлиб қолди. Бу рувайбиза ҳукмдорларни хиёнат тахтларидан ағдариб, Пайғамбарлик минҳожи асосидаги иккинчи рошид Халифаликни барпо этинг».

Роя газетасининг 2020 йил 22 июл чоршанба кунги 295-сонидан