Яҳудийларнинг кибр-ҳавоси тобора ортиб бораётган бир пайтда, қачонгача халқаро низомга шикоят қилиш билан кифояланамиз?!

«Reuters» агентлиги манбаларга таяниб хабар беришича, «Моссад»нинг янги раҳбари Гофман 2026 йил 14 август куни Сурия ташқи ишлар вазири билан телефон орқали мулоқот ўтказиб, Туркиянинг Суриядаги ҳарбий мавжудлигини муҳокама қилган. Шундан сўнг яҳудий вужуди 2026 йил 18 август сешанба куни Идлибнинг шарқий чеккасидаги Абу аз-Зуҳур ҳарбий аэропортининг учиш-қўниш йўлаклари ва ангарларини нишонга олган 8 та ҳаво зарбаси бериб, уни бомбардимон қилди. У буни  хавфсизлик масалалари бўйича мавжуд ҳолатни сақлаб қолишни назарда тутган олдинги келишув билан ҳамда Суриянинг Ҳалаб яқинидаги ҳарбий ҳаво базасига турк кучларининг жойлашишига рухсат бериш орқали ушбу битимни бузиш арафасида бўлгани билан оқлади.

АҚШнинг Сурия бўйича махсус вакили Том Барак эса «яҳудий вужуди, Сурия ва Туркияни ўз ичига олган низони ҳал қилиш механизми устида қизғин ишлаётганини, шимолга — Туркия ҳудуди томон ҳаракатланаётган ва жавоб қайтаришга тайёрланиши мумкин бўлган самолётлар қайд этилганини, хайриятки, вазмин ва босиқ томонлар вазиятнинг янада ёмонлашишининг олдини олишга муваффақ бўлганларини!» билдирди. Ва «бундай ҳодисалар яҳудий вужудидаги сайловлар санаси бўлмиш 2026 йил 27 октябргача давом этишини» қўшимча қилди. Шунингдек, «Axios» сайти Трамп маъмурияти Суриядан яҳудий вужудидаги сайловлар ўтгунга қадар ўзини босиб туришни сўраганини келтирди.

Дамашқдаги ўтиш даври маъмуриятининг позицияси эса унинг ташқи ишлар вазири Шайбонийнинг тили орқали қуйидагича баён этилди: «Абу аз-Зуҳур аэропортида турк базасини барпо этиш, Туркиянинг доимий ҳарбий мавжудлигини ўрнатиш ёки турк кучларини жойлаштириш бўйича ҳеч қандай ният бўлмаган ва бу хабар (исроил) томонига очиқ-ойдин етказилган. Сурия (исроил)ни ўз тажовузларини давом эттиришдан қайтариш учун дипломатия йўлини маҳкам тутмоқда. Биз (исроил)нинг Абу аз-Зуҳур ҳарбий аэропортига қилган тажовузини қоралаймиз, бу асоссиз иғво, Сурия суверенитетини бузиш ҳамда минтақавий ва глобал барқарорликка таҳдиддир. Биз (исроил) билан келишувга эришишга ҳаракат қилдик, бироқ у ўз мажбуриятларидан чекинди. Биз ҳанузгача кескинликни камайтириш учун (исроил) билан битимга эришишдан манфаатдормиз».

Шунингдек, «Axios» сайти Шайбонийнинг қуйидаги сўзларини келтирди: «Мен (исроил)га базада ҳарбий куч тўплаш учун Туркия билан ҳамкорлик қилмаётганимизни тушунтирдим, бироқ шунга қарамай у ҳужум уюштирди». Ушбу сайтнинг ўзи қўшимча қилишича, Сурия ҳукумати бир неча ҳафтадан бери ана шундай ҳодисаларни бошқариш ва кескинликнинг олдини олишга қаратилган муштарак мувофиқлаштирув марказини Иорданияда ташкил этиш бўйича Америка ва яҳудий вужуди билан келишувни амалга ошириш учун босим ўтказиб келаётган эди. Бироқ ушбу вужуд буни рад этди ва ўз армиясининг Сурия жанубига бостириб киришини янада кучайтирди.

Иброний ОАВ Абу аз-Зуҳур аэропортининг бомбардимон қилиниши «Нетаньяхунинг Идлибдаги сайловолди кампанияси» деб баҳолади. АҚШнинг яҳудий вужудидаги элчиси Майк Ҳакаби эса бу зарбалар ўз-ўзидан қасддан қилинмаган, балки минтақадаги Туркия ҳаракатлари сабабли йўлланган «огоҳлантирувчи хабар» эканини билдирди. «Аш-Шарқ ал-Авсат» сайти эса қуйидагиларни хабар қилди: «Сўнгги икки ҳафта ичида (исроил) армияси Сурияга 27 марта ҳаво ҳужуми ва 36 марта қуруқликдан бостириб кириш амалиётини ўтказди ҳамда 11 нафар Сурия фуқаросини ҳибсга олди. Бунга сиёсий ва ҳарбий масъулларнинг Сурия ҳудудида ҳарбий базалар қурмоқда дея айбланаётган Туркияга нисбатан таҳдидлари ҳамроҳлик қилди, Анқара ва Дамашқ эса буни расман инкор этмоқда».

Башар қулаганидан бери яҳудий вужуди қуруқликда, денгизда ва ҳавода Сурия ҳарбий инфратузилмасини нишонга олмоқда. Унинг кучлари жанубда ва шимолда бамайлихотир қутуриб, сурбетларча изғиб юрибди, одамларни ҳибсга олмоқда, сўроқ қилмоқда ва ҳеч қандай хавфсизлик таҳдидисиз вайрон қилмоқда. Ҳатто Нетаньяху ва унинг уруш вазири Кац ҳар қандай вазмин одамни ҳайратда қолдирадиган ғалати ва шубҳали бир сукут соясида Сурия жанубида очиқчасига сайр қилиб юрибди!

Аллоҳнинг душманлари қаршисида уларнинг қаҳр-ғазабидан қўрқиб ҳамда уларнинг сохта сулҳ ва тинчлигини тилаб хорланишдан кўра ортиқроқ қандай хорлик ва тубанлик бор?! Наҳотки бу қавм яҳудийларнинг нафрат, хиёнат, макр ва аҳдларни бузувчи қавм эканини ҳали ҳам билмаган бўлса?! Ахир улар пайғамбарларнинг қотиллари эмасми?!

Наҳотки улар яҳудийларга фақат битта тил — азизлик, қаҳрамонлик ва мардлик майдонларидаги қурол ва такбир тилигина таъсир қилишини ҳали ҳам англаб етмаган бўлсалар?! Нажот йўли маълум, унинг эшиги ва калити ҳам аниқдир! Тайёргарлик кўриш, барқарорликнинг устуворлиги, қайта қуриш ва иқтисодий юксалишни баҳона қилиш эса шунчаки ёлғон важлар ва сафсаталардан ўзга нарса эмас. Зеро Америка ва унинг асрандиси Суриянинг бирорта таъсирчан куч-қувват омилларига эга бўлишига йўл қўймаслик учун бор кучини аямайди — магар одамларни заминимизни эртаю кеч булғаётган золим душманга қарши туришдан жиловлаб туриш учун бошқариладиган нарсалар бундан мустасно!

Улар ҳозирги маъмуриятга ўзини ҳимоячи ва иттифоқчи сифатида тақдим этаётган, бироқ ўз ҳақиқатида ўғриларни ўз ишини қилишга ундаб, кейин ўзини холис қутқарувчи қилиб кўрсатувчи ўғрибошига ўхшаган Американинг асл башарасини ҳали ҳам тушуниб етмадиларми?! Дамашқ маъмуриятини ўз кўрсатмаларига янада кўпроқ бўйин эгдириш мақсадида унга: «Агар мен бўлмаганимда, бутун Сурия яҳудийлар чангалига тушган бўлар эди», дея миннат қилаётган Американинг-а?! Ишлар назоратдан чиқиб кетмаслиги ҳамда бошқарув тизгини инқилоб ва жиҳод йиллари етиштириб чиқарган холис қўмондонлар қўлига ўтиб қолмаслиги учун Суриянинг кучли армияга эга бўлишини истамаётган Американинг-а?!

Албатта, Америка хавфсизлик кучлари ва армияни ўз хоҳишига кўра қайта тартибга солишни хоҳлайди — токи холисларни сиқиб чиқариш ҳамда режим қолдиқларини, яҳудийларнинг малайи бўлган Ҳижрийнинг югурдакларини ва «Қасад» унсурларини кучайтириш, ҳатто уларни қарор қабул қилиш марказига қўйиш орқали 14 йил давомида илдиз отган инқилобий ва жиҳодий руҳни суғуриб ташласин!

Абу аз-Зуҳур аэропортининг бомбардимон қилинишига келсак, гарчи мусулмон ҳукмдорлари сотқинлик ва ўз хўжайинларининг кўрсатмаларига бўйсуниш ҳолатида бўлсалар-да, лекин яҳудийлар мусулмон юртлари ўртасидаги ҳар қандай яқинлашувдан даҳшатга тушиб, бошларига фалокат тушадигандек бўладилар. Чунки улар мусулмонларнинг куч-қудратини, мустамлакачи кофирга қарамлик ҳамда хорлик ва тубанлик бўйинтуруғидан тўлиқ озод бўлишга бўлган иштиёқини ва биринчи қиблани озод қилишга бўлган ёнғинли интилишларини кўриб турибдилар. Ислом Шоми яҳудийлар учун ҳар қандай масаладан хавфлироқдир, зеро улар мавжудлик таҳдиди ундан муқаррар келишини биладилар. Буни ушбу вужуднинг диаспора ишлари бўйича вазири Амихай Шикли мислсиз огоҳлантиришлар бериб очиқ ифода этди: у ўз вужуди билан Сурия ўртасидаги ҳарбий тўқнашув муқаррар эканини ва эртами-кечми юз беришини таъкидлаб, Дамашқ ва Анқара ўртасидаги сўнгги яқинлашув хавфлилик жиҳатидан Эрон ядро масаласидан ҳам ошиб тушувчи таҳдид эканини билдирди.

Шунингдек, Америка Туркиянинг барқарорлик ва қайта қуришни қўллаб-қувватловчи муайян бир роль ўйнашини истайди, бироқ ҳукмронлик ва назорат ўрнатиши учун эмас. У бутун масалани Туркия қўлига топширишни хоҳламайди, балки буларнинг барчасини тўғридан-тўғри ўзига боғлашга интилади.

Албатта, яҳудийларнинг кўксини ваҳм ғажимоқда ва ақлларини еб битирмоқда; улар ҳар бир қичқириқни ўзларига қарши деб ҳисоблайдилар. Шу сабабли улар Аллоҳнинг арқони узилгани ва одамларнинг арқони емирилганидан кейин ўзлари нажот ҳалқаси деб билган ҳарбий устунликлари ҳақида хомхаёлга берилиб, олдиндан эҳтиёт чораси сифатида ўзларининг сохта, шиширилган кучларини кўз-кўз қилаётганларини кўрасиз. Айниқса, бутун жаҳон кайфиятида, ҳатто Европа ва Америкада ҳам,  ушбу бадбашара вужудга ва унинг Ғазо ва бошқа жойлардаги Ислом Умматига қарши қилган жиноятларига нисбатан яққол ўзгариш юз бераётган бир вақтда — ҳолбуки ундан на инсон, на дарахт ва на тош омон қолди!

Ҳа, албатта яҳудийларнинг Сурия жанубида ва бошқа жойлардаги қутуриши, мусулмонларнинг қурол-аслаҳа ва тайёргарлик жиҳатидан озлигига қарамай, ҳаётга энг ҳарис бўлган кимсаларнинг қалбларини эгаллаб олган даҳшат ва қўрқув доирасига киради. Энди тасаввур қилинг, мусулмонлар Халифаси етакчилик қиладиган уюшган, беҳисоб аскарлардан иборат улкан армиялар қаршисида уларнинг ҳоли не кечади?! Аллоҳнинг изни билан у муқаррар келувчи эзгуликдир! Бас, амал қилган, кўмаклашган, нусрат берган ҳамда Аллоҳ динининг олий бўлиши ва Ислом ҳукми ҳамда давлатини барпо этиш йўлида амал қилувчилардан бўлган киши қандай ҳам буюк зафарга эришувчидир!

Устоз Носир Шайх Абдулҳай

Ҳизб ут-Таҳрирнинг Сурия вилоятидаги Матбуот бўлими аъзоси

Роя газетасининг 2026 йил 2 сентябр чоршанба кунги 615-сонидан