بِسْمِ اللهِ الرَّحْمٰنِ الرَّحِيمِ

Ҳизб ут-Таҳрир – Иордания вилоятидан шариат факултетига ва конференция уюштирувчиларига мурожаат

Иордания университети шариат факултети Исломий ишлар ва Вақф вазирининг раҳнамолигида Германиянинг халқаро ҳамкорлик агентлиги билан ҳамкорликда конференция ўтказди. «Иорданиядаги сув ҳақиқати… муаммолар ва исломий нуқтаи назардан келиб чиққан ечимлар» номли ушбу конференция шанба куни «ZOOM» орқали Иордания университети шариат факултети талабаларининг биринчи конференциясидир.

Ўз навбатида, Ҳизб ут-Таҳрир – Иордания вилояти матбуот бўлими конференциядан олдин баёнот чиқариб, шариат факултети декан ва профессорларига ҳамда конференция уюштирувчиларига мурожаат йўллади. Мурожаатда бундай дейилди:

«Сув Исломда омма мулки ҳисобланиб, шариат эгаси Аллоҳ уни бутун мусулмонларнинг мулкига айлантирди. Шахсларнинг унга эгалик қилишидан қайтарди. Шунинг учун сувнинг – Иорданияда қилингани каби – хусусийлаштириш ва маълум бир компанияга сотиш ҳаромдир».

Баёнотда таъкидланишича, «Иорданиядаги сув муаммоси асосан сиёсий муаммо бўлиб, у Иорданиянинг давлат сифатида ташкил топишига, унинг бошқарув низомига ҳамда юрт ҳукмдорларининг яҳудийлар билан  муносабатига алоқадордир. Чунки яҳудийлар Иордания сувининг катта миқдорини босиб олиш ёки келишувлар ёхуд ўғирлаш орқали эгаллаб олишган». Баёнотида яна қуйидагилар таъкидланди:

«Иорданиядаги сув масаласини тубдан ҳал этмоқ учун унга маҳаллий ёки регионал эмас, минтақа ва Уммат даражасида қарамоқ даркор. Зеро, минтақадаги мавжуд сув бойлиги Умматнинг умумий мулки бўлиб, ундан барча мусулмон фарзандлари фойдаланиши лозим. Бунинг учун бутун Уммат ягона сиёсий вужудда бирлашиб, яҳудий вужудини йўқ қилиши лозим. Ана шундагина сув муаммоси Иордания ва минтақада тубдан ҳал бўлади». Баёнот сўнггида Ҳизб ут-Таҳрир томонидан 1999 йил нашр қилинган «Иорданиядаги сув муаммоси. Унинг ечими қандай?» номли китобчага диққат қаратилди. Дарҳақиқат, китобчада сув муаммоси ечимлари билан ёритилган, сувнинг воқелиги, уни омборда тўплаш ва юрт бўйлаб тарқатиш йўллари баён этилган. Шунингдек, Иордания сув омборида сақланаётган сув миқдори одамларга керакли миқдорга ҳамда ундан ўғирланаётган миқдорга солиштириб берилган ва буларнинг барчаси рақамлар ва ишончли статистика билан келтирилган.

Роя газетасининг 2020 йил 16 декабр чоршанба кунги 317-сонидан