بِسْمِ اللهِ الرَّحْمنِ الرَّحِيمِ

Роя газетаси:

Яман устида АҚШ-Британия кураши ҳамон авжида

Ҳодий БМТнинг Яманга оид ташаббусини рад этмоқда

Яман президенти Абдуроббиҳ Мансур Ҳодий БМТнинг Ямандаги вакили Исмоил Валади Шайх тарафидан таклиф этилган, низоларга берҳам беришга оид тинчлик ташаббусини рад этди.

Ҳодий ўз норозилиги сабабини очиқлар экан, бу ташаббус «инқилобчиларни тақдирлаш» эканини билдирди. У инқилобчилар, деганда Ҳусийлар билан собиқ президент Али Абдуллоҳ Солиҳни назарда тутди. Маълумки, ташаббусда Ҳусийларга ҳукумат бошқарувидан маълум улуш берилиши таъкидланган.

Ҳодий Яман президентлиги тарафидан чиқарилган баёнотда, жумладан, бундай дейди: «Яман халқи бундай фикрларни ёки йўл харитаси, дейилаётган нарсани қоралайди, чунки унинг ишончи комилки, айни харита машаққатлар ва урушлар кўламининг ошишига эшик очади, зотан, у на бир тинчлик харитасини англатсин, на унинг бирор мазмунини».

Валади Шайх билан ўтказган учрашувида Ҳодий то «Ҳусийлар инқилоби», деган нарсага барҳам берилиб, Хавфсизлик Кенгаши қарорига риоя қилинмас экан, асло тинчликка эришиб бўлмаслигини, бу қарорда Ҳусийларга қуролсизланиш ва ўз назоратлари остидаги ерлардан чиқиб кетиш шарт қилинганини таъкидлади. (Би-Би-Си арабий).

Роя газетаси шарҳи:

Яман президенти Абдуроббиҳ Мансур Ҳодий ўз ихтиёри билан бир қадам ҳам ташлолмайди, унинг тизгини хўжайини Британия қўлида. Тизгинни сал бўшатса, қимирлаб, гапириши мумкин. Агар қаттиқроқ тортса, қимирламай, миқ этмай туради. Шунинг учун унинг айни ҳаракатини шундай тушуниш лозимки, демак, Яман устидаги Британия-АҚШ кураши ҳамон авжида, ўнлаб йилдан буён юртга ўз нуфузини ўрнатиб келган Британия АҚШ учун ён беришни ёки уни ҳам нуфузда шерик қилишни ҳалигача хоҳламаяпти. Аксинча, Яманни назорат қилиш ва бойликларини ташиб кетишда яккаҳоким бўлмоқчи… Бу Яман аҳли билмоғи ва ўзгартиришга ҳаракат қилмоғи лозим бўлган аччиқ ҳақиқатдир. Уни ўзгартириш эса Ҳизб ут-Таҳрир билан биргаликда Пайғамбарлик минҳожи асосидаги рошид Халифалик давлатини барпо этишга ҳаракат қилиш орқали амалга ошади.

Роя газетасининг 2016 йил 2 ноябр чоршанба кунги 102-сонидан

0

0

Related posts:

БМТ вакили Ғарбнинг терроризмга қарши кураш ниқоби остида Ливияга аралашиши учун замин тайёрламоқда БМТ: ироқликларнинг учдан бири шошилинч ёрдамга муҳтож Ливия: БМТ миссияси билан Вифоқ ҳукумати Триполига қайтиш билан учта вазирлик очади Халқаро инсонпарварлик ташкилоти Ҳалабда жаллодлар билан қурбонлар ўртасини тенглаштирмоқда