بسم الله الرحمن الرحيم

Роя газетаси:

Ал-Ваъй гуруҳи Пайғамбар алайҳиссаломнинг ҳижратини хотирлаб, талабаларни Аллоҳнинг динига ёрдам бериш ва уни эъзозлашга даъват қилди

Ал-Ваъй гуруҳи (Фаластин университетларидаги Ҳизб ут-Таҳрирнинг талабалар тузилмаси) Пайғамбар алайҳиссаломнинг ҳижратини хотирлаб, Фаластин университетларида бир қанча тадбирлар ўтказди. Тадбирлар қуйидагилардан иборат бўлди:

«Пайғамбар алайҳиссаломнинг ҳижратлари – жиноятчилар зулмидан қочиш эмас, балки Аллоҳ нозил қилган аҳкомлар билан бошқарувчи қудратли давлатни барпо қилишдан иборатдир» номли хотиранома тарқатилди. Унда Ал-Ваъй гуруҳи шуни баён қилдики, Набий ﷺнинг Мадинаи мунавварага қилган ҳижратлари ғор ҳамда ундаги ўргимчак ва кабутар ҳодисаларидан иборат эмаслиги, балки янги аср тонги отаётганидан ва тарихга мислсиз сатрлар қолдирилаётганидан дарак бўлган.

Шунингдек, ушбу тадбирларда қуйидаги сўзлар ёзилган лавҳалар илинди: «Ҳижрат – Умматнинг ғалаба қозонганини, Исломий давлат барпо бўлганини ҳамда Аллоҳ Таолонинг

}وَعَدَ اللَّهُ الَّذِينَ آمَنُوا مِنكُمْ وَعَمِلُوا الصَّالِحَاتِ لَيَسْتَخْلِفَنَّهُمْ فِي الْأَرْضِ كَمَا اسْتَخْلَفَ الَّذِينَ مِن قَبْلِهِمْ وَلَيُمَكِّنَنَّ لَهُمْ دِينَهُمُ الَّذِي ارْتَضَىٰ لَهُمْ وَلَيُبَدِّلَنَّهُم مِّن بَعْدِ خَوْفِهِمْ أَمْنًا{

«Аллоҳ сизлардан имон келтирган ва яхши амаллар қилган зотларга худди илгари ўтган (имон-эътиқодли) зотларни халифа қилганидек уларни ҳам ер юзида халифа қилишни ва улар учун Ўзи рози бўлган (Ислом) динини ғолиб-мустаҳкам қилишни ҳамда уларнинг (аҳволини) хавфу-хатарларидан сўнг тинчлик-хотиржамликка айлантириб қўйишни ваъда қилди. Улар Менга ибодат қилурлар ва Менга бирон нарсани шерик қилмаслар. Ким мана шу (ваъда)дан кейин куфрони (неъмат) қилса, бас улар итоатсиз кимсалардир»                                                          [Нур 55]

деган каломи амалга ошганини англатади».

Шунингдек, маъруза залида қуйидаги сатрлар қўйилди: «Набий ﷺнинг ҳижратлари ғор ҳамда ундаги ўргимчак ва кабутар ҳодисаларидан иборат эмас, балки нусрат, ғолиблик ва динни барпо қилишдир», «Мусулмонлар Набий ﷺнинг ҳижратлари билан хорлик ва хўрликдан қутилиб, азизлик ва қудратли давлатга эришдилар».

Ал-Ваъй гуруҳи ушбу тадбирлар доирасида Фаластин Политехника университетида намойиш ўтказди. Унда плакатлар кўтариб чиқилиб, ҳижратнинг мусулмонларга нисбатан аҳамияти ҳақида мавъиза қилинди. Шунингдек, масжидларда ва университет намозхоналарида ҳам буюк ҳижрат ҳақида маърузалар қилинди. Университет талабалари билан учрашувлар уюштирилиб, ушбу улуғ воқеанинг муҳимлиги эслатиб ўтилди ҳамда ушбу бинони, худди Росулуллоҳ ﷺ барпо этганларидек тарзда қайта барпо этишга уларнинг ҳимматлари қўзғатилди.

Роя газетасининг 2018 йил 26 сентябр чоршанба кунги 201-сонидан