بِسْـــمِ اللهِ الرَّحْمٰـــنِ الرَّحِيـــم

Матбуот баёноти

Биз Халифаликни миллатчилик сабабли йўқотгандик, демак уни қайтаришимиз учун ҳам миллатчиликдан воз кечишимиз даркор

1923 йил 3 март куни Лондонда чиқадиган «The Economist» журналининг ёзишича, Лозан шартномаси имзоланишидан бир йил олдин қилинган музокаралар давомида Британия ўз хавотирларини ифодалаб ўтган. Газетада жумладан, бундай сўзлар ёзилган эди: «Агар Мустафо Камол ҳукумати ағдарилгудек бўлса, биз Туркия мусулмонларининг қўзғалишига гувоҳ бўламиз. Чунки уларда Ғарбга қарши ҳужум қилиш истаги жуда кучли. Ғарбнинг ўсишига якун ясашга қаратилган бу ҳужум, фақат Туркиянинг ўзида эмас, балки бутун Ўрта Шарқда бўлиши мумкин. Бу эса, Халифаликни қайта тикланишини англатади. Шунингдек, Россия билан иттифоқчи бўлиш асосида ҳужум бошланишидан ва Шимолий-Ғарбий Африка, Триполи, Миср, Фаластин, Сурия, Рофидинлар юрти (Месопотамия), Форс, Ҳиндистон юртида кучли муаммолар келиб чиқишидан дарак беради. Маълумки, Анғўра (Анқара)даги сиёсий кураш, Британ императорлиги учун муҳим аҳамият касб этади».

Аввал Халифаликдан воз кечилди, бинобарин, бекор ҳам қилинди… бу ҳам камлик қилганидек, Халифалик юртлари бир йилдаёқ Ислом ва мусулмонларга мутлақо ёт бўлган ажнабий миллатчилик мафкурасининг қурбонига айланди. Ниҳоят, ўша журналнинг ўзида 1924 йил 8 март куни бундай сўзлар нашр қилинди: «Турклар томонидан Халифаликдан воз кечилиши, Ғарбдан ташқари оламда Ғарб фикрларининг ёйилиши замони бошланганидан дарак беради. Чунки миллий суверенитетга ва ўз-ўзини бошқаришга оид бизнинг ғарбча фикрларимиз, реал куч бўлди ва омадсиз Абдулмажид афандини шу кучнинг қурбони сифатида қулатди. Гап шундаки, халифалик матнда ҳам, амалда ҳам ягона исломий олам подшоҳлигидир. Шунинг учун, миллий бир давлатда (бу давлат жумҳурият, деб аталадими ёки конституциявий монархия, деб аталадими, фарқсиз) энди, халифаликнинг ўзига жой топа олиши амри маҳол, десак бўлади. Чунки бу давлатда халқ вакиллари сифатида британияликлар хўжайин бўладилар».

Орадан тўқсон йил ўтди. Мустамлакачи Ғарб ўтган асрда бизни бўлиб-парчалаб ташлашга қаттиқ ҳаракат қилиб, бор кучини сарфлаган бўлса-да, бироқ олам мусулмонлари ўртасидаги сиёсий бирликка бўлган рағбатни бостириш қўлидан келмади. Шунга қарамай, бу мустамлакачиларда Халифаликнинг қайта барпо этилишини ҳеч бўлмаса яна бир неча ўн йилга кечиктириш умиди йўқолгани йўқ, бизга ўзларининг ифлос миллий менталитетларини зўрлаб ўтказиш истаклари ҳамон мавжуд.

Айнан миллатчилик мафкураси Ислом Уммати бирлигини вайрон этди ва бизни Халифаликни барпо этиш фарзини адо этишдан узоқ замонлардан бери чалғитиб келди. Бугун ана у хоин қироллар, президентлар ва бош вазирлар, Сурияда минглаб мусулмоннинг қони дарё бўлиб оқизилиши олдида ўзларининг қўл қовуштириб ўтиришганига ҳам миллатчиликдан келиб чиқиб баҳоналар келтиришяпти. Шунингдек, уларнинг Бирма, Фаластин, Яман, Босния, Чеченистон ва барча ердаги қатли ом қилинаётган мусулмонларга нисбатан келтиришаётган мана шундай баҳоналари, мустамлакачилар манфаатига хизмат қилади.

Айнан миллатчилик сабабли Совет Иттифоқи парчаланди, айнан у сабабли Европа ва Америка бугун беқарор аҳволда. Чунки бу инсониятга яроқсиз ғоят жирканч мафкурадир. Бу миллатчилик, ёмонликда Набий A

«دَعُوهَا فَإِنَّهَا مُنْتِنَةٌ»

«Уни тарк этинг, чунки у ғоят бадбўйдир», деган қабилачиликдан қолишмайди. Дискриминация, ксенофобия, бўлгинчилик, булар Ғарб ҳукмронлик қилаётган ва биз ўтган асрда ҳукми остида яшаган дунёвий тузумнинг асосий ажралиб турувчи иллатларидир.

Ҳеч шубҳа йўқки, эртага – Аллоҳнинг изни ила – барпо бўлажак Пайғамбарлик минҳожи асосидаги Халифалик ҳаргиз миллатчи давлат бўлмайди. Ушбу давлатда барча миллат ва ирқ вакиллари Британия, Америка ва бошқа бугунги кундаги давлатлардан кўра кўпроқ ҳақ-ҳуқуқлардан фойдаланиб яшайдилар. Чунки Ислом бутун башариятга келган рисола бўлса, Халифалик барчанинг давлатидир, унинг соясида мусулмонлар ҳам, ғайримусулмонлар ҳам баробар ҳаёт кечирадилар.

Бугун бутун дунё учун фалокат ҳисобланган ўша машъум кунни хотирлар эканмиз, мусулмонларни яна бир йилни ўтказиб юбормасликка, балки фурсатни ғанимат билиб, Исломий давлат йўқ ҳолатида ҳамма маҳрум бўлган яхшиликни бутун оламга эслатишликка даъват қиламиз. Шу билан бирга, барчамиз Ғарбда ҳукм сураётган, бир сиқим элитага улкан даромадлар, бутун инсониятга эса, азоб-уқубатлар ва зиёнлар келтираётган бу либерал оламий тузумнинг ғирт аҳмоқона тузум эканини бутун дунёга фош этмоғимиз лозим.

Мустамлакачилар Умматни бўлишда фойдаланган бу миллий чегараларни мусулмонлар мутлақ рад этишлари ва исломий юртлардаги бўлиб ташланган армияларимизни даъват қилишлари вақти келди. Армияларимизни сунъий чегараларга нисбатан кўз юммасликка ва битта Уммат бўлиб, заифларни мудофаа қилишга ва оламга қайтадан Исломни улашишга даъват қилиш вақти келди.

﴿وَلَيَنْصُرَنَّ اللَّهُ مَنْ يَنْصُرُهُ إِنَّ اللَّهَ لَقَوِيٌّ عَزِيزٌ﴾

«Аллоҳ Ўзига (яъни динига) ёрдам берадиган зотларга албатта нусрат берур. Шубҳасиз Аллоҳ кучли, қудратлидир»   [Ҳаж 40]

Тожи Мустафо

Ҳизб ут-Таҳрирнинг Британиядаги

матбуот бўлими воизи

Электрон почта: press@hizb.org.uk

Веб саҳифа: www.hizb.org.uk

Телефон: +44 (0) 7074 192400