Ҳизб ут-Таҳрир “Халифалик қулатилганига 100 йил тўлиши муносабати билан… Эй, мусулмонлар! Уни қайта барпо этинглар” номли оламий кампания бошлади

Халифалик давлатини тиклаш – мусулмонлар учун тақдирни ҳал қилувчи масаладир

بِسْمِ اللهِ الرَّحْمٰنِ الرَّحِيم

Мусулмонларнинг бугунги воқеси ҳар бир мусулмонга аён. У шарҳга, изоҳга муҳтож эмас. Уларнинг юртлари куфр қонунлари билан бошқарилмоқда. Шундай экан, у сўзсиз ва қатъан куфр диёрдир. У давлатлар, амирлик, султонлик ва шайхликлардан иборат қирқдан ортиқ бўлакларга бўлиб юборилган. Демак, у кофирга қарши туришдан ўта ожиздир. Шунинг учун ҳар бир Исломий ўлканинг масаласи ўша ўлкани Ислом диёрига айлантириш ва уни бошқа Исломий мамлакатлар билан бирлаштиришдан иборатдир. Бу масала тақдирни ҳал қилувчи масаладир, балки барча тақдирни ҳал қилувчи масалаларнинг асосидир. Шунинг учун унга нисбатан қўлланадиган тадбир ҳаёт-мамот тадбири бўлмоғи лозим. Ушбу тақдирни ҳал қилувчи масала, яъни исломий мамлакатларни Ислом диёрига айлантириш ва уни барча Исломий мамлакатлар билан бирлаштириш масаласи амалга ошириш учун ҳаракат қилиш лозим бўлган ғоядир. Ушбу мақсадни амалга ошириш тариқати эса, халифаликни барпо қилиб, уни яна мавжуд қилишдир. Шунинг учун бугунги кунда мусулмонлар олдида турган масала Халифаликни бошқарув низоми сифатида барпо қилишдир, негаки бу билан ўлкани Ислом диёрига айлантириш, қолаверса уни бошқа Исломий мамлакатлар билан бирлаштириш амалга ошади.

Халифаликни барпо қилиш қатъан тақдирни ҳал қилувчи масаладир. Чунки уни барпо қилиш Исломий юртларимизни куфр диёридан Ислом диёрига айлантириш тариқатидир. Бундан ташқари, у куфр низомларини парчалаш, яъни очиқ куфрни йўқотиш учун ҳам зарур. Демак, ушбу масалага нисбатан қўлланадиган тадбир ҳаёт-мамот тадбири бўлмоғи лозим. Мусулмонларнинг бошига куфр ҳукмлари миниб олиб, уларнинг ишлари кофирларга, мунофиқларга ва муртадларга қолгандан буён, улар куфр салтанати чангалидан озод бўлишга, куфр арбоблари ва тарафдорларининг зўравонлигидан қутулишга ҳаракат қилиб келмоқдалар. Бироқ агар улар амалга ошириш учун курашаётган бу масалага тақдирни ҳал қилувчи масала сифатида қарамасалар, унинг учун ҳаёт-мамот тадбиридан ўзга тадбир йўқлигини англамасалар, муваффақиятга эриша олмайдилар. Чунки мусулмонларнинг бу нарсани идрок қила олмаслиги уларнинг – жамоат ёки уммат сифатида – ҳалокат ва ўлимларни қўя турайлик, озор, қамоқ ва азобларни кўтаришга бўлган тоқатларини ҳам йўқотиб юборади. Ҳолбуки, бу  озорлар қаерда тақдирни ҳал қилувчи масалалар учун кураш кетаётган бўлса, ўша ерда мавжуд бўлиши табиий ҳолдир. Шунинг учун куфр зўравонлигидан озод бўлиш йўлида қилинган барча ҳаракатлар очиқдан-очиқ мағлубиятга учрайди, ўзлари эса, курашаётган мақсадлари сари бирор қадам ҳам боса олмайдилар.

Ҳақиқат шуки, куфр низомини йўқотиш, Ислом низомини барпо қилиш каби табиати тақдирни ҳал қилувчи бўлган масалаларни – бирор инсон уларга тақдирни ҳал қилувчи масала деб қарамай туриб, қанча кучли бўлмасин ва қанча ҳаракат қилмасин – амалга ошира олмайди. Демак, мусулмонлар шахс сифатида ҳам, жамоат сифатида ҳам яхши билишлари лозимки, улар куфрга қарши курашдаги ҳаракатларини фақат ҳаёт-мамот тадбири асосига қуришлари лозим.

Чунки бу масалаларнинг табиати улардан шу тадбирни талаб қилади. Шариат ҳам Қуръон ва Суннатда шу тадбирни келтиради. Росулуллоҳ ﷺ бизларга ўз тақдиримизни ҳал қилувчи масалаларимизни аниқ белгилаб олишни ва унга нисбатан ҳаёт-мамот тадбирини қўллашимизни ўргатдилар. Росулуллоҳ ﷺ Ислом билан юборилиб, даъватни фикрий кураш билан етказа бошлаганларида Исломни зоҳир қилишни ўзлари учун лозим бўлган масала, деб белгиладилар, унга нисбатан эса, ҳаёт-мамот тадбирини қўлладилар. Росулуллоҳ ﷺдан ривоят қилинадики, амакилари Абу Толиб Қурайшнинг “Муҳаммадни биздан тийиб қўй”, деб қилган талабини маълум қилганда, Росулуллоҳ ﷺ унга шундай жавоб қилдилар: “Менга ҳам, ўзингизга ҳам шафқат қилинг, қўлимдан келмайдиган нарсани мендан талаб қилманг. Эй амаки, Аллоҳга қасамки, агар қуёшни ўнг қўлимга, ойни чап қўлимга қўйиб шу ишингни ташла, десалар ҳам, мен бу йўлдан қайтмайман. Токи Аллоҳ уни ғолиб қилади ёки мен бу йўлда ҳалок бўламан”.

Шунинг учун биз Ислом ўлкаларига маҳкам ўрнашиб олган мана бу куфр орасидаги ҳар бир муслимни ўз юртини Ислом диёрига айлантириш, уни бошқа Исломий мамлакатлар билан бирлаштириш тариқати сифатида Халифаликни барпо этиш ҳаракатига даъват этамиз. Шунингдек, Исломни ёйиш мақсадида даъватни бутун оламга етказишга ҳамда Росулуллоҳ ﷺнинг қуйидаги муборак сўзларини содиқ иймон ва ақл-идрок билан такрорлашга даъват этамиз: “Аллоҳга қасамки, агар қуёшни ўнг қўлимга, ойни чап қўлимга қўйиб шу ишингни ташла, десалар ҳам, мен бу йўлдан қайтмайман. Токи Аллоҳ уни ғолиб қилади ёки мен бу йўлда ҳалок бўламан!”.

“Халифалик қандай тугатилган” китобидан фойдаланилди

#Халифаликни_тикланглар

#ReturnTheKhilafah / #أقيموا_الخلاف / #YenidenHilafet

#TurudisheniKhilafah / #خلافتکوقائم_کرو

#Установите_Халифат

Ҳизб ут-Таҳрирнинг Ўзбекистондаги ахборот бўлими. Салоҳиддин 

23.02.2021й